रव्याची कचोरी

साहित्य :
सारणासाठी :- बटाटे उकडलेले २
मटार ,गाजर,लाल,हिरवी व पिवळी ढब्बु मिरची,गाजर,कांदा प्रत्येकी :एक छोटी वाटी
आले :अर्धा चमचा
मिरच्या :आवडीप्रमाणे बारीक तुकडे
चाट मसाला :अर्धा चमचा
धणे पुड ,गरम मसाला:अर्धा चमचा
कोथिंबीर व लिंबुरस
जिरे,मीठ,तेल.

आवरणासाठी साहित्य :बारिक रवा :एक वाटी
पाणी :दोन वाट्या
ओवा :२ चिमूटभर

कृती :प्रथम कढईत तेल तापवून जिरे हळदीची फोडणी करावी.मिरचिचे तुकडे व आले घालावे.त्यात कांदा गुलाबी परतून घ्यावा.कांदा परतून झाल्यावर त्यातच वाफवलेले मटार,ढब्बु मिरच्या,वाफवलेले मटार, गाजर घालून परतावे.त्यात चाटमसाला,धने पावडर,तिखट (हे मि मिरचि कमि वाटल्याने ऐनवेळी टाकले)आणि मीठ घातले.
त्यातच उकडलेला बटाटा कुस्करून टाकला.आता परत सगळे एकत्र करुन परतले. शेवटी कोथिंबीर व लिंबू पिळून एकत्र केले.हे सारण गार होण्यास ठेवावे.

आता आवरणासाठि दोन वाट्या पाणी उकळत ठेवावे.त्यात उकळी आल्यावर एक वाटि रवा आणि ओवा घालावे.छान एकत्र करुन वाफ आणावी व गार होण्यास ठेऊन द्यावे.गार झाल्यावर जरा मळून त्याचे गोल करावेत.

आता हातावर याची एक पारिकरुन त्यात सारण भरावे. हलकेच बंद करुन कचोरी तयार करुन घ्याव्यात.

कढईत तेल चांगले तापवून घ्यावे. नंतर आच कमी करुन एक एक कचोरी बदामी रंगावर तळून घ्यावी.

गरमागरम, खुसखुशित कचोरि चटणी,सोस कशाबरोबरही छान लागते!