वर्धापन दिनाच्या मिपाला लै म्हणजे लै शुभेच्छा. :)

मिपाला ८ व्या वर्धापनदिनानिमित्त मनःपूर्वक शुभेच्छा.
मिपाने जालीय मित्रांबरोबरच खर्‍या आयुष्यातही असंख्य मित्र मिळवून दिले. मिपाकरांसोबत बर्‍याच नवनवीन ठिकाणी भटकंती करता आल्या, उत्तम लेखन वाचता आले.

मिपाचे खूप खूप आभार.

एका खंग्री माणसाला जरासे " मुक्त" व्यासपीठ हवे होते. तिथे सर्वानीच मुक्तपणे व्यक्त व्हावे असे स्थापकाना वाटत होते. आजही हे व्यासपीठ मुक्तच आहे. माणूस व जनावर यातील फरक विचारानी व्यक्त होणे हा आहे.प्राणीही आपला राग, प्रेम व्यक्त करीत असतो. आपणही तो व्यक्त करावा पण माणसाच्या पातळीला येऊन.हीच अपेक्षा वर्धापन दिनाच्या निमित्ताने.

मालक, टेक्निकल टीम आणि मंडळाला हार्दिक शुभेच्छा विथ धन्यवाद!

आणि मुलानं काल पूर्ण केललं हे पेंटींग

अभिनंदन, धन्यवाद आणि पुढील वाटचालीसाठी मनःपूर्वक शुभेच्छा!

खरे म्हणजे शुभेच्छा द्यायला किंवा एकूणच जास्त औपचारीक वागायला आवडत नाही. स्वतःच्या वाढदिवसाला कोणी शुभेच्छा दिल्या तरी अवघडायला होतं. ( काय करणार शिव्या खाल्ल्याशिवाय आम्हाला जमतच नाही ! )
मिपावर एवढी वर्ष पडीक आहे म्हणजे शुभेच्छा बाय डिफॉल्ट इन्क्लूड आहेतच.
तरी पण लोकलाजेस्तव शुभेच्छा !

मिपाला अनेकानेक शुभेच्छा आणि धन्यवाद.. लगे रहो, मिपा आणि मिपाकर्स..
संक्षींनी टाकलेलं चित्रही अत्यंत सुंदर आहे.. :-)

समस्त मिपाकरांना शुभेच्छा...मिपा असेच बहरत राहो अशी श्री गजानना चरणी प्रार्थना :)

मिपा वर धागे काढण्या मजा काहि औरच आहे.. मी २०० धागे गुंफले मी. पा. वर.. फुल २ धमाल..किति उडाले ते आठवत नाहि..२०० मात्र राहिले

मिपा वर धागे काढण्या मजा काहि औरच आहे.. मी २०० धागे गुंफले मी. पा. वर.. फुल २ धमाल..किति उडाले ते आठवत नाहि..२०० मात्र राहिले....समस्त मिपाकरांना शुभेच्छा.

मिपाला अनेकानेक शुभेच्छा आणि धन्यवाद.. आमच्या सारख्या शेंकडो अज्ञानी लोकांना लेखकू बनविण्याचे मह्त्त कार्य मिपा असेच करत राहो ही अशा.

अनेक शुभेच्छा :)

मिपाला ८ व्या वर्धापनदिनानिमित्त मनःपूर्वक शुभेच्छा.

मिपाची अशीच उत्तरोत्तर प्रगती होत राहो हीच श्री चरणी प्रार्थना.

समस्त मिपाकरांना व त्यांच्या कुटूंबियांना श्री गणेश चतुर्थीच्या हार्दिक शुभेच्छा.

|| गणपती बाप्पा मोरया ||

हे मुक्त माध्यम आम्हासारख्या कुणीच नसलेल्याना कुणीतरी बनवण्यासाठी असेच हजार वर्षे बहरत राहो !

मिपाला शुभेच्छा!!! तर्री अजून खंग्री होवो आणि मिपा कायमच राहो. आमीन!!!!

मनःपूर्वक शुभेच्छा !
....आणि धन्यवाद

इथे डुंबण्यात मजा येते .

