पाव

भारताबाहेर आपल्या सारखे पावभाजीचे पाव मिळत नाहीत, म्हणुन हे पाव बनवण्याचा प्रयत्न केला होता. हा केलेला प्रयत्न बर्‍यापेकी यशस्वी झाला.

साहित्यः

मैदा - ५०० ग्रॅम
यीस्ट - ८ ग्रॅम किंवा १ छोटे पाकीट
गरम पाणी - १/२ कप
साखर - १ चमचा
unsalted बटर - ५० ग्रॅम
अंडे - १
मिठ चवीनुसार

कृती:

१. मैदा चाळुन घ्यावा.
२. एका मोठ्या बाउल मधे १/२ कप गरम पाणी, यीस्ट, १ चमचा मैदा, १ चमचा साखर व १/२ चमचा मीठ टाकुन मिक्स करावे. हे बाउल १० मिनिटे उबदार जागी ठेवावे. तुम्ही थंड प्रदेशात रहात असल्यास हे बाउल oven मधे किंवा heater जवळ ठेवावे.
३. १० मिनिटां नंतर बाउल मधील मिश्रणा वर फेस आलेला दिसेल. हे मिश्रण मैदया मधे थोडे मिठ व लागल्यास अजुन थोडे पाणी टाकुन मउसर मळुन घ्यावे.
४. एका मोठ्या भांड्यात खाली थोडा मैदा टाकुन हा भिजवलेला गोळा ठेवावा. भांड्यावर निट झाकण ठेवुन परत १-२ तास उबदार जागी ठेवावे.
५. १-२ तासानंतर भांड्यातील गोळ्याचा आकार दुपट्टीने वाढलेला दिसेल.
६. हा गोळा आता, किचनच्या ओट्यावर थोडा मैदा टाकुन त्यावर काढुन घ्यावा.
७. बटर पुर्णपणे वितळुन घ्यावे.
८. वितळलेले बटर थोडे थोडे टाकुन गोळा, सगळे बटर संपे पर्यंत मळुन घ्यावा.
९. गोळा नीट मळुन झाल्यावर त्याचे मध्यम आकाराचे गोळे करुन घ्यावेत.
१०. बेकिंग ट्रेला बटर लावुन हे गोळे ठेवावेत. प्रत्येक गोळ्यामधे १ इंचाचे अंतर ठेवावे.
११. हा ट्रे परत ओल्या कापडाने झाकुन १/२ तास बाजुला ठेवुन द्यावा.
१२. १/२ तासा नंतर हे गोळे मोठे होउन, पावाच्या लादी सारखे दिसतील.
१३. oven २५० degree celcius ला १० मिनिटे preheat करावा.
१४. एका भांड्यामधे अंडे फोडुन घ्यावे व फेटावे.
१५. हे फेटलेले अंडे हळुवार पणे ब्रशच्या मदतीने किंवा kitchen paper towel अंड्यामधे बुडवुन पावावर लावुन घ्यावे. ह्या मुळे पावाला glaze व रंग चांगला येतो.
१६. oven preheat झाल्यावर बेकिंग ट्रे oven मधे ठेवुन २५० degree celcius ला १५-२० मिनिटे किंवा पावा सारखा रंग येइ पर्यंत बेक करावे.
१७. पाव बेक झाल्यावर oven मधुन बाहेर काढावेत. पावाला वरतुन गरम असतानाच बटर लावावे.
१८. हे पाव तुम्ही पावभाजी, कछी दाबेली, वडा-पाव, मिसळ पाव या मधे वापरु शकता.

टिपः

१. अंडे चालत नसल्यास तुम्ही पावाला दुध लावुन glaze करु शकता.