त्रिशंकुच ...

सर्व विजयी उमेदवारांचे अभिनंदन

अमोल केळकर

कुठल्याही पक्षाला स्पष्ट बहुमत नसल्याने राष्ट्रपती राजवट लागू करा. :)

सर्व प्रथम ११ निवडुन आलेल्या अपक्षांपैकी ७ हे शिवसेना पुरस्कृत असल्याचे आत्ताच ऐकले..
म्हणजे
शिवसेना ३२
+
भाजप ९
+
शिवसेना पुरस्कृत अपक्ष ७
=४८
बाकी मनसेला २५ जागा म्हणजे उत्तम मुसंडी मारली आहे. आता शिवसेनाला सत्तेत येण्यासाठी घोडाबाजार करण्याशिवाय पर्याय दिसत नाहीच.

कॉग्रेस+ राष्ट्रवादी+मनसे हे समीकरण शक्य वाटत आहे.

शिवसेना + मनसे असा अंबरनाथ पॅटर्न पण येउ शकेल. शेवटी युद्धात, प्रेमात आणि 'राज'कारणात सर्वच क्षम्य.

सत्तेवर कोण येईल, महापौर कुणाचा होईल यापेक्षा मला अतिशय महत्वाची वाटणारी बाब म्हणजे "मराठी फॅक्टर" !

जे कुणी मराठी विरोधात किंवा डावलुन किंवा मराठी मुद्याकडे कानाडोळा करत होते त्यांना मराठी जनतेने हिसका दाखवला आहे हे निश्चित आहे.

बीजेपी गुजरातेत गुज्जु, कर्नाटकात कन्नडीगा बनते पण महाराष्ट्रात राष्ट्र मोठे असा नारा देते... दिला फटका ! करा आता पुनर्विचार आपल्या धोरणांचा नागपुरातल्या गल्ल्याबोळात ! जय हो !

कॉग्रेस आणि राष्ट्रवादी बद्दल काय बोलायचे .. नकोच !त्यांचे वरती बसलेले करतील विचार ! न करतील तर जास्त चांगले.. :)

आता मनसे आणि शिवसेना या दोघांपैकी मला कुणाचेही विशेष प्रेम असे नाही आणी द्वेष नाही. मराठीचा मुद्दा घेत जो लढेल त्याला माझा पाठिंबा असतो... मग तो कूणीही असो. पण मराठीचा जो द्वेष करेल त्याला मी पाठींबा देत नाही.

इथे मराठी म्हणजे केवळ मराठी भाषाच नाही तर एकंदर मराठी माणसे, जनजीवन, संस्कृती, पोटापाण्याचे धंदे वगैरे वगैरे... असो. विचारवंत याला नीच मानसिकता आणि प्रवृत्ती म्हणतात. म्हणेनात बिचारे... ! आपल्याला माहीत आहे आपण काय करत आहोत आणि काय नाही ! संपले !

ज्या कुणाला मराठीचा द्वेष करायचा असेल त्यांनी तो आता जास्त प्रमाणात करावा ! कारण मराठी मुद्द्याला पाठींबा मिळतो हे पहाताच सत्तेला लालचावलेली आणि यावेळेस सत्तेपासुन दूर गेलेली मंडळी मराठीचा मुद्दा हातात घेतील.. तेव्हा विचारवंतानी नाही करायचा तर कुणी करायचा मराठी लोकांचा द्वेष? काय खरे ना? असो. जास्त मराठी बद्दल बोललो तर जगभरातील विचारवंतांच्या डोक्यात अणूबॉम्ब फुटतील ! :)

या निमित्ताने मी सर्व मराठी बांधवांचे अभिनंदन करतो !!

जय हिंद ! जय महाराष्ट्र !!

प्रवक्ता नाही पण ..

जे बोलणे थोड्या वेळापुर्वी फोनवर झाले ते असे आहे.

सेना (कार्यकारी संपादक , अजुन दुसर कोण असणार . ) आणी मनसे एकमेकांशी संपर्क करत आहे(११ पैंकी ९जण ही संपर्क करत आहे आहेत)
...कदाचित बाकी सर्व ऊद्या जाहीर होईल(३१+२६) +

तिकडुन जो निर्णय बाळासाहेब घेतील त्याला शिवसैनिक पुर्ण (आतुन जळ-जळत का व्हायना ) पाठिंबा देतील अशी आशा आहे. तिच गत मनसैनिकांची होणार आहे असे दिसते...

