साहित्यः
रेडीमेड स्पाँज केक मिक्स (हे नाही मिळाल्यास बेसीक स्पाँज केकची पाकृ खाली दिली आहे)
५० मिली + २५ मिली पाणी (केक मिक्सच्या पाकिटावर पाणी आणी अंड्याचे जसे प्रमाण दिले आहे तसे घ्यावे)
१ अंडं
६-७ खाण्याचे रंग (मी लाल,शेंद्री,पिवळा,हिरवा,निळा,गुलाबी रंग वापरला आहे. लाल्+निळा+पिवळा रंग एकत्र करून ब्राऊन रंग तयार केला आहे)
फ्रेश क्रीम
पाकृ:
ओव्हन २०० डिग्री सेंटीग्रेडवर प्री-हीट करा.
एका मिक्सींग बाऊल मध्ये केक मिक्स, अंडं व ५० मिली पाणी एकत्र करुन फेटून घेणे.
त्यात आता उरलेले २५ मिली पाणी घालून चांगले फेटणे.
फेटलेल्या मिश्रणाचे ७ भाग करावे व प्रत्येक भागात वेगवेगळा खाण्याचा रंग घालून मिक्स करावे. (वेगळे बाऊल व चमचे वापरावे म्हणजे रंग एकमेकांमध्ये मिसळणार नाही)
केक टीनला बेकींग पेपर लावून घ्यावा किंवा बटर ने ग्रीज करून घ्यावे.
आता टीनच्या मध्यभागी लाल रंगाचे मिश्रण ओतावे, चमच्याने अजिबात पसरवायचे नाही.
लाल मिश्रणाच्या मधो-मध शेंद्री रंगाचे मिश्रण घालावे म्हणज लाल रंगाचे बॅटर आपोआप पसरेल.
शेंद्री रंगाच्या मिश्रणाच्या मधोमध गुलाबी रंगाचे मिश्रण घालावे.
असेच इतर रंगाचे मिश्रण मधोमध घालावे व केक टीन हलकेच आपटून घ्यावे म्हणजे हवेचे बुडबुडे निघून जातील.
प्री-हीट केलेल्या ओव्हनमध्ये केक टीन ठेवून १५-२० मिनिटे बेक करणे.
विणायची सुई घालून पहावी, सुई स्वच्छ निघाली म्हणजे केक तयार झाला समजावे.
केकला कुलिंग रॅकवर गार होण्यासाठी काढून ठेवावे.
केक गार होतोय तोपर्यंत क्रीम व्हिप करुन घ्यावे.
एका भांड्यात बर्फाचे पाणी घ्यावे व त्यावर मिक्सींग बाऊल ठेवावा.
त्यात गार असलेले फ्रेश क्रीम ओतावे व बीटरने २-३ मिनिटे फेटावे. (असे केल्याने क्रीम लवकर फेटले जाते)
आता त्यात चवीपूरती साखर व १ टीस्पून व्हॅनिला एसेन्स घालावे.
पुन्हा २-३ मिनिटे क्रीम घट्ट व सॉफ्ट पिक्स तयार होईपर्यंत फेटावे.
गार झालेल्या केकचा बेकिंग पेपर काढून टाकावा व केकला सगळीकढून क्रीम लावून पसरावे.
मी थोडेसे फेटलेले क्रीम बाजूला काढून त्यात खायचा गुलाबी रंग घातला व पायपींग बॅगने केकवर सजावट केली.
सजावट केलेला केक थोड्या वेळ फ्रिजमध्ये ठेवा.
केक कापला की आतले सप्तरंग खुलून दिसतील :)
नोटः
ज्यांना केक मिक्स सहज उपलब्ध नाही त्यांनी घरीच स्पाँज केकचे मिश्रण तयार करावे.
त्यांनी १७५ ग्राम मैदा चाळून घ्यावा.
१२५ ग्राम बटर आणी १२५ ग्राम साखर एकत्र हलके होईपर्यंत फेटावे.
त्यात एक-एक करत २ अंडी घालून चांगले फेटावे.
१ टीस्पून व्हॅनिला एसेन्स घालून पुन्हा फेटावे.
त्यात चाळून घेतलेला मैदा थोडा थोडा करून घालावा व मिश्रण फोल्ड करावे.
ह्याच मिश्रणाचे सात भाग करून, त्यात रंग घालावे व पुढिल कृती वर दिल्याप्रमाणे करावी.
प्रतिक्रिया
30 Dec 2012 - 11:06 pm | Mrunalini
खुपच मस्त दिसतोय केक... आणि icing तर superb :)
30 Dec 2012 - 11:46 pm | शुचि
अप्रतिम!!! रुचकर आणी सुंदर पदार्थ दिसतो आहे.
