सावधान जगबुडी येत आहे.

आपल्याला प्रलय पहायला भेटेल.

प्रलयाला भेटायला आवडेल... बाकी चालू द्या :) :)

श्री कृष्णाचा अवतार परत होणार आहे.

अहो भगवान श्रीकृष्ण सध्या भूतलावर वावरत आहेत हे तुम्हाला ठाऊक नाही का? हे विसरलात का?

ह्याच साधर्म्य शास्त्राने जर कालनिर्णय ,महलक्ष्मी इत्यादी कॅलेंडर वाल्यांचे जर दिवाळे निघून कॅलेंडर निघायची बंद झाली तरीही जगबुडी होणार का??

पण तुम्हाला जगबुडी होणार त्यापेक्ष्या २०१२ मध्ये "ऐश" कार्नायचे निमित्त मिळाले असे दिसत्ये ...खरे कि नाही??? :P

>>माया संस्कृतीचे कॅलेंडरच मुळी २०१२ ला संपते.
काही नाही हो...त्यांना क्यालेंडर छापायला पेपर मिळाला नसेल. फार विचार करु नका. झालीच जगबुडी तर मला फक्त एकच प्रश्न पडलाय शेवटी जाईल त्याला अग्नी कोण देणार ( जर शेवटी उरलेला हिंदू असेल तर !!).

ह्या लेखाची लिंक दहा जणांना पाठवून द्या, तुम्हाला नायजेरीयन लॉटरी लागेल.

हि लिंक २० जणांना फॉरवर्ड केली तर मलेशीया, बँकॉक ला जाण्यासाठी अन थाई मसाजसाठी सॉन्सरर मिळेल.

खडकमाळेगावचे सायबू पाटिल यांनी ह्या लेखाची प्रिंटआउट काढून सकाळी सकाळी घातली...बंबात, नंतर ते ण्याला गेले असता 'कोरड्या मारूतीजवळचा वाडा' असा पत्ता एका सायकल दुरूस्त करणार्‍या व मुळव्याधीचे औषध देणार्‍याला विचारला असता त्याने पाच रुपये घेतले.

ह्या लेखाची लिंक मालती गोरे यांनी पाच सवाष्णींना दिली असता त्यांच्या नातवाचे अ‍ॅडमिशन सेंट झेवियर्स मध्ये विदाऊट डोनेशन झाले.

हा लेख ज्वालासिंग तेजपाल यांनी डिलीट करून अपमान केल्याने त्यांना ट्रॅफीक हवालदाराने तडजोड रक्कम रु. २०/- नाकारून रू. १०० चा दंड केला व त्याची पावतीही दिली.

अवांतर:
>>>विषय गंभीर आहे. काळजीपुर्वक हाताळा
आपल्या मुळ लेखात वरीलपैकी काहीही आढळले नाही.

माया संस्कृतीच्या क्यालेंडरमधे दोन हजार बाराच्या पुढे तारखा नसल्यामुळे त्यांनी अशी पिंक मारली असावी. पण, माझं असं मत आहे की, गुरु, चंद्र आणि शुक्र या ग्रहांची जेव्हा युती होते तेव्हा ग्रहांच्या अशा कृत्यामुळे सॉरी अशा नैसर्गिक कृतीमुळे किंवा वृत्तीमुळे मोबाईल जसा व्हायब्रेट मोडवर थरथर करतो तशी पृथ्वी थरथर करु लागेल आणि त्यामुळे पृथ्वीवर 'उथल-पुथल' माजणार आहे. ग्रहांची अशी युती नेहमीच होते पण कोणत्या तरी युतीच्या वेळेस असं घडु शकतं त्यामुळे भुकंप, त्सुनामी, काळा पाऊस, हिरवा वारा, भगवी माती, काळाकुट्ट अंधार, जमिनीतून जागोजागी लाव्हा बाहेर पडेल, तेलविहीरींना आगी लागतील मग मोठ्या कष्टानं शास्त्रज्ञ आणि धार्मिक लोकांच्या कृत्यामुळे पृथ्वीचा 'व्हायब्रेट मोड' जाऊन 'जनरल मोड' येईल. पुन्हा एकदा अदिम अवस्थेपासून ते उच्चकोटीच्या प्रगतीच्या अवस्थेपर्यंतचा मानवाचा प्रवास पुन्हा सुरु होईल. पुन्हा मिपावर असे जगबुडीचे धागे येतील तेव्हा मात्र अशा धाग्यांची धागेबुडी होईल.