देखते हय !!(शेवटी निर्णय होण्यास बराच वेळ जाणार आहे असे दिसते आहे.)

सेनेनीही (दोन्ही) जरा राजकारण केले तरी मला हरकत नाही.

हे चित्र अतिशय संताप जनक आहे. मला अजून समाजात नाही कि लोक का नाही मतदान करत? त्रिशंकू परिस्थीती हि जनतेलाच मारक आहे. जर बहुमत नसेल तर कोणीच चांगले काम करू शकत नाही. ( इथे प्रश्न कॉंग्रेस चांगले कि शिवसेना भाजप हा नाही) मी स्वत कल्याण ला राहतो आणि माझ्या पुरते म्हणायचे तर मला म. न. से सत्ते वर आलेली (पूर्ण बहुमतात) बघायला आवडली असती.
गेली बरेच वर्ष कल्याण शहराची जी वाट लागली आहे ती अतिशात भयंकर आहे. माझ्या लहान पणी मी कधी शुक्रवार सोडून भारनियमन बघितले नाही. २४ तास महानगर पालिकेच्या नळाला पाणी असायचे. आज दिवसाची सुरवात कॅण्डल टी अंनि शेवट कॅण्डल डिनर ने होतो. दिवसातून फक्त १ ते १.५ तास पाणी येते ते सुधा कमी दाबाने.

सरकार कोणतेही आले तरी क.डो. मधल्या रस्ते, वीज, पाणी, उघडी गटारे, कचरा व्यवस्थापन .etc यांचे प्रश्न सुटले म्हणजे मिळवली.

सध्या मी मुख्यमंत्री बनण्याच्या प्रयत्नात असल्याने कल्यान डोंबिवलीकडे लक्ष द्यायला वेळ नाही. :)

१.
पुणे पॅटर्नला आता इतक्या शिव्या देऊन झाल्या आहेत की पुणे पॅटर्न परत येण्याची शक्यता फारच कमी आहे. त्यामुळे सेना + राष्ट्रवादी + (भाजपा बाहेरुन पाठींबा) होणे नाही!

२.
अंबरनाथ पॅटर्न हा स्थानिक उस्फूर्ततेचा परिणाम आहे ज्याची शक्यता कल्याण-डोंबिवलीमध्ये सुतरामही नाही! त्यामुळे सेना + मनसेचा काही चान्स नाही!

३.
काँग्रेस + राष्ट्रवादी + (राष्ट्रवादीच्या आग्रहाखातर 'मनसे' बाहेरुन पाठींबा) ही मोट जमणे अवघड आहे, पण अशक्य नाही! राज ठाकरे आणि बारामतीकर यांचे परस्परसलोख्याचे संबंध पाहता हे होऊ शकेल, पण टिकायचे चान्सेस फारच कमी! त्यातून राष्ट्रवादी आणि काँग्रेस याना मनसेचाच पाठींबा मिळवावा लागेल, कारण घोडेबाजार होऊन सगळेच 'इतर' सोबतीला आले तरी फायदा शून्य आहे!

४.
सेना + भाजपा + (भाजपाच्या आग्रहाखातर 'मनसे' बाहेरुन पाठींबा) हे समीकरण जमू शकते! याचीच शक्यता मला जास्त वाटते, कारण यामुळे मनसेला एका तरी महापालिकेत किंगमेकर होता येईल, प्लस बाहेरुन पाठींबा असल्याने स्वत:ची रोखठोक भुमिकासुद्धा जपता येईल! इथेही सगळे 'इतर' सोबतीला आले तरी फायदा शून्य आहे!

५. 'इतर' लोकांना फारसा आवाज नाही! कारण त्यांचा संपूर्ण पाठींबा घेऊनही कोणालाही फायदा नाही!

३, ४ आणि ५ पर्यायांमुळे मनसेची किंगमेकर बनायची स्वप्ने पूर्ण होऊ शकतात. कारण संख्याबळात तोच एक पक्ष आहे जो बाकी नौका तारुन नेऊ शकतो!
दुसर्‍या पर्यायाची शक्यता फारशी नसली तरी कल्याण-डोंबीवली सारख्या ठिकाणी हे झाले तर एक नवाच पर्याय उर्वरीत महाराष्ट्रासाठी यापुढे निर्माण होऊ शकतो!
'भाजपा'ला या सर्व खेचाखेचीत काही विशेष स्थान नसल्याने सेनेबरोबर त्यांची फरफट स्वाभाविक आहे.
.
.
त्यामुळे आपले मत पर्याय ४ ला!!

