मी आज केलेला व्यायाम - फेब्रुवारी २०१७ - सायकलिंग / रनिंग चॅलेंज

मोदक भाऊंनी लिहिल्याप्रमाणे बरेच दिवस ग्रुप फक्त राइड अपडेट किवा सायकल विषयी माहितीची देवाणघेवाण करण्यासाठीच हलत होता. पण ग्रुपच्या एकुलत्या एका डॉक्टरांनी (डॉ श्रीहास) ही आयडीयाची कल्पना काढली आणि ग्रुप एकदम जागा झाला! डॉ (तेच औ.बाद वरुन पुण्याला सायकल चालवत येणारे), मोदकभाऊ (ग्लोब ट्रॉटर) , पाध्ये (उत्साहाचा मुर्तिमंत झरा! ), मानसराव (बगेर गिअर सायकल किंग) आणि बाकी मेम्बेर्स मिळुन लगेच दोनच दिवसात कल्पनेचा प्रवास अस्तिवापर्यंत आला!

एकमेकांना प्रोत्साहन देत प्रसंगी (प्रेमाने) दम देत चॅलेंज पुर्ण करण्याकडे टिम्सची वाटचाल सुरु झाली. काही टिम्सचे चॅलेंज पुर्ण झाले काहींचे एक दोन दिवसात होइल. ज्यांचे चॅलेंज पुर्ण झाले ते नविन चॅलेंज घ्यायला तयार पण झालेत !

हे सगळे बघता ह्या सगळ्या उपक्रमाचा मुख्य ऊद्देश जो लोकांना व्यायाम करण्यासाठी उद्युक्त करणे होता तो नक्कीच साध्य झाला आहे !

परत एकदा सर्व सास्वांचे (सायकल स्वारांचे :-) ) हार्दिक अभिनंदन !!!

देश

३५० किमी होतील ... पण ७ दिवस रोजचे ५० म्हणजे सहज करण्यासारखं वाटत नव्हतं... ४थ्या आणि ५व्या दिवशी थकवा कमी पण कंटाळा त्रास देऊ लागला.... हे अपेक्षित होत पण आपणंच चॅलेंज दिलं आणि बाहेर पडणं हे बरं नव्हतं.... शिवाय रोजची कामं होतीच दिवस लांबवायला...जोर लावला ; एक १०० किमी ची पण राईड मारली... सोबतचे नियमीत सायकलींग करणारे कारणं देऊन गायब होत गेले ....
विलपावर का काय आणली ब्वा अन् ४३० किमी पेक्षा जास्त सायकलींग झालं ७ दिवसात...
फार काही तीर मारला नाही कारण जोरदार सायकलींग करणारे लोक माहीती आहेत ना !!

फॅन्टास्टीक फिलींग होतं....

हा ५० X७ चा प्रयोग ३-४ वेळा करायचा आहे .... मिपा परिवार व सायकल गृप च्या शुभेच्छा लागणार आहेत बरं का !!

श्री

आम्ही अजून धावपट्टीवरच आहोत राव, आमचं काय?

अरे.. काय माणसं आहात की कोण आहात!!!!

बरं आता हे सांगा की आमच्यासारखे लोक्स काय करु शकतील? जिम आहे उपलब्ध. तर आम्ही ट्रेडमिल वगैरे वापरुन सहभाग घेऊ शकतो का? आम्ही जिमवाल्यांचा ग्रुप बनवु शकु.. काहीच न करण्यापेक्षा हे चांगलंय ना.

जिमवाल्यांचा ग्रुप बनणार असेल तर कोण कोण यायला तयार आहे?

अवांतर :- ह्या उपक्रमाचे एक नाव ठेवुन, लोगो बनवुन तो मिपावर सतत दिसेल असा टाकला पाहिजे. मिपा दशकपुर्तीलाच सुरु झालेल्या ह्या उपक्रमाला, प्रॉपर मार्केटींग करुन वाढवायला हवं. आंतरजालावर असा उपक्रम पहाण्यात नाही.

