दहीभात व सुरणाची सुकी भाजी

साहित्य दहीभातासाठी:

१ वाटी तांदुळ
१ चमचा दही
३-४ चमचे दुध (आपल्या अंदाजानुसार कमी-जास्त)
चवीप्रमाणे मीठ
१ हिरवी मिरची चिरुन

फोडणीसाठी:
२-३ चमचे तेल
१/२ टीस्पून मोहरी
१/२ टीस्पून उडदाची डाळ
१/४ टीस्पून हिंग
७-८ कढीपत्ता
२-३ लाल सुक्या मिरच्या

पाकृ:

१ वाटी तांदुळ स्वच्छ धुवून त्यात तीप्प्ट पाणी घालून भात शिजवणे.
गार झाला की त्यात आपल्या अंदाजानुसार दुध घालणे (मऊ झाला पाहीजे)
त्यात १ चमचा दही, मीठ व चिरलेली हिरवी मिरची घालणे व झाकून रात्रभर बाहेर ठेवणे.

सकाळी पळीत फोडणी करून भातावर ओतणे व मिक्स करणे.

साहित्य सुरणाची सुकी भाजी:

२ वाट्या सालं काढून बारीक क्युब्स केलेला पांढरा सुरण धुवून, निथळून घेणे (पांढरा सुरण खाजरा नसतो)
३/४ वाटी बारीक चिरलेली कोथिंबीर
१-२ हिरव्या मिरच्या चिरून (आपल्याला हवे तर जास्त ही चालतील )
१/२ टीस्पून हळद
१/२ टीस्पून मोहरी
१/४ टीस्पून हिंग (जरा जास्त घातले तरी चालेल )
मीठ चवीनुसार
तेल

पाकृ:
कढईत तेल तापवून त्यात मोहरी, हिंग, मिरची घालून फोडणी करणे.
त्यात चिरलेली कोथिंबीर व सुरण घालणे.
त्यावर हळद, मीठ घालून परतणे.
झाकण ठेवून गॅस मंद ठेवावा.
सुरण शिजले की दहीभाताबरोबर सर्व्ह करणे.

तयार पाकृ चा फोटो