--असुर

सेना + भाजपा + (भाजपाच्या आग्रहाखातर 'मनसे' बाहेरुन पाठींबा) हे समीकरण जमू शकते! याचीच शक्यता मला जास्त वाटते, कारण यामुळे मनसेला एका तरी महापालिकेत किंगमेकर होता येईल, प्लस बाहेरुन पाठींबा असल्याने स्वत:ची रोखठोक भुमिकासुद्धा जपता येईल! इथेही सगळे 'इतर' सोबतीला आले तरी फायदा शून्य आहे! >>>

ही शक्यता ही नाकारता येत नाही ....

पुणे पॅटर्न हा ऑल ऑफ अ सडन घ्यावा लागणारा निर्णय होता...

पण ईथे मात्र ,जवळपास सर्व पक्षांना त्याबद्दल पुर्व-कल्पना होती. म्हणुन अर्थातच किमापक्षी त्यावर विचार झाला असावा. मनसेपुरतं बोलायच झाल तर ऑल ऑप्शन्स आर ओपन , (अर्थात ऊध्दव ठाकरेंच काही निगेटिव्ह सेन्टेस आले नाही तरच मनसे त्या पर्यायाचा विचार करेल याची मला शाश्वती आहे.)

मस्तच...

राजकारण न कळणाऱ्याचे हे मत आहे. ते तसेच घ्यावे.
दोन दिशा, दोन पर्याय: म्हणजे प्रत्येक दिशेत दोन-दोन पर्याय.
३१+९+(२६) + (१) = इतर दोघांची सत्ता, मनसेही आत. निर्णय मनसेने करायचा आहे. मनसेचा राजकीय शहाणपणा वादग्रस्त.
३१+९ (+२६) + (१) = इतर दोघांची सत्ता, मनसे बाहेरून, निर्णय मनसेने करायचा आहे. मनसेच्या या निर्णयामागील राजकीय शहाणपणा पुढील काळात न दाखवलेल्या तोंडाळपणावर अवलंबून असेल. कामाची हुकमत हाती राहू शकते. कामे करून घेऊन आपले नाणे सिद्ध करता येते, कामे न झाल्यास दोष दोघांवर ढकलता येतोच. त्यापुरते तोंड चालवत रहायचे.
२६+(३१+९) + (१) = मनसे सत्तेत, इतर दोघांच्या जोडीने. निर्णय इतर दोघांनी करायचा आहे. मनसेचे काही बिघडत नाही. दोघांना हा निर्णय करणे मुश्कील.
२६ (+३१+९) + (१) = मनसे सत्तेत. इतर दोघे बाहेरून. निर्णय इतर दोघांनी करायचा आहे. मनसेची पंचाईत. इतर दोघांना हा निर्णय महामुश्कील, पण राजकीय शहाणपणाचा ठरू शकतो. मनसेचे नाणे खणखणीत नसेल तर ते सत्तेत आल्यानंतर जितक्या गतीने सिद्ध होईल तितके एरवी नाही. कारण येथे जबाबदारी आहे. प्रश्न इतकाच की हा शहाणपणा आत्ताच दाखवावा लागेल इतर दोघांना.

विजेत्यांचे अभिनंदन, मान्यवरांचे आभार !!

विजयी उमेद्वारांचे अभिनंदन. मनसे आणि सेना खरोखरच एकत्र येतील? सामना मध्ये बाळासाहेबांनी राज ठाकरेंना बाळराजे टमरेलकर म्हंटले.राज ठाकरेंनी सेनावाल्यांना करवंटी का शेंदूर म्हंटले.
मनसेवाल्यांनी बाहेरून पाठिंबा द्यावा आणि कामे करुन घ्यावीत.

मनसेने फक्त शिवसेनेचीच कास धरावी,अन्यथा मराठीला तडा जाईल ह्यात शंका नाही.
अन्य सर्व पक्ष हे फक्त घाणेरडे राजकरण करुन आपला स्वार्थ साधायला बघतात.

त्या अन्य पक्षांना स्वःताला मराठी बोलवतच कस??

