गूगल ट्रेन्ड्स २०२४

अलीकडे तामीळ मंडळींना तमीळ पंतप्रधान असे स्वप्न पहाण्यास प्रोत्साहीत करण्याचा प्रयत्न असल्याचे अमीत शहांचे प्रयत्न आहेत. (डेक्कन हेराल्ड दुवा). या मुद्याकडे भाऊ तोरसेकरांनी अलिकडेच लक्ष वेधले आहे (यंदा दक्षिणेतला पंतप्रधान होईल असे अमित शहा कशाला म्हणाले ?). तोरसेकरांच्या म्हणण्यानुसार अमीत शहा मोजक्या शब्दांचे धनी आहेत आणि जुमले बाज नाहीत.

तामीळनाडूस राष्ट्र्वादी धारेत आणण्याच्या दृष्टीने भाजपीय पेटलेले असतील तर नवल नाही. के. अण्णमलई यांच्या रुपाने भाजपास स्थानिक लोकप्रीयता उपलब्ध करण्यास सक्षम एक चांगला तामीळ चेहराही मिळाला आहे. एक साधी सोपी शक्यता वाराणसी प्रमाणे नरेंद्र मोदी तामीळनाडूतून लोकसभेची निवडणूक लढवतील तरीही तामीळनाडूतून निवडून आलेला पंतप्रधान असे म्हणणे तांत्रिकदृष्ट्या सोपे असेल. मोदींचे वय सध्या ७३ आहे आणि ७५ ला राजकीय निवृत्ती किंवा पक्षाध्यक्षपद-राज्यपाल-राष्ट्रपती अशा काही जबाबदारीचा मोदी विचार करणार असतील का? आणि असे झाले तर तुम्हाला के.अण्णामलई यांच्या खरेच सधी लगेच वाढत आहेत असे वाटते का ? ओपीनीयन पोल्स मध्ये के. अण्णामलई यांची स्थिती माहित नाही पण गूगल सर्च मध्ये त्यांची आणि भाजपाची स्थिती चांगलीच सुधारत असून कदाचित अण्णाद्रमुकचा काही मतदार वर्ग फोडण्यात त्यांना यश येईल का अशी शंका वाटते. भाजपा जर तामीळनाडूस पंतप्रधानपद देण्याबाबत खरेच गंभीर असेल तर राजकीय अनुभवाच्या दृष्टीने के. अण्णामलई अगदीच नवखे ठरतात मग एखादे नाव सुटत नाहीए ना?

निर्मला सितारामनांमबद्दल तुम्हाला काय वाटते. तामीळनाडूत त्यांची स्थानिक लोकप्रीयता मर्यादीत असली तरी तामीळ चेहरा या व्याख्येस त्या पात्र ठरतात. व्यक्तीशः अर्थमंत्रीपदा पेक्षा आतरराष्ट्रीय व्यापार निगोशीएट करण्यात त्या अधिक प्रभावी राहील्या आहेत असे मला वाटते. व्यक्तिगत मत बाजूला ठेऊन त्या अंबानी, अडाणी इत्यादी पदद्यामागच्या गटासही स्विकार्य वाटल्या तर शहा म्हणतात त्या शब्दात दम खरेच असूही शकतो. ( अर्थात सद्द्य भाजपा नेतृत्व कधी नुसतीच जुमलेबाजी करतात तर कधी आश्चर्यचकीत ही करून सोडतात हे.वे.सा.न.ल.)

* तामीळनाडू गूगल ट्रेंड्स के. अण्णामलई, एम के. स्टालीन, निर्मला सिथारामन

* तामीळनाडू गूगल ट्रेन्ड राहुल गांधी, नरेन्द्र मोदी, एम. के स्टालीन

* तामीळनाडू गूगल ट्रेन्ड्स पक्ष नावानुसार हा ट्रेन्ड वेग्वेगळ्या कालावधीसाठी बदलून पाहीला तर भाजपाचा वाढता प्रभाव दिसून येतो मताच्या टक्केवरीवर प्रत्यक्ष काय परीणाम शक्य आहे हे पहाण्यासाठी या नावांचा तामीळलिपीतून गूगल ट्रेन्ड तसेच ओपीनीयन पोल्स बघावी लागतील.

