सुचना : धाग्यात फोटो खुप जास्त आहेत, पूर्ण उघडण्यास वेळ लागू शकतो
भारतातील सर्वात मोठा नंदी, लटकणारा खांब, मुरल पेंटिंग आणि सुंदर शिल्पकाम इतक्या सगळ्या गोष्टी एकाच ठिकाणी पाहायची संधि मिळते लेपाक्षीला. लेपाक्षी हे आंध्रातील अनंतपूर जिल्ह्यातील एक गाव. बेंगलोरपासून जवळपास १५० किमी अंतरावर. ह्या गावात विजयनगर काळातील विरभद्राचे मंदिर आहे.
लेपाक्षीचे पौराणिक महत्व असे सांगितले जाते की, रावण ज्यावेळी सीतेचे हरन करून नेत होता तेंव्हा जटायूने त्याच्याशी युद्ध केले. रावणाने जटायुचे दोन्ही पंख कापून टाकले आणि जटायु जमिनीवर कोसळला. आणि ती जागा लेपाक्षी. पुढे राम सितेच्या शोधात इथे आले आणि त्यांना जखमी अवस्थेतील जटायुने सर्व व्रुतांत सांगितला. रामाच्या आशीर्वादाने त्याला इथे मुक्ती मिळाली. सती आणि महादेवाचा विवाह इथेच झाला. आणि अगत्स्या मुनींनी इथे वीरभद्राची स्थापना केली.
मंदिराचा इतिहास. विरुपन्ना आणि विरान्ना नायक हे दोघे भाऊ विजय नगर साम्राज्याचे खजिनदार होते. त्यांनी विरभद्र स्वामींची मूर्ती सापडल्यावर त्यांनी मंदिराचे निर्माण करायचे ठरवले. आणि त्यासाठी राज्याचा खजिना राजाची परवानगी ने घेता वापरला. मंदिराचे बांधकाम अर्ध्याहून अधिक पूर्ण झाल्यावर राजाला ही बातमी समजली. चिडलेल्या राजाने विरुपन्नाचे डोळे फोडण्याची सजा सुनावाली. विरुपन्नला आपल्या चुकीचा पश्चाताप झाला आणि त्याने स्वत:च चाकून आपले डोळे काढले. मंदिराचा निर्माण अर्ध्यावरच थांबला. मंदिराचे तीन मुख्य भाग आहेत. गर्भगृह, नाट्य मंडप आणि कल्याणमंडप. कल्याणमंडपाचे बांधकाम पूर्ण झाले नाही.
मंदिर एका उंच चबुर्यावर बांधले आहे.
थोड्या पायर्या चढून वर गेल्यावर मंदिराचे प्रवेशद्वार दिसते
प्रवेशद्वारावरील अप्सरांचे फोटो.
नाट्यमंडपातील सर्व खांबांवर विविध मूर्त्या कोरल्या आहेत. आणि इथच दडलं आहे एक आश्चर्य. हँगिंग पिलर अर्थात छतातून लटकनार एक खांब. त्याचा थोडासा इतिहास पाहूया. ह्या मंदिराचे रचनाकार होते विश्वकर्मा ब्राह्मण. विजयनगर साम्राज्यातील बर्याच मंदिरांचा निर्माण विश्वकर्मा ब्राह्मण करत. ह्या मंदिरात प्रत्येक खांबावर विविध मूर्त्या कोरल्यामुळे निर्माण मंदिराचा समतोल बिघड्ला. तो पूर्ववत करण्यासाठी हा खांब छतामधून लटकवण्यात आला. हा खांब पूर्वी सरळ होता. इंग्रजांच्या काळात कुण्या एका इंजिनियर अधिकार्याने मंदिरा भेट दिली, हा लटकता खांब काय त्याला पटेना. त्याने अव़जड यंत्रे वापरून खांब हलवण्याचा प्रयत्न केला. त्याबरोबर मंदिरातील इतर खांब हलू लागले. काहि तिरपे झाले तर काही जागच्या जागी फिरले. खालच्या फोटोतील हाच तो मधला खांब. आजही कापड किंवा कागद खांबाखालून आरपार नेता येते.