सर्व मिपाकर तंत्रज्ञ,संपादक मंडळ आणि मिपाकर मंडळी यांचे अभिनंदन !
एका मराठी मंचावर इतक्या विविध क्षेत्रातली मंडळी एकत्र येउन सातत्याने विविध विषयांवर लिखाण करत आहेत,आणि सर्वांना आनंद देत आहेत. :) माझ्या पाहण्यात तरी इतका मुक्त-मोकळा आणि सुरेख मंच जालावर कुठेही उपलब्ध नाही.
हा धागा पाहिल्यावर मी माझा सदस्य कालावधी पाहिला, ६ वर्ष ६ महिने... या काळात मिपा आणि मिपाकरांनी मला भरभरुन दिले, आणि त्या बद्धल मी मिपा आणि मिपाकरांचा मनःपूर्वक आभारी आहे.
हा मंच असाच बहरलेला राहो आणि त्यात अनेक उत्तम मंडळींची भर पडो हीच सदिच्छा व्यक्त करतो. :)

मदनबाण.....
आजची स्वाक्षरी :- Vigneshwara Ashtotra Shatanama

मि पा ला वर्धापनदिनाच्या हार्दिक शुभेच्छा!

आज या ठिकानी मी सगळ्या मंडळांचे आभार ह्याठिकानी माणतो.
मंडळांमध्ये
संस्थापक मंडळ,
सल्लागार मंडळ,
संपादक मंडळ,
कंपू मंडळ,
अ‍ॅण्टीकंपू मंडळ,
आण्टी मंडळ,
मिपा मित्र मंडळ,
मि पा डूख धरु मंडळ,
माचिसमित्र मंडळ,
तेल, तूप मित्रमंडळ,
अवांतर मित्र मंडळ,
भ्रमण मित्र मंडळ,
खादाडी मित्रमंडळ,
व्हॉट्सॅप, चेपु मित्र मंडळ,
उगाच्च खवट्पणा मित्रमंडळ,
उगाच्च विरोधक मित्र मंडळ,
शुद्ध्लेखन (हे असंच ल्ह्यायचंय) आग्रहधरु मित्रमंडळ
मिपाशेफ मित्र मंडळ,

ह्या आनि अशाच अणेक मंडळांचा समावेश आहे.

पुण्हा एकदा आभार्स.

आणि

गणेशोत्सवाच्या हार्दिक हार्दिक शुभेच्छा!

मिपाला शुभेच्छा.. मिपाने कितीतरी मित्र दिले आणि मिपा माझ्या जालीय आयुष्यातील मोलाची गोष्ट आहे.

मिपाला वर्धापनदिनानिमित्त हर्दिक शुभेच्छा...

सात वर्ष झाली मिपा चालु होऊन ? बराच उशीर केला मी येण्यास.असो मिपा परिवाराला वाढदिवसाच्या शुभेच्छा.

मिपाला वर्धापनदिनाच्या भरपूर शुभेच्छा!!

गेल्या चार वर्षात मिपाने असंख्य मित्र दिले, त्यातले काही अगदी सुख-दु:खाच्या गोष्टी वाटून घेण्याइतपत जीवाभावाचे झाले. त्याचबरोबर बर्‍याच वर्षांची गडकोट भटकंतीची मनातली सुप्त इच्छाही याच मित्रांच्या सोबतीने करायला मिळाली.
थोडं काही गमावलं असेनही कदाचित पण खुप काही कमावलं आहे मिपाच्या सानिध्यात.

मिपाला वाढदिवसाच्या अनेकानेक शुभेच्छा.नुसतेच जालीय नाही तर जीवलग बनुन गेेलेल्या सख्या ही मिपाचीच देणगी.आपल्या माणसाचे आभार मानत नाहीत ,म्हणून आमचे वाचन विचार पाकृंसह जगणेच समृृध्द करणार्या मिपासाठी काय पन!!

खर्‍या अर्थाने ईथे बहरता येतं आणि लाख मोलाचं म्हणजे शाळा सुटल्यावर जी मराठि लिहायची सवय सुटलेली असते ती ईथे नुसतीच पुर्ण होत नाहि तर अवर्णनीय असा आनंद देउन जाते. मिपा असचं उत्तओरोत्तर बहरत राहो हिच सदिच्छा.

