सायकल घेताना निवड करण्यासाठी मदत हवी आहे.

मुलाचं म्हणणं बरोबर आहे. गिअर वाली सायकल सर्व प्रकारच्या रस्त्यांसाठी उपयोगी पडते. २१ गिअर स्वतंत्र नसून ते ३ x ७ या कॉम्बिनेशन मध्ये असतात. म्हणजे पुढे ३ व मागे ७. आणि तेवढं गिअर आवश्यक आहेत जेणेकरून पाय भरून येत नाहीत. स्वस्तात एखादी मिळेल पण ती चालवायला खूप बोजड जाते आणि सायकल चालवायचा उत्साह संपून जातो.
त्यामुळे चिरंजीव ना उत्तम सायकल घेऊन द्या. किमान १००००₹ +.

मी अगदी याच परिस्थितीतून गेलो आहे २-३ वर्षांपूर्वी. मिपावरच श्री मोदक यांनी त्यावेळी चांगले मार्गदर्शन केले होते. मुलाला अखेर मॉंट्रा या नाममुद्रेची रु. १५००० ची सायकल घेतली. खूप हलकी आहे, आजिबात दमणूक होत नाही. तो अगदी खूष आहे. एकूणात निर्णयाबाबत समाधानी.

आमच्या लहानपणी बी एस ए SLR, अटलास, हर्क्युलीस (फास्टर फेणे फेम) आणि हिरो ही मुख्य आणि बहुधा इतकीच नावं होती. अगदी लहान मुलं टोबु सायकली चालवायची, पण लहान मुलांची वेगळी सायकल ही अतिश्रीमंत चैन होती (पडणारी नव्हे). आठ आणे तास भाड्याने भली मोठी काळी सायकल आणून त्यात मधल्या त्रिकोणातून एक तंगडी पलीकडे टाकून हाफ पेडल मारत मारत सायकल चालवण्याने सुरुवात व्हायची. गियरची सायकल म्हणून काहीतरी असतं एवढी फक्त ऐकीव माहिती अत्यंत उच्च सामान्यज्ञान असलेल्या पाच टक्के पोरांना होती. अशी सायकल खरंच असते की ती एक कविकल्पना आहे हे निश्चित ठाऊक नव्हतं.

आता या वरीलपैकी कोणती सायकल जीवित आहे का? मुलांना वेगळी सायकल आणि तीही खास फीचर्स असलेली इतका विचार मुलांचा त्या काळी होत असता तर आम्हीही ...

असो. गेतेदि रात्याआ.

गवि शेट, लिवा की राव कायतरी त्या निमित्ताने.
एखादा लेख पाडा की राव

मायबोली वर
सायकलविषयी सर्व काही सापडेल

https://www.choosemybicycle.com/en/bicycles/montra-downtown-2019

धाग्याचा काश्मीर केलाच आहे तर त्यात माझीही एक काडी. माझ्याकडे त्यावेळेसची अपमार्केट म्हणता येईल अशी Raleigh सायकल होती. फुल चेनकव्हर, हँडलच्या मुठींना काटेरी कव्हर आणि भारदस्त काळा रंग असं एकूण तिचे स्वरूप होते. निकेलच्या कोटिंगचा दर्जा हा सर्वसाधारण सायकलपेक्षा जास्त चांगला, ब्रेक्सचे बुश असलेले फोर्क्स हे Raleigh आणि हंबर या सायकलींचे वैशिष्ट्यपूर्ण असत.

अशा या सायकलींची मी देखील मनापासून देखभाल करीत असे. अगदी फक्त पेट्रोल पंपावरच मिळणारे ऑटोपॉलिश वापरून आणि जुन्या बनियांच्या मऊसर फडक्याने अगदी घासूनपुसून मी तिची चमक वाढवीत असे. मागच्या आणि पुढच्या चाकांच्या रिम्स चमकवणे, स्पोक्स चमकवणे, पेडलच्या ऍक्सिसभोवती कुठून कसे पण केस अडकायचे ते काळजीपूर्वक साफ करणे अशी कामं मी बऱ्यापैकी नियमित करीत असे. हि सायकल नंतर मी पुण्यात घेऊन आलो आणि तिथेदेखील बरीच वापरली. नोकरी लागल्यानंतर मोपेड घेतली आणि या सायकलची संगत सुटली. नंतर ती गावी कुणीतरी नेली आणि तिथून भंगारात गेली.