मंदिरच्या बाजूला असणारा अर्धवट राहिला कल्याण मंडप. इथे शिव-सतीच्या विवाह सोहळा उभारण्यात येणार होता.
मंदिराच्या मागे एक भव्य नाग आणि शिवलिंग आहे. हे कामगारांनी त्यांच्या फावल्या वेळेत बनवले होते.
आणि मंदिराबाहेर असलेला प्रचंड मोठ नंदि.
आता मंदिरातील इतर फोटो
पुन्हा एकदा नागलिंगेश्वर
मंदिराचे भव्य पटांगण
अर्धवट बांधकाम
नागलिंगेश्वराच्या मागे असलेला मोठा गणपती
आता मंदिराच्या आतील फोटो
तीन पायांचा भृंगी. हा देवांचा नृत्य शिक्षक.
लेपाक्षी फारच छोटं गाव आहे. जेवणाची फारशी सोय इथं नाही. बेंगलोर हैद्रबाद हायवेवर जेवण करणे जास्त सोईस्कर राहील.
प्रतिक्रिया
30 May 2015 - 3:59 pm | सस्नेह
अतिभव्य आणि अतिसुंदर !
पूर्वजांच्या कलादृष्टीला आणि कसबाला सलाम . आणि इथे हे नयनरम्य शिल्प दाखवल्याबद्दल धन्यवाद !
1 Jun 2015 - 4:01 pm | एस
मेजवानी!
30 May 2015 - 4:38 pm | ज्योत्स्ना
हे ठिकाण माहितच नव्हते.खूप सुंदर ठिकाण आणि खूप सुंदर फोटो.
30 May 2015 - 5:00 pm | नाखु
मस्तच ! "साले आम्हीच कपाळ करंटे नविन निर्माण करणे दूर आहे तेच विद्रूप करण्यात आणि हेळसांड करण्यात धन्यता मानत आलो आहे."
लेण्याद्रीला भिंतीवर अनामिक प्रेम्-वीर खुणा वाचलेला
प्रत्यक्षदर्शी नाखु
1 Jun 2015 - 9:50 am | पॉइंट ब्लँक
सुदैवाने दक्षिणेत हे खुळ फारसं पोचलेलं नाही. काय आनंद मिळतो लोकांना असं करून?
30 May 2015 - 5:04 pm | स्पंदना
किती सुंदर मुर्त्या आहेत?
अन त्या दिडशहाण्या इंग्रजाचा फार राग आलाय. वर्षानुवर्षे उभे राहीलेले हे मंदिर जणु त्याच्या शहाणपणाशिवाय पूर्णत्वाला जाणारच नव्हतं.
1 Jun 2015 - 9:52 am | पॉइंट ब्लँक
एकदा सत्ता हातून गेलीकी, असा अपमान सहन करावा लागतं. मुघल, पोर्तुगिज आणि ईंग्रज ह्यांनी सर्वांनी नासधुस केली आहे आपल्या देशात.
30 May 2015 - 5:07 pm | कॅप्टन जॅक स्पॅरो
फोटो सुंदर आलेत.
30 May 2015 - 5:09 pm | अत्रुप्त आत्मा
नंदी आणि नागोबा ए वन!
30 May 2015 - 6:35 pm | मितान
आहाहा !!! सुंदर !!!!
30 May 2015 - 7:18 pm | दुर्गविहारी
अप्रतिम हा एकच शब्द सुचतोय !!!
30 May 2015 - 7:28 pm | कंजूस
अप्रतिम!!!आणि धन्यवाद!!!
30 May 2015 - 8:15 pm | प्रचेतस
सुंदरच आहे मंदिर.
टिपिकल विजयनगर शैली.