ज्या ४ दिवंगत माजी मुख्यमंत्र्यांना महाराष्ट्रीयांनी गेल्या वर्षाभरात गूगलले आहे त्यात प्रथम क्रमांकावर यशवंतराव चव्हाण (गूगल शोध अंक १७), विलासराव देशमुख (गूगल शोध अंक १०), वसंतराव नाईक (गूगल शोध अंक ८), वसंतदादा पाटील (गूगल शोध अंक ३)

* गूगल ट्रेंड संदर्भ

उपरोक्त गूगल ट्रेंड शोधातून मोरारजी देसाई आणि मनोहर जोशी हि नावे वगळली आहेत, कारण मोरारजी देसाईंच्या नावाचा राजकीय प्रभाव असा महाराष्ट्रात आता नसावा, मनोहर जोशींचे अलिकडे देहावसान झाल्यामुळे गूगल ट्रेन्डमध्ये प्रभाव एवढा आला की इतर माजींची गणना गूगल ट्रेड दाखवू शकत नव्हते.

यशवंतराव चव्हाण, विलासराव देशमुख, वसंतराव नाईक, मनोहर जोशी यांचे सध्याचे राजकीय उत्तराधीकारी कोण असे तुम्हाला वाटते?

अशोक चव्हाण काँग्रेसी संस्कृतीतील असल्याने राणे-राऊत स्टाईल मास मेडीया प्रसिद्धि बातम्यात रहाणे त्यांना तेवढी साधणे अवघड जात असेल? अशोक चव्हाणांनी अलिकडेच पक्षांतर केल्याने त्यांना ३ गूगल शोध अंक मिळालेले दिसतात. आदर्श प्रकरणात राजकीय फसगत झाली नाहीतर मुख्यमंत्री असताना अशोकरावांनी पत्रकारांना आनंदीत ठेवलेले होते शिवाय महाराष्ट्राचे सांस्कृतीक धोरण बनवण्याची स्त्रॅटेजिक खेळी केली होती , २०१४च्या लोकसभेत अशोक चव्हाणांना काँग्रेसने लोकसभेतील नेता केले असते तर काँग्रेसचाही फायदा झाला असता आणि अशोकरावही आनंदात राहीले असते. पण त्यानंतर त्यांनी मौन पाळले. छ. संभाजीनगरच्या नामांतराच्या उबाठा मंत्रिमंडळाच्या निर्णयाला साथ दिल्याने त्यांना स्वतःच्या परंपरागत ओवेसीप्रेमी मतदार सोबत राहील हे साशंकीत होते या परिस्थितीत राज्यसभा व्हाया भाजपा शिवाय त्यांना मोठा पर्याय नव्हता. अशोक चव्हाणांना राज्यसभेत बोलण्याची संधी आणि मंत्रीपद मिळाले आणि संधीचे सोने केले तर राष्ट्रीय राजकारणात त्यांना स्थान अजूनही निर्माण करता येऊ शकते. पण स्थानिक मतदारांवर प्रभाव किती शिल्लक आहे ते मराठवाड्यातून अशोकराव भाजपास किती खासदार निवडणूकी निवडून आणण्यात यशस्वी होतातयावर त्यांचे प्रादेशिक राजकीय भविष्य ठरेल नसता एखाद्या राज्याचे राज्यपालपद घेऊन समाधान मानावे लागेल.