इथे उत्साहाची, प्रोत्साहनाची कारंजी उडताहेत.

धन्यु रे मोदका. तुझ्यावर रवाळ साजुक तूप पडो.

कळविण्यास अत्यंत आनंद होतो की आमचे सवंगडी सागर आणि नकुल यांचेबरोबर सल्लामसलत करून आम्ही तिघांनीं उद्यापासून ५०x७ सायकलिंगचे आव्हान समर्थपणे पेलण्याचे योजिले आहे. टोळीचे नाव असेल The Cyclomaniacs.

आनंदरावांचे आशिर्वाद आणि रेंजरची प्रेरणा आहेच....तुमची सर्वांची किरपा असुद्या...

जय हिंद
जय महाराष्ट्र

आम्ही आपला एक ओपन ग्रुप स्थापन करत आहोत. तुम्हा लोकांपुढे लिंबु टिंबु आहे. पण आमचाही खारीचा वाटा. ज्यांना जॉईन व्हायचंय त्यांनी व्हा. व्यनि साखळी करु हवं तर. हा फक्त मुलींचा ग्रुप नाही. ज्यांना अगदी थोडंफारही करायचं असेल त्यांनी सामील व्हा. नुसतंच विचार करत बसण्यापेक्षा २ सुर्यनमस्कार तरी घाला.

ग्रुपचं वैशिष्ट्य असंय की सगळ्यांचं टारगेट सारखं नाही.

कारण सध्या ज्या मुली हे करत आहोत, त्या सगळ्या वेगवेगळ्या रुटीनमध्ये अडकलेल्या आहेत. लहान मुल घेऊन काहींना सध्या थोडं अवघड आहे. सगळ्यांनाच ५ किमी पळणे वगैरे होणार नाही. पण ज्याला जे जमेल ते टारगेट घ्यायचं आणि सलग ७ दिवस ते पुर्ण करायचं इतकंच ठरवलं आहे. हे जमलं तर अजुन पुढच्या वेळेस थोडं अवघड ध्येय घेऊ.

१. मी आणि स्रुजा - जिम मध्ये ५ किमी
२. सामान्य वाचक - ५ किमी पळणे
३. विशाखा राऊत - ५ सुर्यनमस्कार
४. सविता ००१ - चालणे / सुर्यनमस्कार

हे सध्या बोलणं चालु आहे. टारगेट्स पक्की करतो. साधारण ह्या शनिवारी सुरु करु.

२९ जानेवारीला पुणे मॅरेथॉन होती. २१ किमी हाफ मॅरेथॉन २ तास ५१ मिनिटात कशीबशी फाफलत पूर्ण केली.
आता एप्रिल मधे २०० ची बीआरएम करणार.

मस्त चॅलेंज ...
माझे फेब्रुवारी महिन्याचे टार्गेट :

रोज ५ किमी रनिंग + सायकल (एक आड एक दिवस )

म्हणजेच
दर आठवड्याला १५ किमी रनिंग + १५ किमी सायकल

माझा घोटा पुन्हा स्प्रेन झालाय. आता खुर्चीत पाय वर घेऊन बसलेय मिपावर कीबोर्ड चालवत.

रविवारः ५ मैल
सोमवारः (कन्हत-कुथत) ४ मैल
मंगळवारः ४.६ मैल
बुधवारः ४.७५ मैल
गुरूवारः ५ मैल

आज विश्रांती घेण्याचा विचार आहे. येथून प्रेरीत होऊन कदाचित एप्रिल-मे महिन्यात अर्धी मॅरॅथॉन पळावी असा विचार भीत भीत करत आहे.

आज लोड रनर्सचं चॅलेंज आज पूर्णत्वास आलं. मोदक, प्रसाद दाते आणि मी स्वीकारलेलं प्रतिदिन १० किमी धावण्याचं आव्हान मोदकाच्या व्यस्त वेळापत्रकामुळे तिसऱ्या दिवशीच नव्याने मी आणि प्रसाद दातेंनी मिळून सुरु केलं. मोदकाच्या प्रोत्साहनामुळे आम्हालाही खास हुरूप आला आणि आम्ही दोघांनीच आज हे आम्हां पूर्ण केलं.
सोबत स्टॅट्स जोडत आहे.