मिपा एक मित्र आणि मी उपकृत आहे.
काथ्याकुटे रचिला पाया कट्टा झालासे कळस
मी २०१०/१०१२ मध्ये रियाध सौदी अरेबिया इथे नोकरीनिमित्त होतो. एकटा असताना त्या वाळवंटात मिपा साथीला होता. थोडेफार लेखन केले. पण वाचनच जास्त. झपाटून टाकणारे जयंतराव कुलकर्णी यांचे युद्ध पट पुन्हा पुन्हा वाचले.
गवी चे ''मृत्यु लेख आणि भयकथा" अप्रतिम. गवीनी केलेले घुबडाचे बाळंतपण तर खूप एन्जॉय केले.
यकूचे लेख पण 'सर्किट आणि सर्कॅस्टिक वाटायचे (सादात माँटो विषयी,आणि परिक्रमा.
विश्वास ठेवा, यकु ची बातमी वाचून मी एकटा रियाध मध्ये खुप रडलो. कुणाचा कोण पण फक्त दोन चार वेळा चॅटिंग काय केले, तो आपला होउन गेला. अजुनही लिहिताना डोळ्यांच्या कडा ओल्या झाल्या. असो
पाककृती उल्लेखा करावाच लागेल.सोत्रीचे पेयप्रशन धरून पाककृती जर विदाउट फोतो असेल तर पहीले कल्ला 'फोटू' चा आणि शाहाकारी लोकांनी विचारलेले यात बटाटा...... घालू का?
प्रावासवर्णन तर उत्तमच. (कित्येक प्रवासवर्णनातले फोटो माझ्या डेस्कटॉपवर विराजमान झाले.)
आणि उत्कर्षबिंदू म्हणजे कट्टा. आणि त्यांचे फोटो.
सर्वात अर्क म्हणजे चरच्ररीत मिसळीवरच 'कट किंवा तर्री' म्हणजे प्रतिसाद. तो कटकारस्थानातला कट पण आणि तर्री तला पण. अत्यंत आवश्यक.
एक खोड अशी जडली की, सेलेब्रिटि लेखकांचे अपवाद वगळता मी तर प्रथम प्रतिसाद पाहतो.
मिपा असेच दिवसेंदिवस प्रगती करो अशी त्या जगनियंत्याला प्रार्थना.
सर्व संस्थापकांचे, सम्पादकांचे टेक्निशियन लोकांनी या लश्करच्या भाकरी भाजल्या बद्दल धन्यवाद.

मिपाला अनेक शुभेच्छा आणि धन्यवाद!!!

सर्वप्रथम मिपाला वाढदिवसाच्या हार्दिक शुभेच्छा, तुम जिओ हजारो साल..साल के दिन हो पचास हजार हीच गणपती बाप्पाकडे प्रार्थना.
आजचा मिपाचा लोगो खुपच सुंदर आहे, अष्टविनायक आणि मिपाचे आठ विभाग ह्यांची कल्पक मांडणी आवडली.

आमच्या समस्त लातुरकडाकडन शुभेच्छा.
जेपी फ्राम लातुर

मिपाला अनेकानेक शुभेच्छा!

पण मिपा मुळ मालक विसोबा खेचर उर्फ तात्या अभ्यंकर यांनाही कुणीतरी बोलवा रे.सध्या ते थोबाड पुस्तकावरील ओसरीमध्ये व्यस्त आहे.

मिपा आणि मिपाकरांना वर्धापनदिना निमित्त शुभेच्छा. मराठी मधे एक अतिशय सक्रीय सोशल मेडीयम तयार करून आणि त्यावर सातत्याने (न कंटाळता + वेळ काढून) काम करण्याबद्दल मालकांचे आभार!

मिपा अन मिपा परिवाराला धन्यवाद अन हार्दिक शुभेच्छा!

मिपाला वर्धापन दिनाच्या अनेकानेक शुभेच्छा!

मिपा आणि मिपाकरांना वर्धापनदिना निमित्त हार्दिक शुभेच्छा.
आणि
समस्त मिपाकरांना व त्यांच्या कुटूंबियांना श्री गणेश चतुर्थीच्या हार्दिक शुभेच्छा.
|| गणपती बाप्पा मोरया ||

मिपा अन मिपा परिवाराला धन्यवाद अन हार्दिक शुभेच्छा!

मिपाला वाढदिवसाच्या अनेकानेक शुभेच्छा!
माझ्या जालिय व व्यक्तिगत जीवनामध्ये मिपाबद्दल माझ्या मनात नेहमीच एक आदराचे स्थान होते व आहे. आज मी जो पण काही आहे, त्यात फार मोठा वाटा मिपाचा व मिपावरील सृह्द मित्रांचा आहे.

अशीच प्रगती होत राहो!

वर्धापन दिनाच्या शुभेच्छा!

हे मिपा गेले बरेच दिवस माझी फोटोग्राफीवरील बडबड सहन करतेय त्याबद्दल धन्स हो मालक! :-)

या गराड्यात मज्जा आहे हो तुमच्या... :-)

मला व्यक्त होण्यास,सर्वाधिक वाव दिलेल्या मि.पा.ला __/\__

तसेच.. येथील सर्व आय.डी आणि आय.ड्यांना(सुद्धा! :D ) अनेकानेक धन्यवाद! लहानपणचा धुडगुस घालायची मज्जा सर्वाधिक इथेच आहे*.
=============
*आणि स्मायल्या टाकण्याचिही

सर्व मिपा कुटुंबियांना शुभेच्छा !!