सगळ्यांचीच कोंडी झालेय.. शिवसेनेने आणि मनसेने आधीच एकमेकांना जाहीर शिव्या दिल्या, आता एकत्र आले की सत्तेसाठी कोडगेपणाचा शिक्का बसणारच..
ह्यात एक म्हणजे मनसेने सत्तेत न जाता बाहेरुन किंवा विरोधात राहून वचक ठेवला ना तर पुढे मुंबई महानगरपालिकेत फायदा होऊ शकतो.. पण एकदम बघण्यालायक ठरणार आहे आता सगळ्या पक्श्याच्या हालचाली..
सगळ्या विजेत्यांचे अभिनंदन..
प्रश्न :
१. मनसे दुसर्‍या क्रमांकावर किती ठिकाणी आहे?
२. अशी किती ठिकाणी आहेत की मनसे फॅक्टर मुळे काँग्रेसने फायदा उचलल्ला?

मराठीचा ठसा उमटला हे नक्की.. हे ही नसे थोडके!

दोघांनी एकमेकांच्या टमरेल व वरवंट्याला शेंदूर लावून एकत्र पंगतीला बसावे. पांच वर्षांत टमरेलांचे कमोड होतील आणि वरवंट्याचे पाटे!!!

इकडे सगळे जण राजकीय फायद्या-तोट्याची गणितं मांडताहेत. पण या निकालामुळे कल्याण-डोंबिवलीच्या डोकेदुखीत भर पडली आहे त्याचं काय? एक तर सत्ता परिवर्तन झालं नाही . कल्याण-डोंबिवलीत आधीच उन्मत्त असलेली शिवसेना आता आणखीनच उन्मत्त होईल. (जसे सध्या केंद्रात झाले आहे. आपण काहीही केले तरी कोण काय उपटणार? सत्ता आमचीच अशी मस्ती काँग्रेसला आली आहे. कल्याण -डोंबिवलीत युतीची हीच मेंटॅलिटी आहे. पंधरा वर्ष सत्ता भोगली, शहराचा सत्यानाश केला आणि वरती ८५% कामं पूर्ण केल्याचे दावे. खाकी चड्डीवाल्यांची मात्र फाटली हे छान झालं. ) मनसे हा एक नविन पर्याय म्हणून आजमावायला खरोखरच चांगला होता. राज ठाकरे यांचा जाहीरनामा पण खरोखरच चांगला होता. रस्त्यांचे काँक्रीटीकरण आणि नविन बांधकामांना बंदी हे तर खूपच आकर्षक होतं. आणि ते स्वतः म्हणतात त्याप्रमाणे एक संधी द्यायला काहीच हरकत नव्हती. बरं, मनसे नाही तर नाही निदान काँग्रेस-राष्ट्रवादीला तरी मेजॉरिटी मिळाली असती तरी चाललं असतं. सत्ताबदल फार आवश्यक होता. सव्वीस वर्षांमध्ये मी डोंबिवलीची आत्ताएवढी वाईट अवस्था कधीच पाहिली नाही. अख्खी डोंबिवली जणू फुटली आहे. इतकी वाईट अवस्था असूनही फक्त ४६% मतदान याला काय म्हणावं. आता फक्त देवावर हवाला ठेवून दिवस काढायचे, दिवस कसले वर्षं. ५ वर्ष. तेच ते फुटलेले रस्ते, घाणीचं साम्राज्य, डास,रोगांच्या साथी,प्रचंड प्रदूषण, बेसुमार बांधकामं आणि अक्राळविक्राळ लोकसंख्या. एवढं सगळं असून जागेचा भाव अवघा ५००० रुपये प्रति स्क्वेअर फूट. परमेश्वरा आता तूच आमचा सहारा.
आता उद्या म्हा. ठाकरे काय बकतो ते पाहायचं?

अहो, अनेक वर्षांपूर्वी इथे जनसंघाची सत्ता होती. तेंव्हाही ओरपत होते सगळे. बाकीच्या देशात काँग्रेस जावी असे त्याकाळी आम्हाला वाटायचे. पण ते जाउन हे जनसंघी तरी काय दिवे लावणार असे डोंबिवलीचा ग्रामपंचायतीचा कारभार बघितल्यावर वाटायचे.

बरं झालं पूर्वीच डोंबिवली सोडली ते.