प्रेरणादाई उपक्रम ..
मोदक .. डॉक्टर .. या सर्वांचे उपडते पाहून स्फुरण चढते ...

या आठवड्यातला केलेला व्यायाम :

सोमवार : ४.५ किमी रनिंग (३० मिनिटे)
मंगळवार : ५ किमी रनिंग (३४ मिनिटे)
बुधवार : सायकल ६ किमी
गुरुवार : ५ किमी रनिंग (३४ मिनिटे)
शुक्रवार : सायकल ६ किमी
शनिवार : आजचा प्लॅन : हनुमान टेकडीवर पाळणे : कांचनगल्ली पासून टेकडी चढणे ----ARAI --- वेताळ टेकडी ---- चतुश्रुंगी --- पाषाण आणि परत ... अंदाजे अंतर ८ किमी (प्रत्यक्षात किती होते ते रात्री लिहीनच )

८.५ किमी ट्रेडमिल वर चालणं आणि ६१५ किमी सायकलींग असं चांगलासा व्यायाम केला .... फेब्रुवारीची सुरवात ५० किमी सायकलींगनी केली आहे, ३ दिवस गॅप पडलाय पण ... व्यायाम परत सुरू होईल....

ह्या धाग्यातून उद्युक्त झालेल्या प्रत्येकाला खूप शुभेच्छा _/\_

मोदक भाऊंनी लिहिल्याप्रमाणे बरेच दिवस सायकल सायकल ग्रुप वर फक्त राइड अपडेट किवा सायकल विषयी माहितीची देवाणघेवाण करण्यासाठीच जिवंत होता. आज माझी इतकी राईड झाली, आम्ही इकडे गेलो, तिकडे गेलो, खादाडी झाली इ. इ.
या ग्रुपच्या डॉ़क साहेबांनी (डॉ श्रीहास) एक ७ दिवसाच्या नवीन चैलेंजची कल्पना काढली आणि ग्रुप मध्ये एकदम चैतन्य निर्माण झाले.
डॉक्टर श्रीहास आणि बाकी टीमने भरपूर चर्चा करून पुढील नियम तयार केले.
प्रत्येकाने लगेच आपल्या टीम साठी सदस्यांची शोधाशोध सुरू केली. मी, मा. श्री. योगेश साळुंके (बाबा योगीरा़ज) आणि मा. श्री. मानसरावजी चंद्रात्रे लातूरकर यांची एक टीम तयार झाली. नामकरण झाले --- टीम त्रिदेव
कशी सायकल चालवायची हे ठरले आणि दि. २७ जानेवारी पासून सुरू झाला मग आपापल्या सायकलचा प्रवास, चाके गरागरा फिरू लागली. आकडे वाढायला लागले. एकमेकांना प्रोत्साहन देत चॅलेंज पुर्ण करण्याकडे टिम्सची वाटचाल सुरु झाली.
पहिला दिवस, दुसरा दिवस ...... होता होता मग आला २ फेब्रुवारी ..... शेवटचा दिवस.
आमच्या त्रिदेव टीम चे एकून सायकलींग झाले ८७९.५ किमी.
सविस्तर वृत्तांत मा. श्री. योगेशभाउ देणार आहेत.
चैलेंज सुरूवात केली आणि पहिल्याच दिवशी मा. योगेश भाउंच्या सायकलची ट्यूब खराब झाली, त्यांचा मूड गेला, त्या दिवशी त्यांची सयकलींग कमी झाली. आमचे योगेशभाउ नाराज झाले. दुस-या दिवसापासून मा. योगेश भाउंनी चागंलीच आघाडी घेतली. सोमवारी दि. ३० तारखेला तर योगेश भाऊंनी दणदणीत १२८ किमी सायकलींग केली. आम्ही दोघे एकदम गार. एका दिवसात १२८ किमी ?? बापरे !!! काय हे !!