प्रवेशद्वारावरील मूर्ती अप्सरा नसून गंगा आहे. ती मकरारूढ असून डोक्यावर जलकुंभ धारण केलेला आहे.
भित्तीचित्रांवरील ब्रह्मा, विष्णू, महेश, तुंबरु आदी सहजच ओळखू येत आहेत. ह्याशिवाय विजयनगराच्या सम्राटांचे राजचिन्ह वराह असल्याने ते बर्याच ठिकाणी रंगवलेले दिसतेय. एव्हढेच नव्हे तर एका चित्रात वराह मुसलमानांवर चक्क हल्ला करण्याच्या पावित्र्यात दिसत आहे.
1 Jun 2015 - 9:53 am | पॉइंट ब्लँक
दुरुस्तीबद्दल धन्यवाद. :)
30 May 2015 - 8:30 pm | कपिलमुनी
सुंदर फोटो.
बाकी धागा २ भागात विभागून टाकला असता तर उत्तम झाले असते
1 Jun 2015 - 9:54 am | पॉइंट ब्लँक
बरोबर आहे तुमचं. पुढल्या वेळेस काळजी घेइन :)
30 May 2015 - 8:30 pm | मुक्त विहारि
वाखूसा....
30 May 2015 - 10:27 pm | जुइ
भव्य मूर्ती आणि मंदिराच्या आतले फोटो खूप चांगले आले आहेत.
माझ्या मते लेखनात पूर्णविराम व 'आणि' यांच्या जागा चुकल्या आहेत.
1 Jun 2015 - 9:55 am | पॉइंट ब्लँक
नजरेस आणून दिल्याबद्दल धन्यवाद. :)
31 May 2015 - 12:45 am | डॉ सुहास म्हात्रे
फारच सुंदर आहे हे मंदीर. भरपूर फोटोंमुळे त्याचे मस्त दर्शन झाले. धन्यवाद !
31 May 2015 - 11:05 am | कंजूस
पाच सात फोटो इथे देऊन बाकीचे कलादालनात दिले तर धागा लवकर उतरेल.
31 May 2015 - 12:50 pm | चौकटराजा
हे ठिकाण माझ्या हित यादीत आहे .आपले फ़ोटो मस्त.
2 Jun 2015 - 2:42 pm | मुक्त विहारि
आमच्या डोंबोलीचे पण नांव असू द्या.
(आपला मेहुणा) मुवि
1 Jun 2015 - 10:35 am | पाटील हो
भन्नाट
1 Jun 2015 - 10:50 am | विशाल कुलकर्णी
अप्रतिम ....
1 Jun 2015 - 4:09 pm | मधुरा देशपांडे
फारच सुरेख.
1 Jun 2015 - 7:27 pm | सूड
रंगवलेली चित्रं आवडली.
1 Jun 2015 - 9:21 pm | सानिकास्वप्निल
अप्रतिम आहे, चित्रे फार आवडली.
1 Jun 2015 - 9:43 pm | पद्मावति
खरच अद्भुत आहे हे मंदिर. तुम्हीहि छान वर्णन केले आहे.
2 Jun 2015 - 1:56 am | बॅटमॅन
अप्रतीम. नागलिंगेश्वर आणि हँगिंग पिलरचे फोटो पाहिले होते अगोदर, पण बाकी पहिल्यांदाच पाहतो आहे. शिवाञ म्यूरल्स शिल्लक आहेत हे अतिशयच भारी. बहुत धन्यवाद पॉइंट ब्लँक साहेब, लय आवडले फटू.
2 Jun 2015 - 4:01 am | सौन्दर्य
इतके सुंदर फोटो, माहिती आणि वर्णन पुरवल्याबद्दल खूप खूप आभार. तुमच्या सोबत लेपाक्षीला फिरुनच आलो असे वाटायला लागले.
2 Jun 2015 - 4:31 pm | पैसा
अप्रतिम आहेत फोटो!