सद्य मंत्रिमंडळातील ३ हयात आजी-माजी उपमुख्यमंत्र्यामध्ये गेल्या ९० दिवसासाठीच्या शोधात छगन भूजबळ (गूगल शोध अंक ७), अजित पवार (गूगल शोध अंक १५), देवेंद्र फडविस (गूगल शोध अंक १७)

* सगळे लेख आणि प्रतिसादातून दिलेले गूगल ट्रेंड अंक ज्या दिवशी तपासून मिपावर लिहीत आहे त्या प्रमाणे ह्याच लिंक काही आठवड्यांनी / महिन्यांनी / वर्षांनी उघडल्यास त्या-त्या भविष्यकालीन तारखेचे रिझल्ट दिसण्याची शक्यता हे वे सा. न, ल.

शरद पवार - अजित पवार गेल्या ९० दिवसासाठी ट्रेंड शरद पवार नक्कीच आघाडी टिकवीन आहेत.

गेल्या ९० दिवसांसाठीच्या शोधात स्थानिक नेत्यात एक्नाथ शिंदे शरद पवारांवर केवळ २ गूगल शोध अंकानी आघाडी टिकवून आहेत. (गूगल ट्रेन्ड उबाठा, शिंदे, श.प., दे. फ., अ.प.)

राज ठाकरे गूगल शोध अंकात तुर्तास तरी बरेच पिछाडीस गेलेले दिसतात. सुप्रिया सुळे, आदित्य ठाकरे , संजय राऊत यांना पुरेसे गूगल शोध अंक मिळण्यासाठी अद्याप बरीच मेहनत करणे बाकी आहे. ज्यांना ह्या नावात रस आहे त्यांनी वेगळा शोध घेऊन पाहून घ्यावे.

* गूगल ट्रेंड तुलना भाजपा आणि काँग्रेस पक्षांची
* रागा - मोदी गूगल ट्रेंड तुलना ( भारत जोडो यात्रा सांगता समारोहाचा प्रभाव आत्ताच पाहून घ्या, नंतर लिंक उघडली तर ती नंतरच्या काळासाठी अपडेट होईल)

अलिकडे राहुल गांधींनी आपल्या राजकीय भाषणात हिंदू धर्मातील शक्तिस आव्हान देऊ केले आणि मोदींनी ते आव्हान स्विकारत असल्याचे म्हटले आहे.

गूगल ट्रेन्ड वर या आव्हानांचा काही परिणाम होतो का हे अधुन मधून अभ्यासता यावा साठी
हा गूगल ट्रेन्ड दुवा

बिहारी मतदारांमध्ये राम विलास पासवानांचे राजकीय उत्तराधिकारी श्रेयासाठी राम विलास पासवानांचे भाऊ पशुपति कुमार पारस (जे आता पर्यंत मोदी मंत्रिमंडळात होते) आणि सुपूत्र चिराग पासवान यात टक्कर असते. भाजपाने चिराग पासवानांना जवळ केले आणि पशुपतिकुमार नाराज झाले.

मी वर उल्लेख केवळ बिहार असा नाही तर बिहारी मतदार केला आहे कारण ती मंडळी भारतभर आहेत.

या दोघात गूगल ट्रेन्ड मध्ये वरचढ कोण?

बिहार सर्व नेते गूगल ट्रेन्ड हा ट्रेन्ड मागचे ५ वर्षे, १२ महिने, ९० दिवस या वेगवेगळ्या कालावधीसाठी पहा. नितीश कुमारांवर अलायन्स बदलावरुन टिका होत असली तरी गूगल ट्रेन्ड मध्ये मागच्या ९० दिवसात ते फायद्यात दिसताहेत.