मा. मानसरावजी चंद्रात्रे लातूरकरांचे तर काय विचारता ? बिगर गिअर सायकल ने हा माणूस दररोज टळटळीत उन्हातान्हाचे कमीत कमी ५० किमी सायकल चालवत होता. काय बोलावे. यांची सायकल एकदा निघाली की ५० किमी शिवाय थांबतच नव्हती. मा. श्री. चंद्रात्रे लातूरकरांनी दररोज ५० किमी च्या वर सायकल चालवली आणि चैलेंज पूर्ण केले. इनको तो मानना पडेगा !!
एक चैलेंज पूर्ण झाले. मनाला समाधान लाभले. किती झाले यापेक्षा आपण हे करू शकतो याचा आत्मविश्वास आला.
खरे तर पहिल्यांदा चैलेंज मध्ये भाग घ्यायचा विचार केला तेव्हा असे वाट्ले की आपल्याला हे जमेल का ? नोकरी, प्रापंचिक जबाबदारी संभाळून हे जमू शकेल का असे ही मनात येउन गेले. पण मला आमच्या दोन्ही जोडीदारांनी प्रोस्ताहन देउन सहकार्य केले. तुम्हाला जमेल तेवढी सायकल चालवा, कमीत कमी ५ किमी दररोज चालवा असे सांगितले.
आज, मा. श्री. योगेश सांळुके आणि मा. श्री. मानसरावजी चंद्रात्रे लातूरकर या दोन्ही जोडीदारांमुळे मी हे साध्य करू शकलो त्याबद्दल या दोघांना मनापासून प्रणाम. या दोघांचा मी शत:श आभारी आहे.
आमच्या या चैलेंजच्या उपक्रमामध्ये सायकल सायकल समूहाच्या सर्व सदस्यांचे म्हणजे इतर सर्व सायकल स्वारांचे अतिशय प्रोत्साहन मिळाले, जोरदार पाठिंबा मिळाला. त्याबद्दल सर्वांचे मनापासून आभार.
विशेषता डोक्टर श्रीहास, मोदक भाउ, सरपंच, अक्षयमामा देशपांडे, पाध्ये केडी, सागर पाध्ये, बाबा योगिराज, मानसभाउ, यांचे विशेष आभार. अभिजित बुचडे, प्रतिक पाटील, वॉडरींग व्ह्यूफाईंडर, प्रसाद दाते, किरण कुमार, नकुल, इ. इ. मित्रांचे मनापासून आभार (चूकुन कोणी राहीले असल्यास क्षमस्व)
Team Load Runners and Team The Cyclomaniacs यांना पुढील वाटचालीस शुभेच्छा ..........
अजून समूहावर चैलेंजेस चालू आहे. चैलेंज घेतलेल्या सर्व सदस्यांना शुभेच्छा

मिपावर ब-याच जणांनी / जणींनी वेगवेगळे नवीन चैलेंज स्वीकारले आहे त्या सर्वांना शुभेच्छा ...

हे सगळे बघता ह्या सगळ्या उपक्रमाचा मुख्य ऊद्देश जो लोकांना व्यायाम करण्यासाठी उद्युक्त करणे होता तो नक्कीच साध्य झाला आहे !

परत एकदा सर्व सायकल स्वारांचे हार्दिक अभिनंदन !!!

सायकल सायकल समुहावर काही दिवसांपुर्वी आव्हानांची संकल्पना मांडण्यात आली. त्यानुसार आम्ही म्हणजेच मिपाकर नितीन पाठक - रणगाडा चालक मालक 1982 ची हर्क्युलस सायकल, बाबा योगीराज व बगरघेर म्हणजेच बिना गिअर सायकलवाले मानस चंद्रात्रे असा "टीम त्रिदेव" हा संघ बनवला व 50×7 हे सांघीक आव्हान घेतले. 27 जानेवारी ते 2 फेब्रुवारी या काळात "टीम त्रिदेव"ने आपले सांघीक आव्हान, 50×7, पुर्ण केले. संघाच्या सात दिवसांच्या कामगिरीचा हा लेखाजोखा -