च्यायला, आपल्याला एक थापाड्या विभाग सुरु झाला पाहिजे. संध्यानंदच्या बातम्याप्रमाणे असलेले धागे-प्रतिसाद तिकडे टाकत जाऊ, काय म्हणता ?

-दिलीप बिरुटे
(थापाड्या ज्योतिषि)

@जे पुण्यवान आत्मे असतीन ते जरुर वाचतील. >>> आयला मंजे आम्चं काय..?आंम्ही तर अत्रुप्त आहोत... त्यामुळे असं काहितरी होइल असं वाटू लागलय... जाम घाबरलोय आंम्ही अता...

जगबुडीची बातमी अ‍ॅडव्हान्समध्ये दिल्याबद्दल धन्यवाद.

ही जगबुडी कोणत्या च्यानेलवर "लाईव्ह" दाखवणार आहेत? लाईव्ह दाखवताना मध्ये ब्रेक असणार की विदाउट ब्रेक? जगबुडीच्या ठिकाणी किती क्यामेरे लावणार आहेत? म्हणजे अ‍ॅक्शन रीप्ले किती अँगलमधून दाखवणार?

जगबुडी संपल्यावर हायलाईट्स परत परत दाखवणार का?

अवांतर : कलियुग सुरू होऊन सुमारे ५००० वर्ष झाली असं आम्हाला संघाचे/सनातन प्रभातचे लोक सांगतात. ६४०००० वर्ष या आकड्याचे संदर्भ द्यावेत. ;)

अतिअवांतर : ज्या संस्कृतीने २०१२ चं भाकीत केलं होतं ती केव्हाच बुडाली. तेव्हा त्यांचं म्हणणं किती मनावर घ्यायचं त्याचा विचार करावा !!! :)

जग बुडणार आहे???
ताबड्तोब पोहायला शिका! :)

आधी समजले होते की जानेवारीतच जगबुडी होणार.
असं पोस्टपोन का करतायत?

पवार साहेब २०१४ ची निवडणूक लढवणार नाही आहेत..त्यामुळे जगबुडी निश्चित आहे..!! :)

च्यायला मायन लोकान्ना गणित जमायचे नाही. त्यामुळे कॅलेंडर अर्धवट सोडले. तर लोकान्ना वाटते की पाण बुडी येनार.

काठीण अहे बुआ.

एकुणच समस्या गंभीर आहे.
यावर उपाय योजना काय?
मिठी नदी तर मोकळी करुन झाली आहे, तर मुंबई नक्की वाचणार!
आता बाकी शहरातील लोकांनी आपपल्या नद्या मोकळ्या करुन घ्या.
जिकडे तिकडे पिंपळाची झाडे लावा आणि वेगाने वाढवा.
पिंपळाच्या पानांवर संशोधन करुन ती आधिक मोठी आणि ताकदवान करुन घ्या.

चला लवकर कामाला लागा. :-|

मिका पाटील.

माया नावाच्या मुलींची, बालिकानी, आयानी, बायानी, म्हातार्‍यानी ,कोतार्‍यानी कृपया भावना वैग्रे दुखावल्या सार्खे मथळा वाचून करू नये. पूर्ण मथळा मायाच्या आईचा घो... असा वाचावा.आता शिक्षणाच्या आईच्या घो याला सेन्सरची मान्यता आहेत .तर मिपा वर हरकत नसावी. मुद्दा असा की हे माया " सूर्याला आपण वाचविले पाहिजे " असा वसा घेउन म्ह्नणे काही सोपस्कार करीत असत. आता मायांवर किती कसा विश्वास ठेवायचा.
पण जगबुडी होणार म्हणून ऐश करून घ्यायची झाली तर ...........
*पुण्यात प्रसिद्ध मिसळ पाव खाताना " तर्रीस जादा चार्ज लावला तरी तर्रीची ऐश करणार.

*एखाद्या मुलीने थोबाडीत मारली तरी चालेल पण तुझे डोळे सुंदर आहेत अस म्हणण्याची ऐश करणार.
* एकदा बायकोच्या समोर पाणी घालून बिअर प्यायची ऐश करणार मग ती दारूड का म्हणेना.

च्या... ला , ऐश करायचे मुद्दे देखील सुचत नाहीत.... क्या जिंदगी है यारों !