आखाती प्रदेशात मराठी बोलणं, वाचणं आणि लिहीणं जवळ जवळ दुरापास्त असतानाच भाचीच्या सांगण्यावरून मनोगतावर दाखल झालो. मनोगताने मराठी लिहायला, वाचायला, संवाद प्रस्थापित करायला एक व्यासपिठ उपलब्ध करून दिले. तात्यांसारखा मित्र दिला. पुढे तात्या मनोगतातून बाहेर पडले आणि त्यांनी हे, मिसळपाव, संस्थळ सुरु केले. तात्यांच्या निमंत्रणानुसारच मिसळपाववर आलो आणि इथलाच होऊन गेलो. इथेही अनेक मित्र मिळाले. चांगले विचार वाचावयास, व्यक्त करण्यास मिळाले. तात्यांच्या 'लेखन-स्वातंत्र्याच्या वेडापायी' अनेकदा मिपाचा दर्जा घसरायचा, माझे ह्यावर तात्यांशी वाद व्हायचे पण तात्यांचा स्वतंत्र्य आग्रह आणि हे संस्थळ तात्यांच्या मालकीचे आहे हा माझा विचार मला नेहमीच माघार घ्यायला लावायचा. जे कांही लेखन मी इथे केलं त्याने मला स्वतःला समाधान दिलं आणि त्यासाठी मी तात्यांचा नेहमीच ऋणी राहीन.
मालक निलकान्त, मिपाकर तंत्रज्ञ मंडळी, संपादक मंडळ आणि मिपाकर सदस्य ह्यांचे अभिनंदन आणि पुढील वाटचालीसाठी अनेकानेक शुभेच्छा..!

उद्याउठून माणूस चंद्रावर कायम वास्तव्यासाठी जाईलही,.... मी मिपावरच असेन.

मिपा... मित्रा... माझ्या आयुष्यात आल्याबद्दल आणि मला आपलं म्हटल्याबद्दल अनेकानेक धन्स रे. आठाव्या वर्षात पदार्पण केलस. किती कोवळं वय तुझं. पण.. पण किती भारी प्रगल्भता... आणि ति सुद्धा किती अवखळ...एखादा तुफानी निर्झर जणु. असाच नांदत रहा मित्रा. तुला उदंड आयुष्य लाभो. तृषार्तांची तहान भागवायची तुझी शक्ती उदंड वृद्धींगत होवो.
हॅप्पी बड्डे मित्रा...

!!! सर्व मिपा परिवारास वर्धापन दिनाच्या शुभेच्छा!!!

मिपाला वर्धापन दिनाच्या खुप खुप..शुभेच्छा!!

मिपाला वर्धापन दिनाच्या अनेक शुभेच्छा .!!! :)

मिपाचे ॠण व्यक्त करता येणे शक्य नाही. मिपासाठी उत्तम लिहिता यावं, उत्त्म ते वाचता यावं, कधी कडाक्याचं भांडण व्हावं, पुन्हा चलो यार गले मिलो अशी भावना उभी राहावी, वास्तव जगाबरोबर याही जगाची उत्त्म ओळख व्हावी, विचारांची देवाण-घेवाण व्हावी आणि मिपानं हे सर्व केलं आहे. मिपानं मला आजच्या क्षणापर्यंत जो लाखमोलाचा आनंद दिला आहे, त्या मिपा व्यवस्थापनाचा, संपादकांचा आणि सर्व मिपाकरांचा, वाचकांचा मी आभारी आहे, मिपाच्या पुढच्या वाटचालीला मी मन:पूर्वक शुभेच्छा देतो.

उपरोक्त सर्वच धन्यवाद आणि शुभेच्छांना आमचा +१ + मिपाच्या अद्याप लिहीत्या न झालेल्या वाचकांकडूनही त्यांच्या आवडीच्या विषयाय लेख्न व्हावे हि शुभेच्छा.

मिपाला वर्धापन दिनानिमित्त अनेकानेक शुभेछा!

मिपाला ८ व्या वर्धापनदिनानिमित्त मनःपूर्वक शुभेच्छा~!

रोज मराठीत (व्हर्च्युअल) गफ्फा वाचायला आणि हाणायला यासारखे दुसरे मराठी संस्थळ नाही !!

