अननसाचा शिरा

Primary tabs

मृगतृष्णा's picture
मृगतृष्णा in पाककृती
18 Aug 2020 - 8:15 pm

माझी पहिलीच पाककृती लिहीत असल्याने गोडाने सुरुवात करावी म्हणलं .. आणि आमच्यासारखे गोड घाशे मंडळी असतीलच इथेही .
तर आमच्या लहानपणी लग्न सोहळ्यामध्ये 2-3 दिवसाच्या समारंभात एकदा तरी अननसाचा शिरा हा उत्तम आणि बनविताना त्याच्या घमघमाटाने कधी एकदा ताव मारतो आहे अशी इच्छा निर्माण करणारा गोडाचा पदार्थ असायचा .
अननसाचा शिरा

तर त्याची माझ्या करण्याच्या पध्दतीने कृती अशी -

पाककृती-
वेळ - 20- 25 मिनिटे
कच्चा माल -
-तूप ( घरचे साजूक तूप असल्यास उत्तम)
-जाड रवा
- साखर
- पाणी
-अननस ( छोटे छोटे तुकडे)
- ड्रायफ्रूट- आपल्या आवडीनुसार ( बदाम, काजू, बेदाणे)
- पिवळा खाण्याचा रंग
- पाईनआयपल एस्सेन्स
- मीठ

कृती -
- एका कढईत 2 मोठे चमचे तूप घ्यावे
- तूप थोडे गरम झाल्यानंतर त्यात 1 1/2 वाटी जाड रवा घालून बारीक गॅसवर एकसारखा भाजून घ्यावा
- तोपर्यंत दुसऱ्या गॅस वर 4 वाट्या पाणी गरम करत ठेवावे
- भाजलेल्या रव्याचा छान वास येऊ लागला आणि पाण्याला उकळी आल्यानंतर ते पाणी रवा भाजलेल्या कढईमध्ये सावकाश ओतावे
- यानंतर लागलीच त्यात चिमूटभर खाण्याचा पिवळा रंग , 2 थेंब पाइनआयपाल एस्सेन्स , चिमूटभर मीठ , ड्रायफ्रूटस चे तुकडे आणि साधारण 1 वाटी अननसाचे छोटे तुकडे हे सर्व जिन्नस मिसळून घ्यावे
- यानंतर 1 1/४ ( सव्वा वाटी - आवडीनुसार प्रमाण बदलू शकता) वाटी साखर मिसळून छान परतून घ्यावे आणि झाकण ठेवून 5 मिनिटे छान शिजवुन घ्यावे.
- वरून 2 चमचे तूप सोडावे.
- सुंदर पिवळा रंग, तुपाची चमक आणि चव , छान अननसाचा गंध असलेला असा अननसाचा शिरा खाण्यासाठी तयार आहे .

टिप- ही पाककृती प्रत्यक्ष अननस उपलब्ध नसेल परंतु एस्सेन्स असेल तरी करून पाहू शकतो.

नक्की ही पाककृती तयार करून पाहा . आवडल्यास किंवा न आवडल्यास नक्की कळवा.

प्रतिक्रिया

गणेशा's picture

18 Aug 2020 - 8:50 pm | गणेशा

मस्त आहे पाककृती..
शिरा आवडतो मला.. लालसर झालेला जास्त.

अननस शिरा पहिल्यांदा पाहिला.. नक्कीच करणार...

मृगतृष्णा's picture

18 Aug 2020 - 9:10 pm | मृगतृष्णा

धन्यवाद !! शिरा जरूर करून पाहा ..

पैलवान's picture

18 Aug 2020 - 9:21 pm | पैलवान

शिऱ्यात शिरा, अननसाचा शिरा.
बाहेर नक जाऊ, घरातच फिरा..
:D

मृगतृष्णा's picture

18 Aug 2020 - 9:46 pm | मृगतृष्णा

हा हा !! कोरोना काळात अगदी साजेसा उखाणा होऊ शकतो :) , धन्यवाद !!

अननस इसेन्स वापरण्याची कल्पना छान आहे.
शिरा आमच्याकडे कायम असतो.उन्हाळयात आंबे होते तेव्हा आंब्याचा शिरा खुपदा केला.एकदम भारी !!अननस इसेन्स बघते आता.

