मिसळपाव व्यवस्थापन

ठीक आहे...वाचनखुणा हा धागा उडवला तरी काही हरकत नाही.
वाचनखुणा हि सोय खूपच उपयोगी आहे हे सांगू इच्छिते.

"मात्र असे असतांना नवीन येणार्‍या सदस्यांना मिसळपाववर गैरसोईची वातवरण तयार होऊ नये याबाबत खबरदारी घेण्याची जबावदारी सर्व जेष्ठ सदस्यांची आहे."

हे आवडले. सहमत.
आता नवीन सदस्यांचीदेखील नैतिक अशी जबाबदारी आहे की, प्रतिसाद देताना आपल्या भाषेला वाचणार्‍याला ते लिखाण परत परत ते वाचावेसे वाटेल असा दर्जा देण्याचा प्रयत्न करावा. वर सरपंचानी म्हटल्याप्रमाणे इथे जे 'ज्येष्ठ' सदस्य आहेत ते खरेच सर्वार्थाने ज्येष्ठ आहेत, वयाने, अनुभवाने, व्यवसायाने आणि सर्वात महत्वाचे म्हणजे शिक्षणाने.

तसेच लेखन कमी असले तरी चालेल पण अन्य संस्थळावरील एकदोन वर्षे चघळलेले विषय इथे "नवे" म्हणून घेऊ नयेत. (मग तो एक विचित्र असा पायंडाच पडेल आणि संपादन मंडळाला "धागे डिलिट"ची एक नवीनच डोकेदुखी होऊन बसेल.)

बाकी धाग्यातील सर्व मुद्द्यांशी सहमत आहेच.

पूर्ण सहकार्य होतेच तसेच राहील ही ग्वाही

सहकार्याचे आश्वासन.

सरपंचांच्या सुचवणीशी संपुर्ण सहमती आहे आणि १००% सहकार्य करेन असे सांगतो.
योग्य वेळी घेतलेला निर्यण म्हणुन मी सरपंचांचे आभार मानतो ...

- ( मिपाकर ) छोटा डॉन

पूर्ण सहकार्य नक्कीच.
व्यवस्थापन करणारे सदस्य खूप व्यस्त आहेत हे खरेच. तरीही महत्वाच्या गोष्टींना अनेक विनंत्या नंतर देखील विचारात घेतले जात नाही, तेव्हा खेदाने असे म्हणावे लागते की व्यवस्थापनाने देखील सदस्यांच्या लोकाग्रहाला अपेक्षेनुसार साद दिली नाही. (उदा. स्व संपादन.) ह्या बाबतीत बहुमत ऐकून देखील चंद लोकांचेच बरोबर असा अट्टाहास का?
दुसरे, वाविप्र हे डंपींग ग्राऊंड आहे का? तिथे असलेल्या मदतिच्या हाकांवरून असे वाटले. माझा स्वतःचा हा प्रश्न अनुत्तरीत राहिला आहे.
http://www.misalpav.com/help.html#comment-220477

वाविप्र मधे सगळ्यात नविन प्रश्न हा आधी दिसला पाहिजे असे वाटते, म्हणजे लेटेस्ट उत्तरे वाचत वाचत खाली जाता येईल.
तिसरे- वाविप्र मधे आपला हा प्रश्न आधी कोणी विचारला आहे किंवा नाही, व त्याचे उत्तर काय होते हे कसे शोधायचे?

लवकरात लवकर मिसळीचे (पुर्वीचे ) चित्र मुखपृष्ठावर आणावे ही विनंती.

अमोल केळकर

बर झाल तुम्ही हे लिहीलत. पुर्ण सहकार्य.

मिसळपाववर काय असावे? काय नको? ते कसे चालावे? कसे दिसावे आदी कुठल्याही बाबतीत सदस्यांना आपले मत देण्याची मूभा आहे. नव्हे सदस्यांचा तो तसा अधीकार आहे.

ठळक शब्दांशी असहमत !

अधिकारा बरोबर जबाबदारी देखील येते हिच जाणीव इथे बर्‍याच जणांना नाही, त्यांना कसला डोंबलाचा अधिकार देता ? काड्या सारायला आणि धुराळा उडवायलाच फक्त जे मिपावर येतात त्यांना कशाला हे असले अधिकार फिधीकार ?

आपले तर स्पष्ट मत आहे, जिथे मत विचारले जाईल तिथेच द्यावे. नाहीतर 'आहे ते हे असे आहे.. राहायचे तर रहा' हेच योग्य.

