शिशु वर्ग

अचानक फी वाढवणं आणि तीही रेट्रोस्पेक्टिव्ह.. हे त्या कॉलेजच धोरण त्यांनी त्यांच्या "प्रॉस्पेक्टस" मधे छापलं होतं का ते माहित नाही.
आणि तसं ते छापलं असेल तर ते वाचून ऍड्मिशन घेणारे "अतिसामान्य" हे मुर्खच म्हटले पाहिजेत.

"डॉक्टर आणि इंजिनियर होण्यात मूलभूत फरक डॉक्टर्स कमी पगारांमुळे आंदोलने करतात यावरून लक्षात यावा. इंजिनियर झाल्यावर चांगल्या पगाराची नोकरी करता येते, बदलता येते".."

हे ईंजिनियरींगच्या सगळ्या शाखांना लागू नाही. कमीतकमी १९९८ साली पास आऊट झालेल्यांना तर नक्कीच नाही. (याची उदाहरणंही देवू शकेन त्यामुळे हे बेसलेस विधान नाही) आता परिस्थिती बदललेली असल्यास माहित नाही. मेटलर्जी, इलेक्ट्रिकल, सिव्हील केलेल्यांना कदाचित आजकाल पटकन भरपूर पगाराच्या नोकर्‍या लागतही असतील.
बाकी मेडिकलचा खर्च फक्त पाच वर्षांच्या फी पुरताच मर्यादित नसतो या मताशी १००% सहमत.
पोस्ट ग्रॅज्युएशन तर इंजि. आणि मेडि. दोन्हीकडेही लागतं. मेडि. च पोस्ट ग्रॅज्युएशन जास्त खडतर असतं हेही मान्य.

"..जर पूर्ण विचारांती त्यांनी मुलांना प्रायवेट कॉलेजात पाठवले असेल (प्रायवेट कॉलेजची धोरणे लक्षात घेऊन) तर पैसे कुठून आणायचे हा विचारही केलेला असावा. (परंतु तो तसा विचार केलेला नसतो हेच जर सिद्ध होत असेल तर मग चूक फक्त एकाची कशी?)..."

त्यांनी कदाचीत (२.२ * ५ ) + (वरचा खर्च) याची तयारी ठेवली असेल. पण जर फी एकदम वाढवली तर ती रक्कम "(वरचा खर्च)" या कॅटेगरीतून काढावी लागेल. म्हणजे कुठून तरी पैसे उभे करणं आलच. कदाचीत अगदी आत्ता नाही पण पुढच्या काही वर्षात तर बंदोबस्त करावाच लागेल. म्हणजे टेन्शन चुकत नाहीच.

"..आपली परिस्थिती नसेल तर डॉक्टर किंवा इंजिनियर बनण्यापेक्षा वेगळ्या शाखाही आहेत हे लोकांना कळायला हवे. प्रायवेट कॉलेजची धोरणे माहित असताना तिथे पाठवायचे आणि मग चिंताग्रस्त व्हायचे याचा दोष जितका कॉलेजचा आहे तितकाच नाकापेक्षा मोती जड करून घेणार्‍या पालकांचा...."

हे आयडियल्स बोलायला ठिक आहेत हो. आणि तेही आपण या सगळ्यातून मुक्त झाल्यावर दुसर्‍याला उपदेश देण्यासाठी..
पण ज्या मुलाला ३ मार्क कमी पडले म्हणून मेडीकल सोडून बीएस्सी करावं लागत असेल, त्याला किती फ्रस्ट्रेशन येईल याची कल्पना आहे का? अशी मुलं मग करतात तडजोड आणि जातात आयु. किंवा होमिओपाथी कडे पण ते त्यांच लाईकींग असतच असं नाही.
(मला स्वःताला मेकॅनिकलच्या ऐवजी इलेकक्ट्रॉनिक्स मिळालं (हवं ते कॉलेज नाहीच) तर केव्हढ नैराश्य आलं होतं..)

"...मी अजूनही हेच म्हणेन की अतिसामान्यांची मुले प्रायवेट मेडिकल कॉलेजला जाताना मी पाहिलेली नाहीत आणि ती असतील तरी फारच कमी असतील...."

तुम्ही पाहिली नाहीत ना? मग असं एकदम डायरेक्ट विधान कसं केलत?

"..लाखोंच्या फी भरून अशा मेडिकल कॉलेजात कोणा बँक कारकूनाची, चपराशाची किंवा शिक्षकाची पोरं जात नाहीत. २.२ लाखाचे ४.४ कसे करायचे हे जितके त्या कॉलेजला माहित असतं तेवढंच तिथे ऍडमिशन घेऊन देणार्‍या पालकांना माहित असतं".."

इथे फक्त मेडिकल कॉलेजचाच विचार आहे. अभियांत्रिकीची फी वैद्यकीय शाखेपेक्षा तुलनेने बरीच कमी आहे. मेडिकलचे इतर खर्चही अभियांत्रिकीपेक्षा भारी आहेत. तेव्हा फक्त फी भरली म्हणजे तोडगा सुटला असे नाही.

अवांतर : लोकांच्या लग्नाचा खर्च आणि आपल्याकानापर्यंत पोहोचलेली हुडा-वरदक्षिणेची रक्कम ऐकली की असेच होते ! कुठून येतो हा पैसा कळत नाही. असो !

हो म्हणूनच विचारते की कोण देतं अशी कर्ज? आणि ऐपत नसताना कशी मिळतात? आपली ऐपत नसताना कर्ज काढणारे लोक या प्रकाराला जबाबदार नाहीत का? अशा प्रायवेट कॉलेजांत सीट मिळवणारे खूप हुशार असतील असेही वाटत नाही. तर मग आपली पात्रता आणि ऐपत नसताना नाकापेक्षा मोती जड करून घेणारेही तेवढेच जबाबदार आहेत.... उच्चरक्तदाबासाठी.