(आणखी एक) सर्वपित्रि पेश्शल ... नरकभेट !

जर मी तुम्हाला सांगितल की "एकदा किनई आम्ही नरकात गेलो होतो" तर तुम्ही नक्कीच मला 'भूतबाधा झालेली दिसतेय हिला' किंवा 'सर्वपित्रिचा परिणाम काय हो' किंवा तत्सम काहीतरी म्हणाल. पण जरा थांबा, मी अगदी खर तेच सांगते आहे. हा बघा पुरावा ... http://www.hell2u.com/

गेले काही दिवस इथे भूतांविषयी 'चर्चा' चालू आहे ती वाचताना आठवण झाली तीन वर्षांपूर्वी जिथे भेट दिली होती अशा एका छोट्याश्या जागेची. विश्वास ठेवायला थोड कठीण वाटेल पण अमेरिकेच्या मिशिगन राज्यात एक जागा आहे जिच खरखुर नाव आहे 'हेल' ! Hell, MI 48169 हा आहे त्या जागेचा पत्ता. १८३८ साली जोर्ज रीवज अणि कुटुम्बिय इथे रहू लागले अणि १८४१ साली सरकार दप्तरी नाव देताना म्हणे जोर्ज म्हणाला "नरक म्हणा हव तर, काय फरक पडतोय" आणि अशाप्रकारे या जागेला नाव पडल 'हेल'.

इथे फार नाही ४/६ इमारती आहेत. त्यापैकी एक पोस्ट ऑफिस, एक खानपान गृह, एक चर्च आणि एक दुकान. लोक म्हणे इथे येउन स्वतःलाच एक पत्र पाठवतात, 'नरकातून' आलेल एक पत्र संग्रही असाव म्हणून :) चर्च पण ख़ास आहे, त्यावर चक्क प्रश्नचिन्ह आहे क्रोस च्या जागी ! जोडपी खास या चर्च मध्ये लग्न लावून घेतात म्हणे. दुकान तर काय बारा महीने यांचा हलोविन साजरा होत असतो.

आणि नुकतच या 'हेल'ने आपल्या शिरपेचात आणखी एक मानाचा तुरा खोवला. आपल्या नावाला साजेसा एक पराक्रम गाजवलाय. या गावाच नाव गिनीज बुकात जाणार आहे एका विशेष कारणासाठी. १८ सप्टेम्बर रोजी इथे एकाच वेळी ५१ शववाहिका (हर्स) एकत्र आल्या होत्या.

http://www.freep.com/article/20110919/NEWS06/110919072/Hearses-set-Guinn...

आता या अशा गोष्टीसाठी अशाच खास नावाची जागा पाहिजे नाही का ? हलोविन येतोच आहे तर म्हटल सर्वांना या जागेची ओळख करून द्यावी. मग, कोण कोण येणार आहे नरकात ?