दिवस पहिला -
मानस चंद्रात्रे - 49.3
नितीन पाठक - 34.8
बाबा योगीराज - 7.9
पहिली टोटल = 92 किमी

दिवस दुसरा -
नितिन पाठक - 42.6
बाबा योगीराज - 52.8
मानस चंद्रात्रे - 51.9
दुसरी टोटल - 147.3 किमी

दिवस तिसरा
नितीन पाठक - 62.5
बाबा योगीराज - 38.5
मानस चंद्रात्रे - 43.6
तिसऱ्या दिवसाची टोटल -144.6

दणदणीत चौथा दिवस-
नितीन पाठक - 33.8
बाबा योगीराज- 128.4
मानस चंद्रात्रे - 10.6
चौथ्या दिवसाची टोटल - 172.8

दिवस पाचवा
नितीन पाठक - 44.5
बाबा योगीराज - 11.9
मानस चंद्रात्रे - 50.5
पाचव्या दिवसाची टोटल - 106.9

दिवस सहावा
नितीन पाठक - 32.4
बाबा योगीराज - 11.1
मानस चंद्रात्रे - 50.7
सहाव्या दिवसाची टोटल - 94.2

दिवस सातवा
नितीन पाठक - 42
बाबा योगीराज - 24.5
मानस चंद्रात्रे - 55.2
सातव्या दिवसाची टोटल - 121.7

Grand Total = 879.5 किमी

वैयक्तीक कामगिरी -

नितिन पाठक - 292.6 किमी
बाबा योगीराज - 275.1 किमी
मानस चंद्रात्रे - 311.8 किमी

मानस भौ, पाठक काका पहिल ५०X७ च ध्येय तर यशश्विरित्या पूर्ण झालय. ह्या वेळेस ८८० किमी पुर्ण झालेत, पुढिल वेळी कमीत कमी १००० किमी पुर्ण करु.

सायकल भागाओ संघट्नेचे सदस्य
बाबा योगिराज

१००० किमी फेब्रुवारी महिन्यात सायकलींग. प्रयत्नच आहे. कठीण आहे. पाचशेच्या वर गाडी गेली नाही कधी.

चार दिवसात ६५ किमीच झाले
३ फेब्रु - २५ किमी
४ फेब्रु - ४० किमी

तोंडात बोटे घालण्यात आलेली आहेत! सादर दण्डवत स्वीकारावा मंडळी!

:-(

खंड पडला राव.

अपराधी भावना. सगळे जबरदस्त व्यायाम करताहेत आणि आम्ही पायाची इंज्युरी या निमित्ताने सुरु झालेला खंड वाढवत चाललोय. फक्त अधेमधे ३-४ दिवसांनी चालतोय.

:-(

सायकल ग्रुपवर जेव्हा चॅलेंजेस , टीम्सची चर्चा सुरु होती तेव्हा आपणही एका टीममधून सायकलिंचे आव्हान घ्यावे असं वाटत होतं पण फिरतीची नोकरी असल्याने कितपत जमेल हि शंका होती .मोदकाने रनिंगची आयडिया देऊन आमची टीम बनवली सुध्दा .

मग पळणं चालु झालं , पहिल्या दोन दिवसात जरा दमायला झालं. २७ जानेवारीला मोदकाने त्याला कामामुळे /प्रवासामुळे रनींग जमणार नसल्याचं शुभवर्तमान दिलं, आणि आम्ही दोघांनी ( इरसाल कार्ट आणि मी ) हे चॅलेंज पुर्ण करायचं ठरवलं . त्यातसुद्धा मला एक दिवस बाहेरगावी जायला लागलं पण मी काम संपल्यावर तिथे त्या दिवसाचं रनींग पुर्ण केलं .

अशा रीतीने आम्ही हे चॅलेंज २+७ दिवसात पूर्ण केलं .

