(दुपारी)

पेरणा अर्थात

चाल :-
बीज अंकूरे अंकूरे (जिथे चालीत निमुट पणे बसणार नाही तिकडे दडपून कोंबा)
ही चाल जमली नाही तर "डोळे कशा साठी"च्या चालीत बसवा,
तेही नाही जमले तर "शुरा मी वंदीले"
ते ही नाही जमले तर "आज ब्लु है पानी पानी"
ते ही नाही जमले तर "अरुणी किरणी धरणी गगन झलके"
आणि ते ही नाही जमले तर नुसती वाचा.

(दुपारी)
तिच्या पायरवाची गाज,
त्याने दडपली छाती,
जैसे वीसमणी हातोड्याने
घाव घणाचे घालती,

तिच्या कपाळीची आठी
असे संशय त्याच्या पाठी,
लालबुंद डोळे जणू,
तांबड्या रश्याचीच वाटी

तिच्या पाठीचे भिंताड
थर मेदाचा तो जाड,
तिच्या भव्य कटीपुढे,
भासे गजराज रोड ..

तिच्या बाहूंचा मांडव,
साडी गलबताचे शीड,
तिची महाकाय काया
ज्याचे ओझे अवघड..

सुस्त दुपारच्या प्रहरी,
ती घोरे भयाकारी,
मन थरारे थरारे,
नाद ऐकोनी अघोरी

पैजारबुवा,