पुन्हा एकदा पाक्रु कडे वळायचे ठरवले आहे. आता आधी सारखे वरचेवर पोस्ट करता येण अवघड दिसतंय पण प्रयत्न प्रामाणिक असेल. अवघड का? अहो, ११ महिन्याचा आमचा 'राजस' काही वेळ देईल तर नं! असो. आता पटकन मफिन्स करून बघा पाहू.
सामग्री:
१ १/४ कप मैदा
१/२ कप पिठी साखर
१ अंड
५० ग्राम वितळलेलं लोणी (मी अमूल बटर वापरलं )
१/४ कप दूध
१ टी स्पून बेकिंग पावडर
१/२ टी स्पून व्हेनिला इसेन्स
३ मोठे चमचे चॉकलेट सिरप (हर्शीस)
कृती:
- ओव्हन १८० डिग्री सेल्सिअस ला प्री-हिट करून घ्या.
- एका माफीन ट्रे मधे पेपर लायनर ठेऊन घ्या.
- एका मोठ्या भांड्यात, मैदा, साखर, बेकिंग पावडर एकत्र करून घ्या. दुसऱ्या एका छोट्या भांड्यात अंड, दूध, बटर, चॉकलेट सिरप आणि इसेन्स फेटून घ्या. मग हे ओलं मिश्रण त्या कोरड्या मैद्याच्या मिश्रणात घालून त्याला एकजीव करा. खूप वेळ फेतात बसू नका, नाहीतर मफिन्स कोरडे होतील.
- मिश्रण ट्रे मधल्या पेपर कप मध्ये घालून (थोडी जागा बाकी ठेवावी, कारण मफिन्स फुगतात) ओव्हन मध्ये २० मिनिट बेक करा. गार झाल्यावर, हव असल्यास आयसिंग करा.
आयसिंग साठी:
२ मोठे चमचे जाडी साय
३ मोठे चमचे न्युटेला चॉकलेट स्प्रेड
१ टी स्पून दूध
५ मोठे चमचे आयसिंग शुगर (पिठी साखर वापरली तरी चालते, फक्त त्याने आयसिंग छान स्मूथ होणार नाही)
- आयसिंग च्या सर्व सामग्रीला नीट कालवून फेटून घ्या, गुठळ्या राहायला नकोत. मफिन्स तयार होऊन, गार झाल्यावर त्यावर हे आयसिंग लावावे.
प्रतिक्रिया
29 Nov 2012 - 5:42 pm | गणपा
तरीच म्हटलं कुठं गायबला होतात ईतके दिवस. :)
अभिनंदन !
केककृती आवडली.
29 Nov 2012 - 5:51 pm | गवि
आहा.. क्या बात है.. खादाडताई परत आल्या म्हणजे आता मिपावरच्या मेजवान्यांत आणखीनच वाढ.... :)
वेलकम ब्याक... !!!
29 Nov 2012 - 6:02 pm | कवितानागेश
:)
फोटो फारच गोड आहेत.
29 Nov 2012 - 6:16 pm | रेवती
ओह्हो! किती गोड! तुमचा मुलगा आणि मफीन्स दोन्ही.
अभिनंदन अमिता.
29 Nov 2012 - 7:12 pm | चित्रा
तुम्हाला पोस्ट न करायला 'गोड' कारण मिळालेले आहे. :-)
मफिन आयसिंगशिवायही छान लागतील असे वाटते.
29 Nov 2012 - 7:42 pm | जयवी
अहा........एकदम सोप्पी कृती दिसतेय. मस्तच !!
29 Nov 2012 - 9:17 pm | स्वाती दिनेश
मफिन्स आवडले,
स्वाती
29 Nov 2012 - 9:22 pm | पैसा
मफिन्स आणि राजस दोन्ही गोड आहेत!
29 Nov 2012 - 9:27 pm | सानिकास्वप्निल
पाकृ आवडली आणी राजस ही :)
29 Nov 2012 - 10:22 pm | ज्योति प्रकाश
पाकृ आणि पिल्लु दोन्ही मस्त.
29 Nov 2012 - 10:52 pm | गवि
वरुन दुसर्‍या फोटोतला मफिन खूप जास्त आवडला..
30 Nov 2012 - 12:15 am | विशाखा राऊत
मस्त आहे राजस न मफिन्स दोन्ही :)
30 Nov 2012 - 9:47 am | पिंगू
दुसर्‍या फोटोतला मफिन गोजिरा दिसतोय आणि तिसरया फोटोतला मफिन आताच उचलून तोंडात टाकावासा वाटतोय..
- पिंगू
30 Nov 2012 - 10:38 am | पियुशा
मस्त , पण ज्यांच्याकडे ओव्हन नाही ते नाही बनवु शकणारे का हे मफिन्स ?
12 Dec 2012 - 11:10 am | खादाड अमिता
पियुशा,
कुठल्या तरी प्रकार चा ओव्हन लागणार हे करायला.
30 Nov 2012 - 10:43 am | इरसाल
डोरा केक (पहिला फोटो वरुन तसा दिसतोय म्हणुन)
30 Nov 2012 - 11:03 am | मदनबाण
वाह्ह ! :)
(चॉकलेट प्रेमी)
3 Dec 2012 - 1:46 pm | अत्रुप्त आत्मा
मफिन्स लै झ्याक दिसायलीत... :-) आणी ''राजस''ही सुकुमार आहे हो... ;-)
12 Dec 2012 - 11:07 am | खादाड अमिता
सगळ्यांचे खूप आभार :)