मृगतृष्णा's picture

18 Aug 2020 - 10:31 pm | मृगतृष्णा

आंब्याचा शिरा

मला हि प्रचंड आवडतो आंब्याचा शिरा ... हा घ्या माझ्या पद्धतीचा ..

पैलवान's picture

19 Aug 2020 - 6:40 am | पैलवान

आय डोन्ट सी आंबा. आय डोन्ट सी शिरा अल्सो.
आय सी ओन्ली शेगडीचा बंद नॉब !

हा हा..आय अल्सो..कोणताच शिरा नाही दिसला. :)

पैलवान's picture

21 Aug 2020 - 7:18 am | पैलवान

आय सी शिरा, आय सी आंबा अल्सो!

बट,
दिसत नव्हतं ते बरं होतं. आता आंब्याचा शिरा कसा करायचा भाद्रपदात?

सुरेख., करून पहावाच लागेल.

चौकस२१२'s picture

19 Aug 2020 - 4:20 am | चौकस२१२

पाईनआयपल एस्सेन्स !
चांगला पिकलेला अननस गोड ( तुरट) असताना इसेन्स कशाला?

गणेशा's picture

19 Aug 2020 - 11:32 am | गणेशा

आणखीन एक,
शिरा मला खुप आवडतो,

पण कधी रात्रीचे शिळे रस्स्याचे कालवण किंवा लोखंडी तव्यावर गवार किंवा इतर काही भाज्या यांचा घट्ट काळा रस्सा (तिखट) करून त्याबरोबर शिरा खातात का?

मी कायम, रस्सा आणि शिरा एकत्र खातो, खुप आवडतो..
असे कोणी खात नसेल असे वाटते मला.. कारण मी कोणालाच असा शिरा खाताना पाहिले नाही.

अवांतर:

मला वाटते मी पण आता पुन्हा किचन मध्ये प्रवेश करावा..

सुरुवात चहा पासून करावी असे वाटते.. :-))

मी कायम, रस्सा आणि शिरा एकत्र खातो, खुप आवडतो..
काहीही :)

Gk's picture

19 Aug 2020 - 5:57 pm | Gk

कांदापोहे आणि शिरा देखील मिळतो कॉलेज केंटिनात

पियुशा's picture

19 Aug 2020 - 2:48 pm | पियुशा

मला फ़ोटो नाई दिसते माझा "गणेशा "झालाय ;)

मृगतृष्णा's picture

19 Aug 2020 - 7:04 pm | मृगतृष्णा

मला फोटो दिसत आहेत , तुम्हाला का नाही दिसत आहेत ? यासाठी काय करावे ? शक्य झाल्यास कृपया सांगावे ..

फोटोंना पब्लिक अ‍ॅक्सेस दिला तर सर्व फोटो लेखात दिसायला लागतात अन वाच्कांच्या मनोकामना पूर्ण होतात!

मृगतृष्णा's picture

20 Aug 2020 - 10:07 pm | मृगतृष्णा

पुन्हा प्रयत्न केला आहे .. आता फोटो दिसत असेल अशी अपेक्षा , त्वरित सहाय्य केल्याबद्दल धन्यवाद !!

वाह .. मस्तच दिसतायत! दोन्ही अननस आणि आंबा शिरा सुंदर!!

सुमो's picture

21 Aug 2020 - 4:41 am | सुमो

अननसाचा शिरा

सुमो's picture

21 Aug 2020 - 4:44 am | सुमो

अनावधानाने प्रकाशित झाला आहे.

संपादकांना विनन्तीः कृपया काढून टाकावा. धन्यवाद.

श्वेता२४'s picture

22 Aug 2020 - 12:32 am | श्वेता२४

नक्की करुन बघणार. तुमचा मॅंगो शिरा पण चांगला जमलेला दिसतोय. शिरा आवडतो. शिर्यासोबत लिंबाचे लोणचे खायला आवडते आमच्या घरात.

मृगतृष्णा's picture

22 Aug 2020 - 8:11 pm | मृगतृष्णा

धन्यवाद , शिरा आणि लिंबाचे गोड लोणचे झक्कास कॉम्बिनेशन आहे .. अगदी आवडीचे