खोटे बालंट टाळण्यासाठी काय करावं?

तुमच्या जागी असतो आणि महेंद्रची खाजगीतली गोष्ट खरच जग्याला सांगीतली नसती तर जग्याचा कान धरुन त्याला महेंद्र समोर उभा केला असता. हा सूर्य आणि हा जग्या.. काय सोक्षमोक्ष लावायचाय तो लावून टाक म्हणुन सांगीतले असते.

खोटं बालंट = पिवळं पितांबर..

काही लोकांना असे वाटते की आपल्या विषयी हा आपल्या गैरहजेरीत काही तरी बोलतो म्हणुन ते असे गेम खेळतात् किंवा खेळत असावेत,जेणेकरुन आपला गोंधळ उडुन आपण तसे बोललो असलो तर आपन जे बोललो ते सांगुन टाकावे
जसा तुमच्या कथेतील मित्र महेन्द्र
किंवा तुमच्या मित्राचा मित्र जगु तुमच्या नावावर काहीच्या काही खपवण्याचा प्रयत्न करीत असावा.
किंवा जगु तुमच्या मैत्रीत अंतर पाडण्याचा प्रयत्न करीत असावा
काय करावःतुम्ही सगळे मित्र उपस्थित असतांना एकदाचे काय ते खरे खोटे ते करुन टाकावे

जो भरोसा नही करते ... उन्हे दोस्त नही कहते !!

तुमचं लग्न झालंय का ?

समजा महेंद्र ह्या माझ्या मित्राचे बायकोशी पटत नाही.
कोणाच्या बायकोशी तुमच्या की जग्याच्या ?

खोटे बालंट म्हणजे काय ? खरे बालंट असते तरी कसे ?
( आमच्या माहितीनुसार जे बालंट असते ते बनावट- फॅब्रिकेटेडच असते )

मूळात प्रश्न आहे की महेंद्रचं खरोखरंच (त्याच्या) बायकोशी पटत नाही का ?

खोटे बालंट टाळण्यासाठी खरं बालंट अंगावर घ्या!
हा का ना का.

- (मित्राच्या आणि त्याच्या बायकोच्या त्रांगड्यात न पडणारा) सोकाजी

चेहर्‍यावर (मित्र दूरदेशी असल्यास फोनवर आवाजात) अत्यंत आश्चर्य आणून महेंद्रला म्हणावं,"आँ? तुझं तुझ्या बायकोशी पटत नाही..? मला हे कधी खरंच वाटलं नव्हतं.. मला वाटायचं की तू गंमतीने बोलतोयस.. असं वाटायचं की संसारात खेळीमेळीत अशी गोड भांडण चालतातंच.. पण आता जग्यालाही कोणीतरी बोललं? ओह नो. खरंच काय प्रॉब्लेम आहे रे तुझ्या घरी..? आपण डिस्कस करुन तो सोडवू शकतो..चल आजच संध्याकाळी ये ऑनलाईन निवांत.."

राजकपूरच्या अंदाज पिच्चरची इश्टोरी आहे काय हो?

दोघांशीही वेगवेगळे बोलून आधी निश्चित करावे की नक्की तुमचे नाव नक्की कोणत्या संदर्भात वापरले गेलेले आहे.
त्यानुसार ज्याला जसे समजावून सांगण्याची गरज आहे तसे करून बघावे. एकदा ऐकले नाही तर दुसर्‍यांदा समजावून पहावे. यानंतरही व्यक्ती समजून घेत नसेल तर स्वत:स विचारावे की आपण समजावण्याचे १००% प्रयत्न केलेत काय? उत्तर होकारार्थी आले तर सरळ आपल्या कामाला लागावे, विचार करत बसू नये. उगाच प्रत्येक मूर्खाला शहाणे करण्याचा मूर्खपणा करत बसू नये.
स्वत:हून संबंध तोडू नयेत, पण या कारणाने तुटत असतील तर जोडण्याचा वृथा प्रयत्नही करू नये.

[रोखठोक] राघव.

नै पण तुम्ही जग्याला सांगायलाच नको होतं, की महेंद्रचं त्याच्या बायकोशी पटत नाही. आता चुकलंच आहे तर गवि म्हणतात तसंच म्हणा जगभरात नवरा बायकोच्या टीकल्या वाजत असतात त्यात काय मोठं म्हणुन सहज बोललो.

मित्र असो की मैत्रीण, बायको असो की प्रेयसी, बॉस असो की शिपाई, काका असो की पुतण्या, कोणत्याही नात्यागोत्यात आणि गोतावळ्यात कोणालाही कोणाचं कसं पटतं आणि कोणाचं कसं नाही. याची चर्चा करु नये, हे बालंट जगभर फिरुन आपल्याच अंगावर येतं. आणि नसतं ओझं मनावर घेऊन फिरावं लागतं.

-दिलीप बिरुटे

खोटे बालंट आले असता लौकी ( भोपळा) आणून त्याच्यावर यथोचित विधी करून हळद कुंकू वाहून एका फडक्यात गुंडाळून त्यास घराच्या चौकटीवर किंवा दर्शनी भागात टांगले जाते. साधारणपणे एक महिना ते तीन महिना या कालावधीत भोपळ्यातून लाल पाणी निघाले तर बालंट टळले असे समजले जाते. यानंतर हा भोपळा अमावस्येला स्मशानात नेऊन चितेवर ठेवून जाळावा लागतो.

विधीचे नाव - बालनलंपट विधी
फायदे - वर सांगितल्याप्रमाणे
धोके - भोपळ्यातून लाल पाणी निघालेच नाही तर धोका आहेच. शिवाय अमावस्येच्या रात्री स्मशानात तुम्हाला कुणी पाहील्यास नवेच बालन तुमच्यावर येऊ शकते.

त्याच्यावर यथोचित विधी करून ?
विधीचे नाव - बालनलंपट विधी

शीsss डर्टी कुठले ;)

बेरोजगारीची लक्षणे ;)

तुझा मित्र जग्यावर विश्वास ठेवेल याबद्दल खात्री वाटते. च्यामारी कुठला मित्र अश्या माणसावर विश्वास ठेवेले जो मित्राचे बायकोशी पटत नाही हे आंजावर कंठरवाने सांगत फिरत असतो. ते सुद्धा नावानिशी. अच्रत बावलत,

"मना श्रेष्ठ धारिष्ट जीवी धरावे | मना बोलणे नीच सोशीत जावे ||"
असे समर्थ रामदासस्वामी 'मना'ला सांगून गेले आहेत म्हणे. मग ते बालंट असू दे नाहीतर आणखी काही.