बॉईल्ड एग्ज सॅन्डवीच/रोल्स (१००% वीदाउट पनीर रेसीपी )

फोटो क्रं १ (सारण/स्टफिंग):

फोटो क्रं २ (तयार सॅन्डवीजेस):

साहित्यः
१. उकडलेली अंडि - २ ते ३
२. बारिक चीरलेली हिरवी, पिवळी, लाल, केशरी सीमला मिरची - १.५ वाटि किंवा ज्या कलरच्या मिळतील त्या :D
३. बारिक चीरलेली हिरवी मिरची - आवडिप्रमाणे कमी / जास्त
४. बारिक चीरलेली कोथिंबीर - २ चमचे
५. ब्लॅक ऑलीव्ज - २ चमचे
६. बारिक चीरलेला कांदा - १ मध्यम
७. बारिक चीरलेला पालक - १/२ वाटि
८. चवीनुसार मीठ
९. प्लेन मेयॉनीज / टोमॅटो केचप/सॉस - २ मोठे चमचे प्रत्येकि (चीली फ्लेवर्ड मेयॉनीज मिळाल तर उत्तम; मेयॉनीज नसेल तर हॉट अ‍ॅन्ड स्वीट टोमॅटो सॉस/केचप पण चालेल)
१०. तेल
११. पीटा ब्रेड-कुबुस / पोळि/चपाती / रुमाली रोटि / टॉर्टिला - ह्या पैकि जे उपलब्ध असेल ते; अगदिच काहि नसलं तर ब्रेड (खास बॅचलरांसाठि)
१२. आपापल्या आवडिचं किसलेल चीज

कॄती:
१. एका नॉनस्टिक पॅन मधे एक चमचा तेल तापलं कि बारिक चीरलेला पालक टाकुन कोरडा होइस्त परतुन घ्या
२. उकडलेली अंडि किसुन घ्या
३. आता एका भाडयांत / बाउल मधे किसलेली अंडि, परतलेला पालक, बारिक चीरलेल्या सीमला मिरच्या, हिरवी मिरची, कोथिंबीर, कांदा, ब्लॅक ऑलीव्ज, किसलेलं चीज आणि चवीनुसार मीठ घालुन एकजीव करा. हे झालं आपल सारण/स्टफिंग तयार (फोटो क्र. १)
४. एका वाटित मेयॉनीज आणि टोमॅटो सॉस एकत्र करा
५. आता जे जे उपलब्ध असेल ते ग्रुहित धरुन खालील पाय~या देतोय. माझ्या टोस्टर मधे ३ विकल्प/ऑप्शन्स आहेत. एक आडवा असुन त्याला उभ्या खाचा आहेत. दुसरा वॅफल मेकर आहे आणि तिसरा नॉर्मल सॅन्डवीच मेकर आहे (मधुन खाचा असलेला)

अ. पीटा ब्रेड/कुबुस: मधुन कापा; दोन अर्धे गोल होतील. आता प्रत्येक भागात मेयो-सॉसच मिश्रण लावा/स्प्रेड करा. सॉस लावल्यावर वरुन हलका दाब द्या म्हणजे दोन्हि बाजुला समान लागेल (फ्रि हॅन्ड ड्रॉईंन्ग असत तसं :D) तयार केललं स्टफिंग त्यात भरा व सॅन्डवीच मेकर मधे टोस्ट करा (उभ्या खाचा असलेलं).
ब. पोळि/चपाती/ रुमाली रोटि / टॉर्टिला: वरुन मेयो-सॉसच मिश्रण लावा. तयार केललं स्टफिंग त्यात भरा व सॅन्डवीच मेकर मधे टोस्ट करा किंवा त्याचा रोल करुन तव्यावर अलगद दोन्हि बाजुकडुन शेका
क. ब्रेडः मेयो-सॉसच मिश्रण दोन्हि ब्रेड स्लाइसना लावा. तयार केललं स्टफिंग त्यात भरा व सॅन्डवीच मेकर मधे टोस्ट करा

६. आवडत्या चटणी/सॉस सोबत गरमागरम सर्व करा :)
७. छोटयांसाठि हिरव्या मिरच्या वगळा
८. ह्यात बारिक चीरलेला / किसलेला ब्रोकोली, मशरुम, कोबी (जांभळ्या रंगाचा नाहितर आपला साधा) पण छान लागेल.

टिपः
१. हि सॅन्डवीजेस/रोल्स कच्चीपण छान लागतात फक्त तेवढा पालक, ब्रोकोली, मशरुम परतुन घ्या आणि पोळि/चपाती, रुमाली रोटि किंवा टॉर्टिलाला सॉस लावण्याआधि तव्यावर थोडं शेकवुन घ्या

अवांतर
१. हि पाककॄती अंडे न घालता करता येईल का?...तर हो :D. अंडि वगळुन बाकि सगळं साहित्य तेच ठेवा आणि तशीच कॄती करा :D