नमस्कार खवय्यानो ,
झटपट व सोपे ह्या प्रकारातले हे पराठे. लहान मुलांसाठी पण पौष्टिक.
साहित्य
तूप काढून झालयावर उरलेली बेरी, कणीक, ओवा,मीठ व पाणी
कृती
बेरी मध्ये ओवा, कणीक व मीठ घालून चांगले एकत्र करावे. त्यात लागेल तेवढे पाणी घालून कणीक भिजवावी. पुरी प्रमाणे थोडी घटटसर असावी. १५-२० मिनिटे ठेवून मग त्याचे पराठे करावे. तव्यावर चांगले भाजून घ्यावे. खमंग लसूण चटणी सोबत खावे.
ह्यात करता येण्या सारखी वेरीयेशन्स:
कणीक भिजवताना त्यात, लालतिखट किंवा हिरवी मिरची वाटून (चवीप्रमाणे) कांदा किसून मग भिजवावी व पराठे करावे.
फोटो काढलेला नसल्यामुळे इथे टाकता आला नाही. तेव्हा हा पाककृती लिहीण्याचा पहिलाच प्रयत्न गोड मानून घ्यावा.
प्रतिक्रिया
23 Sep 2009 - 11:41 am | पर्नल नेने मराठे
मी मुबैत असताना शेजारणीला बेरी आवड्त असे म्हणुन तिला देत असे. ई़कडे तुप वैग्रे नाही करत मी. आता परत गेले कि मस्त बेरिचा उपयोग करेन. सही आयदिया ;;)
चुचु
23 Sep 2009 - 11:45 am | पिवळा डांबिस
आजवर बेरीची फळं असतात हे माहिती होतं....
उदा. स्ट्रॉबेरी, रास्पबेरी, ब्ल्यूबेरी....
हे तुपावरची बेरी म्हणजे काय असतं?
23 Sep 2009 - 11:48 am | पर्नल नेने मराठे
अहो काका लोणी गॅस वर ठेवुन कढ्वले कि तुप तयार होते आणी खाली जे खरपुस ब्राउन रन्गाचे उरते ति बेरी..
चुचु