30 Dec 2012 - 11:47 pm | जेनी...
मस्त !!!!
30 Dec 2012 - 11:48 pm | पैसा
देखणा केक आणि देखणी सजावट. तू त्यात एवढा जीव का ओतलायस ते माहिती आहेच! :)
31 Dec 2012 - 1:22 am | गणपा
बघ बरं, मी काय म्हणालो होतो ते चुकीचं होतं का? ;)
31 Dec 2012 - 5:08 pm | सानिकास्वप्निल
मग सांगा अपेक्षापूर्ती झाली का?? :)
31 Dec 2012 - 9:18 pm | गणपा
अलबत. :)
31 Dec 2012 - 1:32 am | रेवती
सु रे ख. आणि बाकी प्रतिसाद नेहमीचाच. समजून घ्यावा. :)
31 Dec 2012 - 10:09 am | अक्षया
+ १
31 Dec 2012 - 8:54 am | प्रचेतस
अशक्य देखणा झालाय केक.
31 Dec 2012 - 8:55 am | स्पंदना
मशत!& बेस्ट विशेस !
31 Dec 2012 - 9:02 am | सूड
आहाहा !! क ह र !!
31 Dec 2012 - 9:59 am | पियुशा
जबरा झालाय केक :) किती निगुतीने करतेस ग ! अशा पा.क्रु बनवायला पेशंस लागतात त्यामुळे आम्ही तुर्तास असे केक बघण्यात समाधान मानु ;)आणी बेकरीतुन आणुन आयते खाउ ;)
31 Dec 2012 - 10:10 am | रुमानी
अतिशय सुरेख मस्तच.......
31 Dec 2012 - 12:08 pm | धनुअमिता
बघुन लगेच खावासा वाटत आहे. सजावट तर अप्रतिम.
31 Dec 2012 - 12:23 pm | सस्नेह
(नेहमीप्रमाणेच) सुंदरतेचा अन स्वादाचा अनोखा अविष्कार !
31 Dec 2012 - 12:41 pm | अत्रुप्त आत्मा
अप्रतिम खाद्य कलाकृती :-)
31 Dec 2012 - 4:51 pm | जयवी
कसला जीवघेणा दिसतोय गं केक......!!
लग्ग्गेच उचलून तोंडात टाकावासा वाटतोय ;)
31 Dec 2012 - 5:17 pm | स्मिता.
अप्रतिम दिसतोय केक!
31 Dec 2012 - 7:44 pm | मीनल
मस्त !!
31 Dec 2012 - 8:36 pm | अनन्न्या
नवीन वर्ष अशीच रंगांची उधळण करो!!
1 Jan 2013 - 3:06 am | दीपा माने
अगदी फेस्टीव्ह केक झाला आहे. आता तुम्ही तुमच्या पाकृंतीचे सचित्र पुस्तकच काढा.
1 Jan 2013 - 8:21 am | समयांत
खूपच मस्त दिसतोय केक :)
1 Jan 2013 - 10:04 am | मदनबाण
शॉलिट्ट !!! :)
1 Jan 2013 - 11:30 am | यशोधरा
भा हा री ही!
2 Jan 2013 - 6:19 pm | दिपक.कुवेत
केक आणि त्याची पाकृ दोन्हि कातिल आहेत....पण आपला पास!
3 Jan 2013 - 2:39 pm | अबोलीच-ती
अतिशय सुन्दर !!!!
4 Jan 2013 - 12:54 am | चित्रा
गणपा, रेवती, सानिकास्वप्निल, मृणालिनी, प्रभाकर पेठकर यांनी पाककृती दिली की ती केवळ बघण्यासाठी मी हजेरी लावते. प्रतिसाद देतेच असे नाही.
दरवेळी तेच तेच अप्रतिम, सुंदर, छान असे प्रतिसाद काय द्यायचे? :-)
पण छान.
4 Jan 2013 - 8:33 am | ५० फक्त
पुर्ण केक चेपुवर पाहिला होताच, आवडला तर जाम होताच पण ही आतली कलाकारी आता कळाली. खुप खुप धन्यवाद आणि इथं पुन्हा एकदा या केकच्या संदर्भित प्रसंगासाठी लक्ष लक्ष शुभेच्छा.
4 Jan 2013 - 12:39 pm | टुकुल
खल्लास.. असा केक तर विकत घ्यायला पण नाही भेटणार :-(
--टुकुल
10 Jan 2013 - 5:57 pm | मानसी डेळेकर
झकास्स्स्स्स्स्स्स्स्स्स्स्स्स्स्स्स्स्स्स्स्स्स्स्स्स्स्स्स्स