साहित्य:
२ ते ३ बटाटे सालं काढून, उभे -लांब चिरुन घेणे (फ्रेंच फ्राईजप्रमाणे)
१ टेस्पून बारीक चिरलेला लसूण
१-१/२ टेस्पून टोमॅटो सॉस
१ टीस्पून चिली फ्लेक्स (नसल्यास लाल तिखट वापरु शकता आवडीप्रमाणे कमी-जास्त)
थोडेसे मीठ
१ टीस्पून तेल
पाकृ:
एका रिक्लोझेबल बॅगमध्ये वरील सर्व साहित्य एकत्र करुन हलवून मिक्स करुन घेणे. (भांड्यात ही एकत्र करुन घेऊ शकता)
ओव्हन २०० डिग्री सें वर प्री-हीट करुन घेणे.
बेकिंग ट्रेवर व्हॅक्स पेपर लावून किंवा तेलाने ग्रीज करुन घेणे.
त्यावर बटाट्याचे उभे काप सर्वत्र पसरवून घेणे.
२०० डिग्री सें वर ३०- ३५ मिनिटे बेक करणे (मधे एकदा बटाटे उलटवून ठेवणे)
नोटः ज्यांच्याकडे ओव्हन नाही ते डीप फ्राय करु शकतात, फक्त त्यात मग बटाट्यांना तेल लावू नये.
साहित्य सॉसः
१ टेस्पून डार्क सोया सॉस
१ टेस्पून टोमॅटो सॉस
१-१/२ टेस्पून मध
१ टीस्पून बारीक चिरलेला लसूण
१/२ टीस्पून पांढरी मिरपूड
१-१/२ टीस्पून तीळ
कांद्याची पात बारीक चिरून
मीठ चवीनुसार (सॉसमध्ये ही मीठ असतं, तसेच बटाट्यांमध्ये ही घातलं होतं)
तेल
पाकृ:
एका पॅनमध्ये तेल गरम करुन लसूण परतून घ्या.
लसूण चांगला परतला गेला की त्यात सोया सॉस, टोमॅटो सॉस, मध, मिरपूड व मीठ घाला.
त्यात बेक केलेले बटाटे घालून सगळं मिक्स करा.
आता त्यात कांद्याची पात व तीळ घालून एकत्र करा.
गरमा-गरम हनी - चिली पोटॅटो स्टार्टर / अ‍ॅपेटायझर म्हणून सर्व्ह करु शकता किंवा कुठल्याही न्युड्ल्स, फ्राईड राईसबरोबर सर्व्ह करु शकता.
प्रतिक्रिया
2 Sep 2012 - 4:22 pm | बहुगुणी
करून पहाणार, धन्यवाद! (जाता जाता, २०० डि. सें. म्हणजे जवळजवळ ४०० डि. फॅरनहाईट्स....)
2 Sep 2012 - 5:12 pm | प्रभाकर पेठकर
C = 5/9 (F-32)
F = 9/5 (C+32 )
त्यामुळे,
२०० =५/९(F-32)
200=0.5556(F-32)
200/0.5556=F-32
359.971 = F-32
359.971+32 =F
F=391.971
approx 392 F
2 Sep 2012 - 4:23 pm | कच्ची कैरी
जबरदस्त !!! परफेक्ट !!!
2 Sep 2012 - 4:23 pm | पैसा
_/\_ ग्रेट!
2 Sep 2012 - 4:59 pm | रेवती
काय गं प्रतिक्रिया देऊ दरवेळी?
वा! छान !! मस्त!!!
एकूणच पदार्थ बघत रहावे असे सादरीकरण असते.
2 Sep 2012 - 9:22 pm | प्रभाकर पेठकर
खासम् खास... आदर्श चखना.
'हनी'च्या संगतीस 'चीली'चा झणझणीत असेल तर काय वर्णावी मजा.
2 Sep 2012 - 5:35 pm | गणपा
गेली १५ मिनीटे टक लावून शेवटच्या फोटुकडे पहात बसलोय.
आत्ता येईल आत्ता येईल पुढ्यात...
2 Sep 2012 - 5:38 pm | रेवती
आईग्ग! अगदी हेच म्हणायचय.
4 Sep 2012 - 6:46 am | स्पंदना
गणपा अशी वाट पाहीली तर खरेच बाहेर येइल ती डीश.
2 Sep 2012 - 5:39 pm | प्रास
आज काही खरं नै ब्वॉ मिपावर!
काय म्हणणार आता...?
पुन्हा एकदा धागा पाहिला. तूर्तास....
2 Sep 2012 - 5:59 pm | अत्रुप्त आत्मा
2 Sep 2012 - 6:58 pm | कौशी
खुप मस्त दिसतेय पाकक्रुती..
2 Sep 2012 - 7:02 pm | प्यारे१
छ्य्याआआआ......... छळ च छळ!
2 Sep 2012 - 7:17 pm | गोंधळी
लय भारी .
2 Sep 2012 - 7:39 pm | सुहास झेले
ज ह ब ह र ह द ह स्त ह !!!
2 Sep 2012 - 8:09 pm | अन्या दातार
काय छळ चालवलाय राव आज! मिपाचे बल्लव आणि सुगरणी माजलेत नुसते.
2 Sep 2012 - 9:04 pm | शुचि
शेवटचा फोटो जीवघेणा आहे.
2 Sep 2012 - 9:25 pm | सस्नेह
फार लाळ गाळण्यापूर्वीच झटपटकरून पाहिली अन फटू काढण्यापूर्वीच फस्त झाली..
धन्स सानिकाजी.
3 Sep 2012 - 12:13 pm | मी_आहे_ना
मस्त ... (आज परत एकदा चूक केली 'जेवणा'आधी तुमचा धागा उघडण्याची, खपलो आहे)
3 Sep 2012 - 1:37 pm | चिंतामणी
धन्यु.
बाकी प्रतिक्रीया नेहमी प्रमाणेच.
3 Sep 2012 - 2:42 pm | अक्षया
नेहमी प्रमाणेच अप्रतिम..:)
3 Sep 2012 - 3:12 pm | खडीसाखर
नक्कीच करून पाहण्यात येईल :)
सगळेच फोटो क्लास आलेत.
3 Sep 2012 - 5:46 pm | उदय के'सागर
:) अ :) प्र :) ति :) म :)
4 Sep 2012 - 6:47 am | स्पंदना
छानच.
4 Sep 2012 - 7:34 pm | मराठे
पा़कृंचे इतके चांगले फोटो काढून डकवू नयेत. लाळ गळून गळून आमचा किबोर्ड खराब होतो.
विशेषतः इतक्या जवळून काढलेले फोटो बघून तर स्क्रीन पण खराब होतो.
- हुकूमावरून.
4 Sep 2012 - 7:40 pm | प्रभाकर पेठकर
'नुसत्या मिसळपाववरच्या पाककृती 'बघत' बसण्यात वेळ आणि आयुष्य वाया घालवू नका. घरात काही बनवून आम्हालाही खाऊ घाला कधी तरी.'
-बायकोच्या हुकुमावरून
4 Sep 2012 - 8:08 pm | मोहनराव
का असा अंत पाहता?
5 Sep 2012 - 6:02 pm | सुमीत भातखंडे
कसलं प्रेझेंटेशन आहे...एक नंबर
29 Nov 2012 - 11:00 pm | रश्मि दाते
आजकाल जुन्या पाक्रु दीसत का नाहीत
29 Nov 2012 - 11:46 pm | रश्मि दाते
मस्त