या निमित्ताने मिपाच्या जन्माचा आणि वाढीचा एक तक्ता नवीन मेम्ब्रांसाठी कोणी प्रकाशित करू शकेल काय?

सं मं इकडे लक्ष देईल काय ?

वरच्या सगळ्यांशी सहमत. :)
'शुभेच्छा' हा इतका एकच शब्द मिसळपावबद्दलच्या भावना व्यक्त करायला पुरेसा नाही.

छान

!मि. पा. ला हार्दिक शुभेच्छा!

मिपाबद्दलच्या भावना शब्दांत मांडणे कठीण आहे.

हा वृक्ष असाच बहरत राहो व माझ्यासारख्या अनेकांना त्याची छत्रछाया मिळत राहो.

बालिशपणा करायला, भांडायला, मनमोकळं बोलायला, भटकायला, माहित असलेलं सांगायला आणि नसलेलं माहित करुन घ्यायला...अशा अनेक गोष्टींसाठी मित्रमंडळ मिळालं ते इथंच. काळे आणि पांढरे येवढंच स्वभावविशेष समजणार्‍या माझ्यासारख्याला ग्रे शेड्स बघायला शिकता आलं ते इथंच!! कचाकचा भांडलो, धुडगूस घातला, देव जाणे काय काय केलं चार वर्षात...लिहायला बरंच आहे पण सुचतही नाही आणि थांबवतही नाहीये.

असो, मिपा आणि त्यामुळे मिळालेल्या मित्रपरिवाला वर्धापनदिनाच्या शुभेच्छा आणि आभार!! :)

खूप खुप शुभेच्छा
:)

आपल्या मिपा ला बहरत रहाण्यासाठी खूप शुभेच्छा !!

शुभेच्छा..

हायला, इतकी वर्षे झाली?
ह्याप्पी बर्डे मिपा.
बघता बघता १३-१४ वर्षे झाली राव सदस्यत्त्वाला.
मिपावर्धापन दिन आठवला की आठवतं तसं सुरुवातीला गणपती म्हणजे मिपावर मी केलेलं बॅनर असायचंच. किती बॅनर्स केली वर्धापनदिनाची कुणास ठाउक. नेमकी गणपतीत मला कामं असायची आणि हे बॅनर प्लस गणेश लेखमाला आणि लगेच दिवाळी अंकाचे कव्हर ही कामे नीलकांत कसे करुन घ्यायचा माझ्याकडून ही एक कथाच आहे. ऐन वेळेपर्यंत माझे काम तयार नसायचे. झाले के ते मेल कर मग नीलकांत,प्रशान्त जो कुणी असायचा उपलब्ध तो बिचारा पब्लिश करायचा. बिरुटे मास्तरांना मात्र काहीही केले मी त्याचे कौतुक असायचे. बाकी इतर कोणही असु दे, योग्य जागी दुर्लक्ष्याने मारणारा हा खमक्या माणूस कायम माझ्यामागे उभा असायचा. नीलकांताने तर कीती सांभाळून घेतलं त्याची मोजणीच नाही.
असो. ते दिवस गेले. तेंव्हाचे मित्र संसार, नोकर्‍या, मुलेबाळे ह्यात गुंतली. आमचेही तसेच झाले. सोलापूरहून वेळ काढुन पुणे कट्ट्याला येणारा मी पुण्यात आल्यावर एकही कट्टा अटेंड करु शकलो नाही. बिका, वल्य्या, किसना, गणा, धन्या, वप्या, बॅट्या, सुडक्या, गुरुजी, पन्नास, गिर्जा, अन्या, गणेशा, मिका, पशा, नाखुकाका, बाप्या, नितीन, प्रसाद, प्रशांत गाढवे, (चौराकाका, तात्या, मोडक, यक्क्या आणि मोहिते कसं विसरायचं तुम्हाला :( )एकसे बढकर एक नग राव. कालपरवापर्यंत भेटायचे, बोलायचे, भांडायचे, चिडायचे, खायचे प्यायच्जे, निदान व्हाटसापवर तरी तोंड दाखवायचे.
असो....
लै माणसे दिली राव मिपाने. मित्र पण दिले. काही कारण नसताना शत्रुत्व बाळगणारे दिले. सगळ्यात महत्त्वाचे म्हणजे कुठल्याही गोष्टीची एकच बाजू न बघता बाकी पैलू बघायचा दृष्टीकोन दिला.
थ्यान्क्स अ लॉट मिपा आणि नीलकांता.
जिओ....