पातोळ्या.

गगनविहारी यान्च्यासाठी पातोळ्याची पाककृती.
साहित्यः-१)हळदीची पाने ७ ते ८.
२)२ वाट्या तान्दुळाची पिठी .
३)३ वाट्या ओले किसलेले खोबरे.
४)१ ते दीड वाटीकिसलेला गुळ.
५)चिमुटभर वेलचीपुड.
६)मिठ चविनुसार.
७)थोडे तेल.
कृती:-१)प्रथम किसलेले खोबरे व गुळ एकत्र करुन त्यात थोडे मिठ घालुन शिजवुन घ्यावे.
गुळ विरघळला व थोडे सुकले कि सारण झाले म्हणुन समजावे.
२)एका भान्ड्यात २ वाट्या पाणी घेवुन त्यात थोडे मिठ व एक चमचा तेल घालुन उकळत ठेवावे.
पाणी उकळले की त्यात तान्दुळाची पिठी घालवी.आच बारिक ठेवावी.व ढवळुन झाकण ठेवावे.
२ मिनिटानी आच बन्द करावी्. ह्याला उकड काढणे म्हणतात.
३)५ मिनिटानी एका परातीत उकड काढुन घेणे.त्यातील थोडी उकड घेउन त्यावर पाण्याचा हबका
मारावा व चान्गले मळुन घ्यावे.तेलाचा हात लाउन परत मळुन घ्यावे.
४)हळदीचे एक पान घेउन त्याला तेल लावणे.व त्यावर मळलेल्या पिठाचा गोळा घेउन पानभर पातळ
थापावा.
५)नन्तर त्यावर तयार केलेले सारण पसरावे.व पान दुमडून निट बन्द करावे.
सगळया पातोळ्या तयार झाल्यावर कुकरमध्ये जाळीच्या चाळणीत शिट्टी काढून २० मिनिटे
शिजत ठेवावे.
खाताना हळदीचे पान काढ्ण्याचे भान ठेवावे.छान तुपाची धार घालुन ताव मारायला सुरुवात करायची.
आमच्याकडे हा प्रकार हरितालिका व नागपन्चमीला करतात.