हे कॅलेंडर वाचून कोणी सांगेल का...नक्की कधी बुडणार !
आणि जर २०१२ ला संपणारे तर ह्या लोकांना २०१३ पासूनची कालनिर्णय ची पुरवणी लावायला काय होतंय !

- (स्कायलैब पडता पडता वाचलेला गरीब शेतकरी ) मालोजीराव

सर्वांनी सामानाची बांधाबांध करा. खाण्यापिण्याच्या वस्तू, पाण्यात बुडू नये म्हणून सुके भोपळे/कळश्या/टायर-ट्युबा, जळाऊ सामान, आपापल्या देवाचा फोटू(माझ्याकडे रजनीकांत चा फोटू हाये) ई.ई. घेऊन ठेवा.
चुकून माकून जगबुडीतून वाचलात तर पुढील व्यवस्था म्हणून चांदीचा पेला वगैरे घेऊन ठेवा.
पृथ्वीवरील मानव जात संपली नाही पाहिजे! जय महाराष्ट्र !

अतिशय सुरेख व निखळ विनोदी धागा. भिकारावांचे आभार... :)

मिपावरच्या प्रतिसादकांना परिस्थितीचे गांभीर्य नाही का?

वेळ कमी राहिला असताना टिवल्याबावल्या सुचतातच कशा?

असो,
मानवजातीच्या कल्याणासाठी आम्ही काही सेवा जाहीर करत आहोत. (पूर्वनावनोंदणी आवश्यक)

१) कोल्हावेरी सबमरीन सव्हिर्सेस
जगबुडीपासून वाचण्याचा प्रभावी उपाय म्हणजे पाणबुडी. जगबुडी होऊन जाईपर्यंत आपण पाण्याखालील जगाचे नयनरम्य दर्शन घेऊ शकता. कॅप्टन कलिका शेखावत जातीने सर्व पर्यटकांना माहिती देतील. या पाणबुडीत पशुपक्षी व लॅपटॉप/मोबाईल आणण्यास बंदी आहे. ही पॅकेज टूर असल्याने दिवसाच्या दरावर भाडे आकारले जाणार नाही त्याचप्रमाणे सवलत/बार्गेन चालणार नाही. तपशील लवकर जाहीर होईल. निराशा टाळण्यासाठी आजच नाव नोंदवा.

२) मनू नौकासेवा
ही पाण्यावर तरंगणारी मोठी नौका असून यात पशुपक्षी, लॅपटॉप, मोबाईल व अन्य गाठोडी यांना परवानगी आहे. यात जगबुडी होऊन जाईपर्यंत आपणास दिवसाच्या दराने राहता येईल. बायकांच्या गप्पा आणि पशुपक्ष्यांच्या कलकलाटाबाबत कोणतीही तक्रार व्यवस्थापनाकडे करता येणार नाही.

आगामी काही अन्य उपयुक्त उत्पादने
१) भयमुक्ती सुरक्षा कवच - यासोबत स्वामी लीलानंदांचे चरित्र मोफत. एजन्सी - गुपचुप ब्रदर्स.
२) चिंताहारी आसव - यात जबरीटा आणि टकल्ल्या या दोन मॉकटेलचा आणि बेवडा, नवसागर, मोहफुले अशा औषधी वनस्पतीचे संमीश्रण आहे. याच्या प्राशनाने जगबुडीच काय, परंतु कोणतीच भीती/ डु आयडीचा त्रास आपल्यास होणार नाही. सोकाजी वायनरीजचे एक उत्कृष्ट उत्पादन.
३) आनंदमय गोमय - सर्वबाधा निवारणासाठी सिद्ध केलेले खास गोमय. याच्या लेपनाने जगबुडीतही आपले शरीर सुरक्षित राहू शकेल.

जगबुडी झाले आणि सारेच त्यात मेले तर जे मेले त्यांचे तेरावे कोण करेल?
तसेच त्यांची श्राद्धे कोण करतील?

हाय फ्रेंडस् कसे आहात.

ठिकठाक आहोत.

सन २०१२ ला जगबुडी होणार

असं होय, कुठ्ल्या पाण्यात?

माया संस्कृतीचे कॅलेंडरच मुळी २०१२ ला संपते.

असं का बरं? कागद संपला का शाई संपली?

मिपावर अनेक पुण्यवंत असल्यामुळे ते नक्कीच वाचतील असी मला आषा आहे.

हि हा हा हा!!! सगळ्यात मोठा विनोद!

तुमचे मत जाणुन घ्यायला आवडेल.