९ दिवस सातत्यानी धावून माझा पाळायचा वेग जाणवण्याइतपत वाढला.

स्पेशल थँक्स टू इरसाल कार्ट आणि मोदक

माझ्या मते सायकल चालवण्यासाठी स्ट्रेन्थ ट्रेनिंग सुद्धा आवश्यक आहे.
मी एप्रिल महिन्यातल्या बीआरएम साठी तयारी करत आहे.
माझे चॅलेंज मी येथे नोंदवतो. माझ्या संघात मी एकटाच असेन.
७ दिवसात २ वेळा सायकलिंग.
पैकी एकदा १ तासात २५ किमी. (यामधे डांगे चौक, काळेवाडी येथील २ फ्लाय ओव्हर्स २ वेळा चढणे उतरणे असेल.)
दुसर्‍यांदा २ तासात ४५ किमी. (हा कमी-अधिक चढणीचा रस्ता असेल. बहुधा वाकड ते तळेगाव आणि परत).
बाकीचे दिवस स्ट्रेन्थ ट्रेनिंगचे असतील. ते येथे नोंदवत नाही.
नेक्स्ट अपडेट पुढच्या सोमवारी देईन.

आमचं सुद्धा ठरवल्याप्रमाणे चालु आहे. तुमचे सायकलिंग आणि रनिंगचे आकडे पाहुन स्फुरण चढतं पण स्वतः पळायला लागलं की पार जीव घशात येतोय. चालणं मात्र जोरात चालु आहे. पळण्याची तयारी करणार रोज थोडी थोडी.

सविता, स्रुजा, सामान्य वाचक जोरात धावपळ करत आहेत. इशा, विश आणि स्वाती सुर्यनमस्कार घालत आहेत. सगळं काही ऑन ट्रॅ़क!

गेल्या शानिवारी ३०० किमी ची सायकलींगची BRM पुर्ण केली !

सकाळी ६.०० ते रात्री ९:२० ..फक्त आणि फक्त सायकलींग :-)

देश

मागच्या वर्षी डिसेम्बर पासून नियमित सायकलिंग चालू केले. सुरुवातीला १९९९ साली घेतलेला रणगाडा चालवून बघितला. २ महिने सातत्य टिकल्यावर नवीन सायकल घेऊनच टाकली. सुरुवातीला नव्याचे नऊ दिवस जोरदार राईड्स झाल्या. २-३ attempt करून शंभरी पण गाठून झाली. त्यानंतर (आणि आधी सुद्धा) आठवड्यातून दोनएक दिवस कंपनीत सायकल नेणं सुरु झालं. नियमितता असली तरी अगदी न चुकता रोज सायकल काढणं म्हणजे आव्हानच वाटत होत. काल सायकल चालवली म्हणजे काही मोठा तीर मारला अशा आवेशात दुसऱ्या दिवशी आरामच व्ह्यायचा. मनातून वाटत राहायचे कि रोज सायकल चालवायला हवी पण पुश मिळत नव्हता.

