सकारात्मक कटाक्ष - १ (हेल्मेटसक्ती)

गाभा : विचारांचं सामर्थ्य फार मोठं असतं. असं म्हटलं जातं की, विचारांनीच माणूस घडतो.
सकारात्मक विचार करणाऱ्यांची प्रगती लवकर होताना दिसते.
त्याउलट नकारात्मक विचार करणाऱ्यांना खूप अडचणींना सामोरं जावं लागतं.
मनात येणाऱ्या विचारालाच नकारात्मक विचारांचे मळभ लाभले की कार्यसिद्धीला ग्रहण लागलंच म्हणून समजा.
जर आपण परिस्थितीच्या अवगुणांकडे न पाहता गुणांकडेच पाहले, तर आपण त्या परिस्थितीत आनंदी राहू शकतो.
----------------------------------------------------------------------------------------------------------------------------

हेल्मेटसक्तीकडे जर मी सकारात्मकपणे पाहिले तर खालील फायदे माझ्या मनात येतात. तुम्हालाही काही फायदे अढळलयास प्रतिक्रियेत आवर्जून द्यावेत.

१. हेल्मेटचा वापर मी, गाडी पार्क केल्यावर किरकोळ खरेदीकरता, एखाद्या परडीसारखा करतो, १ डझन केळी सहज मावतात, खरेदी झाल्यावर गाडीपाशी गेल्यावर केळी डिकीत ठेवायची.

२. मोबाईल ब्लूटूथ चा वायफळ खर्च वाचावा, हेल्मेट घातलेले असताना कोपच्यात, कानापाशी मोबाईल घुसडा, आणि मस्त राईड करत करत मोबाईल संभाषण चालू ठेवा.

३. तुम्ही साखळी चोर असाल तर, सीसीटीव्ही च्या कक्षे बाहेरील स्पॉट हेरण्यात वेळ वाया घालवू नका, तर सरळ टिंटेड हेल्मेट वापरा