सुलोचन वरून आठवले कि ते ईथरबेस्ड असायचे त्यामुळे त्याला थोडा चांगला म्हणता येईल असा वास असायचा. पंक्चर काढताना आजकाल हिटर असलेला प्रेस असतो तसा नसायचा. त्यामुळे दुकानातला मेकॅनिक पॅच लावल्यानंतर थोडं सुलोचन अजून लावून तेव्हडा भाग चक्क पेटवून द्यायचा. यात ती ट्यूब थोडीशी हुळहुळी होऊन पुढच्या पंक्चरची बेगमी होत असे.

रिक्षा सजवणारे जसे हौशी असतात तसे हौशी सायकलच्या बाबतीतही होते. दोन्ही ऍक्सलना ब्रशचे गोंडे लावणं, हॅण्डलला आरसा लावणं, मागच्या मडगार्डवर काही संदेश लिहिणं वगैरे प्रकार दिसत असत.

सायकलला दिवा असणं हा नियम होता आणि मामा मंडळी कधी कधी त्यावरून सावजांची धरपकड करायचे. हा दिवा म्हणजे टांग्यांना असणाऱ्या दिव्याचा लहानसा अवतार. पुढे दोन सेल्सवर चालणारे दिवे किंवा डायनॅमो आले. परंतु हेल्मेट वापरणारे जसे पापभिरू समजले जात तोच प्रकार व्यवस्थित दिवा लावणाऱ्या लोकांच्या बाबतीत होत असे.

Schnell, Phantom, Hero हे उत्तम ब्रँड्स आहेत.

मला गिअर्स नसलेली साधी सायकल हवी आहे. सकाळी १०-१५ मि. व्यायाम म्हणून चालवणे एवढाच वापर होईल.दुकानात खरेदीला पटकन जाता येईल. स्त्री पुरुष दोघांनाही वापरता येईल अशी. अगदी सेकंडहॅन्डही चालेल.
अशा सायकली मिळतात ना अजून ?

Decathlon वर बघा. काही चांगल्या सायकल्स आहेत
https://www.decathlon.in/p/8359144_btwin-rockrider-340-grey-yellow-mtb-c...

चांगली सायकल असेल तरच चालवायचा उत्साह टिकतो आणि सायकल चालवणे सुरु राहते. चांगली म्हणजे किती चांगली.
माझ्या मते एक चांगली अल्युमिनियम फ्रेम असलेली हायब्रीड सायकल घ्यावी. MTB जड असते त्यामुळे ती घेणे टाळावे. शॉक अॅबझॉर्वर असलेली सायकल जमत असेल तर टाळावी. सायकलचे वजन कमी होते. पुढे एक वेळ चालेल मागे तर नकोच.
१५००० बजेटमधे माँट्रा, फायरफॉक्स, बिटविन या कंपन्यांच्या सायकली येतील. माझ्या एका मित्राने जावा रोड बाईक घेतली २५००० मधे मस्त चालू आहे. त्यांची हायब्रिड असेल
दुसरा चांगला उपाय म्हणजे चांगल्या कंपनीची जुनी सायकल घेणे. बऱ्याचदा मंडळी हायब्रीडवरुन रोड बाईक कडे वळतात अशा वेळेला मेरीडा, स्पेशलाइज्ड, जायंट, ट्रेक, शुविन, स्कॉट, फेल्ट या कंपन्यांची हायब्रीड १५००० च्या आत जुनी सायकल म्हणून मिळून जाईल. सायकलला फार काही होत नाही मस्त असते तीन चार वर्षानंतरही.

हे 21 (7X3) gears चं कॉम्बिनेशन कसं वापरावं कोणी सांगू शकेल का ?

बाब्बो, ह्या लिंका आणि किमती बघितल्या.

ह्या किमतीत माझी पहिली मोटारसायकल आली होती ते आठवले. :)