व्हेज फ्राईड राईस आणी पनीर चिली

साहित्य व्हेज फ्राईड राईस:
२ कप बासमती तांदूळ स्वछ धुवून गरम पाण्यात भिजवणे
१ कप पातळ उभा चिरलेला कोबी
१ कप पातळ उभा चिरलेला गाजर
१ कप पातळ उभी चिरलेली भोपळी /ढोबळी / ढब्बू / शिमला मिर्ची :)
१ कप बारीक चिरलेली फरसबी
१/२ कप कांद्याची पात चिरुन
१ छोटा कांदा व पातीचा कांदा चिरुन
१ १/२ टेबल्स्पून आलं-लसूण पेस्ट किंवा भरड वाटलेले
१ हिरवी मिर्ची उभी चिरलेली
२ टेबल्स्पून सोया सॉस
२ टेबल्स्पून टोमॅटो सॉस
१ टेबल्स्पून चिली सॉस
मीठ चवीप्रमाणे
१/४ वाटी तेल

पाकृ:

भिजवलेला तांदळाचा बोटचेपा भात शिजवून घेणे.भात शिजवताना १ छोटा चमचा तेल घालणे. शिजवलेला भात हलक्या हाताने मोकळा करुन गार करायला ठेवावा म्हण्जे भाताची शितं मोडणार नाहीत.
तेल तापवून त्यात प्रथम आलं-लसूण पेस्ट , हिरवी मिर्ची घालावी व परतावी.
त्यावर कांदा घालुन परतावा.
एक एक करून सगळ्या भाज्या घालाव्यात व पटपट परतत रहा.
वरील सर्व सॉस घाला व परता. आता त्यात शिजवलेला भात घाला आणी हलक्या हाताने एकत्र करा.
मीठ चवीप्रमाणे घाला. ( सोया सॉसमध्ये ही मीठ असतं त्याप्रमाणे घाला)

सर्व सॉस भाताला सारखे लागले की भात उतरवावा.

साहित्य पनीर चिली:

२ कप पनीरचे तुकडे
१ कांदा उभा चिरलेला
१-२ हिरव्या मिरच्या चिरलेल्या
१ १/२ टेबल्स्पून आलं-लसूण पेस्ट किंवा भरड वाटलेले
१/२ कप कांद्याची पात चिरलेली
३ टेबल्स्पून सोया सॉस
१ टेबल्स्पून कोर्नस्टार्च थोड्या पाण्यात मिसळ्लेले
मीठ चवीप्रमाणे
१ टीस्पून काळीमिरीपूड
तेल

पा़कृ:

थोड्या तेलात पनीरचे तुकडे सोनेरी रंगावर तळून घेणे आणी हे तळ्लेले तुकडे पाण्यात भिजवणे म्हण्जे ते मग वातड होणार नाहीत, मऊच राहतील.
दुसर्या भांड्यात तेल तापवून त्यात हिरव्या मिरच्या, आलं-लसूण पेस्ट घालून परतणे.
आता चिरलेला कांदा, मीठ घालणे, सोया सॉस घालणे. ( सोया सॉसमध्ये ही मीठ असतं त्याप्रमाणे घाला)

त्यात तळ्लेले पनीरचे तुकडे , काळीमिरीपूड घाला व नीट एकत्र करा.
१ कप पाणी घालून थोडे शिजवून घ्या.
कोर्नस्टार्च चे मिश्रण घालून, किती घट्ट हवे तितके शिजवून घ्या.
वरून कांद्याची पात घालून गरमा-गरम व्हेज फ्राईड राईस बरोबर वाढा :)