अरविंद केजरीवालांची २१ मार्चला अटक झाली तर कोणत्या राज्यातील लोक त्यांना कित्पत शोधत आहेत हे पहाणे जरासे रोचक असू शकते. अरविंद केजरीवाल गूगल ट्रेड गेले सात दिवस पंजाबात अरविंद केजरीवालांच्या स्वतःपेक्षा आपच्या मुख्यमंत्री महोदयांचा स्वतःचा प्रभाव अधिक असावा. राज्यवार असे फरक असले तरी केजरीवालांना फुल न फुलाची पाकळी सिंपथी चा राजकीय फायदा होण्याची शक्यता वाटते पण काही आठवड्यानंतर गूगल ट्रेंड आणि ओपीनीयन पोल तपासणे एकुण रोचक असू शकेल,

आता पर्यंत मोदी नावावरच अधिक भिस्त असे, गेल्या ९० दिवसात भाजपा पक्ष नावाचे प्रोजेक्शन बरेच सुधारताना दिसत आहे. गेल्या आठवड्याभरात अरविंद केजरीवालांचे प्रोजेक्शनही बरेच सुधारले असावे ते येत्या आठवड्यात पुढे टिकते का हा निरीक्षणाचा विषय आहे.

टेस्ट

योगी आदित्यनाथांची गेल्या दोनचार दिवसात महाराष्ट्रात काही भाषणे झाली असावीत त्यामुळे त्यांचा महाराष्ट्रातील गूगलशोध ग्राफ शरदपवारांशी स्पर्धा देऊ शकेल. मोदींचे तेच तेच ऐकुन कंटाळलेल्या मंडळीकरीता योगी आदीत्यनाथ एक चांगला बदल वाटू शकेल का? आदित्यनाथांनी कुठे कुठे सभा घेतल्या आणि प्रभाव काय पडला याचे मतमोजणीनंतर विश्लेषण रोचक असू शकेल.

पण योगी आदित्यनाथांची गूगल शोध प्रियता महाराष्ट्रात शरद पवारांशी स्पर्धा करत असताना मागच्या आठ-दहा दिवसात उत्तर प्रदेशात अखिलेश यादवांची स्थिती बरीच सुधारून योगी आदीत्यनाथांना स्पर्धा देऊ केल्याचे दिसते आहे. अर्थात मोदी अजूनही सर्वांवर मोठी बढत टिकवून आहेत असे दिसते.

तामीळ नाडूचे तीन प्रकारचे गूगल ट्रेन्ड शोध १, २, ३, मी मागे ही वर दिले आहेत पण तेथील १९ एप्रिल च्या मतदाना नंतर कुणि पाहिले का? मोदी अणामलाई भाजपाची तामीळनाडूत गूगल ट्रेन्ड आघाडी जर मतपेटीत परिवर्तीत झाली तर डि एम के स्टालीनचा डब्बा अर्धातरी गुल होईलच आणि कदाचित महाराष्ट्रातून कमी झालेल्या जागा भाजपाला तामीळ नाडू मिळवून देईल ? ४ जूनची आवर्जून वाट पहा!

गूगल ट्रेन्ड उबाठा, शिंदे, श.प., दे. फ., अ.प. गेले तीस दिवस देफ मागे पडले आणि अप जरासे पुढे आले तरी शपंनी अपंच्या पुढे ३० अंकांनी गुगल ट्रेंड आघाडी नोंदवल्याचे दिसते. आता वरील आलेखातच देफंची जागा नमोंना देऊन पाहू नेमकी काय स्थिती दिसते ? नमोंनी गूगल ट्रेंडात तरी मोठी आघाडी घेऊन शपंच्या पुढे ५ पट तरी आघाडी घेतलेली दिसते पण मतदानाच्या तारखांच्या जवळची नेमकी स्थिती ज्यांना फेजच्या तारखा माहिती त्यांना लक्षात येऊ शकेल.

वेळे अभावी सगळ्याच लिंका देत नाही पंजाब, हरीयाणा , हिमाचल दिल्ली गूगल ट्रेंडावर तरी केजरीवाल जोरदार टक्कर देताना दिसतात पण बाकी उत्तर भारत बिहार मप्र प. बंगाल ओडीशा गूगल ट्रेंडानुसार तरी मोदींची हवा अद्याप चालू असावी.