चंद्रगड ते आर्थर सीट, महाबळेश्वर

नुकताच हा ट्रेक करून आलो आहे. आम्ही arthur's seat वरून उतरून ढवळे गावात गेलो होतो. तुम्ही ढवळे गावातून सुरु करणार आहात त्या दृष्टीने काही सूचना:

१. ह्या ट्रेक चे साधारण २ टप्पे आहेत, ढवळे गाव ते बहिरीची घुमटी (इथे काही प्राचीन मूर्ती आहेत ) आणि बहिरीची घुमटी ते मढी महाल अथवा arthur's seat
२. पहिल्या टप्प्यात वाट सापडायला थोडी कठीण आहे, त्यामुळे प्रथमच जात असाल तर गावातून guide घेणे उत्तम (पप्पू कदम: ९२२५४९९५८०) बहिरीची घुमटी ते arthur's seat वाट मळलेली आहे चुकण्याची शक्यता फार कमी.
३. वरच्या टप्प्यात घसारा खूपच जास्त आहे त्यामुळे पायात चांगले shoes आवश्यक
४. पाणी बहिरीची घुमटी वरून थोडेसेच पुढे गेल्यावर आहे. २ पाण्याची टाकी वाटेच्या डाव्या बाजूला दिसतात. ह्याला जोरचे पाणी म्हणतात कारण इथून एक वाट जोर गावात उतरते. इथे सोडून वाटेत कुठेही पाणी नाही. त्यामुळे माणशी कमीत कमी ३ लिटर पाणी जवळ असणे आवश्यक.
५. पहिल्या टप्प्यात दाट झाडी असल्याने उन्हाचा त्रास होत नाही. पण बहिरीची घुमटी पासून पुढे थोडा उन्हाचा त्रास होऊ शकतो
६. जवळपास १०००-११०० meters चढण असल्याने बऱ्यापैकी दमछाक होते. साधारण ६-७ तास लागतात. चंद्रगड करून अथवा त्याला नुसता वळसा घालून अशा दोन्ही प्रकारे तुम्ही जाऊ शकता, चंद्रगड करायचा असल्यास वेळेत थोडाफार फरक पडेल.
७. अधिक माहिती साठी खाली दिलेली लिंक बघा. ह्या blog वरचा नकाशा फार उपयोगी आहे.

http://yash-gaikwad.blogspot.in/2014/06/chandragad-to-arthurs-seat-trek....

छान.

सुनीलजी, प्रत्येक ट्रेकरने एकदा जरूर करावा असा हा ट्रेक आहे. काही ट्रेकर्स आर्थरसीट ते ढवळे असा ट्रेक करतात तर काही उलटा. आम्ही चंद्रगड ते आर्थरसीट असा केला होता.
चंद्रगड बघून तसेच आर्थरसीट ला जाणार की परत ढवळे गावात येणार? वर सह्यमित्र ह्याने म्हटल्याप्रमाणे दोन टप्प्यात हा ट्रेक आहे.
ढवळे गावातून जाणार असाल तर ढवळे गाव ते आर्थरसीट ६-७ तासाचा ट्रेक आहे. बहीरीच्या घुमटीजवळचे पाण्याचे टाके सोडले (बारमाही) तर संपुर्ण वाटेत कुठेही पाणी नाही.

चंद्रगड ते गाढवखडक १ तास, गाढवखडक ते सापळखिंड १.५ तास, सापळखिंड ते घुमटी १.५ तास. घुमटी ते वरचा टप्पा (इथे आपल्याला प्रथम आर्थरसीटचे नीट दर्शन होते) १ तास आणी हा टप्पा ते आर्थरसीट व्हाया विंडो पॉईंट १ तास असा सगळा ट्रेक आहे.

घुमटीच्या खाली आणी वरच्या टप्प्यावर थोडा घसारा आहे आणी विंडो पॉईंटच्या खाली एक सोपा रॉक पॅच आहे. ढवळे गावातून निघाल्यावर घुमटीपर्यंत घनदाट जंगल आहे त्यामुळे अ‍ॅटलीस्ट घुमटिपर्यंत गाईड आवश्यक आहे. कारण ह्या जावळी/महाबळेश्वर च्या जंगलात चुकले की मग प्रकरण अवघड आहे.

अजून काही माहीती हवी असल्यास बिंधास्त संपर्क करा.

अजून एक, जर पब्लीक ट्रांस्पोर्ट ने जाणार असाल तर पोलादपूर वरून १२.३० उमरठ मार्गे ला ढवळेला जाणारी एकच एस्टी आहे. दुसरे वाहन नाही.

या रूटला पाण्याचे हाल होतात तेव्हा तेव्हढी काळजी मात्र जरूर घ्या. शुभेच्छा! वृत्तांत व फोटो टाका जाऊन आल्यावर.

पुण्याहुन तुम्हाला जॉईन करु शकतो का? म्हणजे तुमचे परवानगी असल्यास...

मी परवा चाल्लोय.. अस्वलखिंड, कामथ्या घाट, महादेव मुर्हा, चंद्रगड मढी महाल...वरील माहीती खुपच उपयुक्त ठरेल.. धन्यवाद

पंधराव्या तासाला एक ट्राय करा! :)

सुनीलभौ, झाला का ट्रेक? ट्रेक करून आला असाल तर मस्तपैकी लेख लिहा आणी आम्हाला पण अनुभव घेऊद्या.