दरम्यान डॉ श्रीहास यांनी चॅलेंजची आयडियाची कल्पना मांडली आणि ग्रुपवर निस्ता धुमाकूळ चालू झाला. कामात गर्क असल्याकारणाने हा धुमाकूळ मिस झाला पण त्या संध्याकाळीच sagarpdy भाऊंचा "आपण टीम बनवायची का?" असा मेसेज आला. त्या आधी सागरशीच सिंहगड सर करण्याबद्दल बोलणे झाले होते त्यामुळे त्या संदर्भात काही असेल असे वाटून मी हो म्हंटले (और तीर कमान से छूट गया!). रात्री सगळे मेसेज वाचल्यावर कळले हे काहीतरी वेगळेच गौडबंगाल आहे. सागर ५० x ७ चा चॅलेंज उचलण्याबद्दल बोलत होता. तरी टीम मध्ये मिळून ५० करायचे असल्याने फार ताण येणार नव्हता म्हणून मीही लावून धरले. पण न चुकता रोज किमान ५ किमी तरी करावेच लागणार होते. म्हंटल होऊन जाऊद्या. आम्ही तिसरा गाडी शोधायचे ठरवले आणि नकुल तयार झाला.
ठरल्या दिवशी (२ फेब्रुवारी) चॅलेंज सुरु झाला आणि ओघाओघाने रोज सायकलिंग सुरु झालं. वर्किंग-डे ला कंपनीत सायकल न्यायची आणि सुटीच्या दिवशी साधारण ३० किमी मारायचे असा प्रवास चालू होता. पण...........
sagarpdy च्या मनात काहीतरी वेगळेच शिजत होते. या पट्ठ्याने या चॅलेंजबरोबरच मासिक ५ घाटांचा वैयक्तिक चॅलेंजसुद्धा उचलला आणि पहिल्याच दिवशी पाबे (प्रचंड थकवणारा) आणि कादवे असे २ घाट सर केले. दरम्यान आमचा तिघांचा कायप्पा ग्रुप तयार झाला होता. त्यात सागरने दुसऱ्या दिवशी दिवे घाट मारण्याची मनीषा बोलून दाखवली (च्यायला मी मागच्यावेळेस पाबे मारला होता तर एक आठवडा विश्रांती घेतली होती. याने दोन अवघड घाट मारलेत आणि लगेच ३र्याची तयारी थक्क करणारी होती). नकुलला काही कारणामुळे जॉईन होणे शक्य नसल्यामुळे आम्ही हा घाट सर करण्याबाबत चर्चा चालू झाली. पण त्या दिवशी सकाळी ११ ला मला एक महत्वाचे काम असल्याकारणाने मी काढता पाय घेतला. तरी एखादा न चढवलेला घाट चढण्याची इच्छा स्वस्थ बसू देत नव्हती. सकाळी उशिरा उठलो होतो पण (जुना) कात्रज घाट आवाक्यात असल्याचे लक्षात आल्यावर अजिबात वेळ न दवडता सायकल घेतली आणि निघालो आणि बघता बघता घाट पूर्ण केला. घरी आल्यावर समजले योगायोगाने सागरनेही दिवे घाट संपवून जुना कात्रज घाटही सर केला होता (बापरे...दोन दिवसात ४ घाट...अबब!!!).
पुढच्याही दिवशी सुट्टी होती. कायप्पा ग्रुपवर सागरने बोपदेव घाटाचा बेत ठरवला होता. पण आजच कात्रज घाट केला होता आणि उद्या लगेच घाट? पण परत म्हंटल होऊन जाऊदे एकदाचं. शिवाय सागर बरोबर असणारच होता, त्याच्याकडूनच प्रेरणा घाऊ. शेवटी १ वर्ष पेंडिंग असलेला बोपदेव घाट पार पडलाच.

यातून काही महत्वाच्या गोष्टी शिकलो.
१. Physical stress येणे साहजिक आहे पण तो जाणवणे आधी मेंदूत सुरु होते. तुम्ही स्वतःला पुश केलेत तर शरीर सुद्धा साथ देते. फक्त निश्चय पक्का पाहिजे.
२. रेगुलर व्यायाम करणे फार कष्टप्रद असते असे आजपर्यंत समजत होतो तो एक "भ्रम" होता हे क्लिअर झाले.
३. आपल्या आजूबाजूला खूप "प्रेरणा" असतात. आपण त्यांना ओळखलं पाहिजे.
४. सर्वात महत्वाचे म्हणजे "क्रियेवीण वाचाळता व्यर्थ आहे!" हे प्रकर्षाने जाणवले.

असो....असे चॅलेंजेस सुरु राहणार. तूर्तास चालू चॅलेंज पूर्णत्वास नेण्यास अग्रक्रम.

मोदका, माझेही १.५-२ कि.मी चालणे धरणार का तुमच्या टिम मधे ? तेवढाच आपला खारीचा वाटा... बाकी आपल रक्त "अति गोड" असल्याने फार काही जमेल अस वाटत नाही...