असं काही नसतं. हे सगळं सोडा आणी कामाला लागा, जगबुडी होईल नाही होईल पण नोकरी मात्र जाऊन तुम्ही बुडु शकता.

बाप रे!!!!!!!!
भिती वाटायला लागली. मला जगायचय माझ्या मुलासाठी.
विचार देखील सहन होत नाहीये.

२१ डिसेंबरला जगबुडी आहे. त्याआधिच काही दिवस एखाद्या टुमदार ग्रहावर वस्तीला गेलो तर ? निदान सर्व मिपाकर एकत्र येवून ह्या 'समस्येवर' उत्तर शोधतील अशी आशा करुया.
भिकापाटील, एखादे रॉकेट बनवायचे का? दिवाळीतले नाही तर माणसांना दुसर्‍या ग्रहावर घेवून जाणारे. एस.टी. महामंडळ पृथ्वी-मंगळ-पृथ्वी 'शिवनेरी' सेवा चालु करणार असल्याची बातमी आहे.

मायला २१ डिसेंबरच्या अगोदर मला विम्याच्या पॉलिश्यांचे पैसे मिळतील का? निदान तेवढीच काही दिवस मज्जा करून घेता येईल

०२. तुमच्या बायकोचे संशयाचे भूत उतरले का. या नि अशा खवचट प्रशनांना बगल दिली जाईल. तो विशय संपला आहे.

बादवे भिकाजि...ते तुमच्या बायकोचे संशयाचे भूत उतरले का हो???? :D :D :D

समस्त पृथ्वीवासीयांसी कळवण्यात येते की जगबुडीमु़ळे होणार्‍या एकसमयावच्छेदेकरून जीवसंहारामुळे स्वर्ग नि नरकात गर्दी होईल असे ध्यानात आल्याने सदर प्लान तूर्त स्थगित ठेवण्यात आलेला आहे. स्वर्गात फारसे जीव येण्याची शक्यता नसल्याने फारशी अडचण नाही, परंतु सात नरक असूनही येणार्‍या संभाव्य संख्येचा विचार करता ती अपुरी पडणार आहे हे ध्यानात घेऊन आणखी सात नरकांची उभारणी आवश्यक असल्याची शिफारस 'यम अँड चित्रगुप्त प्रा. लि.' या आमच्या कन्सल्टन्सी फर्मने जगन्नियंत्यास केली आहे. त्यानुसार आवश्यक ती निविदा प्रक्रिया राबवण्यात येत आहे. त्यानुसार सात नरकांची उभारणी पुरी होईपर्यंत जगबुडीचा प्लान रहित करण्यात येत आहे. याचबरोबर, एकाच वेळी इतक्या केसेस हँडल करणे शक्य व्हावे यासाठी मा. चित्रगुप्त यांच्यासाठी 'क्लाऊड्-बेस्ड पाप-पुण्य नियोजन प्रणाली' विकसित करण्यात येत आहे. आमच्या पुनर्जन्माबद्दलच्या धाग्यात म्हटल्याप्रमाणे ते विकसित करणारे स्वतःची 'सोय' करून ठेवणार नाहीत याची खात्री कशी करून घ्यावी याबाबत खल चालू आहे.

जगबुडीची नवी तारीख नंतर कळवण्यात येईल. तूर्तास सर्व अकाउंटस ना एक वर्षाचे तात्पुरते एक्स्टेंशन देण्यात आले आहे.

रमताराम

(आथोराईज्ड शिग्नेटरी)
मे. यम अँड चित्रगुप्त प्रा. लि.
बीओडी (बिल्ड-ऑपरेट-डिस्ट्रॉय) कन्सल्टंट

जगबुडी नंतर आमच्या बरोबर जागुताई,गणपा व सारिका पण असु दे देवा, खाण्यापिण्याचे वांदे होणार नाहीत.
जागुताई ह्यापुढे माश्याच्या सगळ्याजातींच्या पाकृ टाक म्हणजे नंतर कोणता मासा खायचा आणि कसा ह्यावर विचार करण्यात वेळ जाणार नाही.

आबाबा,,,,, क्येवढी ह्यी मायंदाळ यादी . पर्तिक्रियाची राव ! म्या तर लई गुदमराया लागलो..... आ... आता नाकातोडात पानी ग्येल्या सारखं वाटाया लागलो .... म्हेलो रं द्येवा ... आ....आरं .. .खरच जगबुडी आली का काय ....................... ?