अशा प्रकारच्या धाग्यांमुळे सदस्यांना व्यवस्थापन सदस्यांची मते जाणून घेण्यास उत्सुक आहे असे वाटते. परंतु व्यवस्थापनास त्यात फारशी रुची नाही असा अनुभव आहे. उदा. स्वसंपादनाविषयी मी पाठवलेल्या व्यनिचे उत्तर मिळालेले नाही.

खाजगी मालकीचे संकेतस्थळ असल्याने स्पष्टीकरण देण्याची गरज नाही. तसे एकदा जाहीर करून टाकल्यास सदस्यांच्या अपेक्षा वाढणार नाहीत. पूर्वीचे मालक स्पष्टपणे तसे जाहीर करत असत. अशा हास्यास्पद धाग्यांची गरज लागणार नाही.

सरपंचांनी योग्य वेळी केलेले लेखन असे या धाग्याचे वर्णन करता येइल.
संपादकांचा उल्लेख वेळोवेळी सहीत्/प्रतिसादात अयोग्यप्रकारे केलेला मीही बघितला आहे.
कोण्या सदस्याने तर संपादकांना दिल्लीकर वगैरे म्हणून घेतल्याचेही वाचनात आले होते.

सरपंचांशी सहमत. सूचना करूर कळवाव्यात. पाठपुरावाही करावा. अगदी हात धुऊन मागे पडा. काही हरकत नाही. पण जिथे तिथे तेच म्हणजे जरा अतीच नाही का? :)

अवांतर: मला एका गोष्टीची गंमत वाटली. स्वसंपादनाचा आग्रह धरणार्‍यांपैकी बहुतेक सगळेच कधीही न लिहिणारे आहेत. काही लोकांच्या तर मागे लागलो आहे लिहा म्हणून पण लिहायचे नाव नाही. काय फरक पडतो अशा लोकांना, स्वसंपादन असले काय आणि नसले काय? ;)

हे नविन सन्केत स्थळ छान आहे पण मिसळपाव चा फोटो दर्शनी भागात हवाय !!!

झालच तर त्या छंदशास्त्राच्या ऐवजी कलादालनाचा टॅब मुखपृष्टावर लावावा. तोच जास्त अपडेट होत असतो.

मिसळपावचे धोरण

नमस्कार,
मिसळपावचे धोरण येथे वाचा.

मराठीत लिहिण्यासाठी मदत येथे आहे.

-सरपंच

वरील कुठल्याही लिंकवर क्लिक होत नाही.

तसेच मिसळपावचे विस्तृत संपादन मंडळ आहे. आणि त्यांची नावे जाहीर आहेत.

एकदा कधीतरी, कुठेतरी जाहीर केली म्हणजे ती जाहीर राहतील अस नव्हे. संपादकांची नावे वेगळ्या रंगात / फाँटमधे असावीत अशा साध्या ( अमलात आणायला) , कोणाची हरकत नसलेल्या आणि उपयोगी सूचनेला वाटाण्याच्या अक्षता लावण्यात आल्या.

नवीन येणार्‍या सदस्यांना मिसळपाववर गैरसोईची वातवरण तयार होऊ नये याबाबत खबरदारी घेण्याची जबावदारी सर्व जेष्ठ सदस्यांची आहे

नवीन सदस्यांना खरडवही नसते ( त्यातही सातत्य नाही) आणि संपादक कोण हे माहित नसते. मदतीच्या धाग्याकडेही कुठलाच संपादक किमान आठवड्यात एकदा तरी लक्ष का देत नाही ?

मात्र अनेक सदस्यं आपल्या प्रतिक्रियांत आणि स्वाक्षर्‍यांत संपादकांबाबत टिप्पणी करीत असतात, ते त्यांनी टाळावं अशी अपेक्षा आहे.

या तर साध्या गोष्टी आहेत. काहींना इतर अनेक गोष्टी महत्त्वाच्या वाटत असतील. त्यांनी त्यासंबधीच्या धाग्यावर मते मांडूनही संपादक किंवा ज्या कोणाकडे अधिकार आहेत ती व्यक्ती कृती करत नाही आणि हो/ नाही वगैरे उत्तरही देत नाही (त).

उदा. स्वसंपादन
अजिबात नसावे हे एक टोक आहे आणि सगळे अधिकार असावेत दे दुसरे टोक आहे. यासंबंधीच्या कौलात "असावे" यास बहुसंख्य मते मिळाली होती आणि चर्चेत संपादनाचा अधिकार असावा पण लेख काढून टाकायचा नको असा रास्त प्रस्ताव आला होता. यावर काहीच निर्णय कळवण्यात आला नाही आणि आत्ताच वरती चतुरंग यांनी टोमणा मारल्याचे दिसते.