चिकन करी

अप्रतिम...

फोटु पाहून तोंडाला पाणी सुटलेय...

छान फोटू व सोपी कृती आहे. मलाही जमू शकेल. मसाला परतण्यापर्यंत नक्कीच करू शकीन. पुढील कृती नवरा करेल. चिकनचे तुकडे किती इंचाचे करावेत? घरचा मसाला म्हणजे कोणता मसाला? मी गोडा मसाला वापरते तो की कांदा लसूण मसाला? वरील प्रमाणात (२ च.) तिखट वापर्ल्यास फार तिखट होत नाही ना?

आणखी म्हणजे चिकन स्किन असलेले की नसलेले आणायचे? हे सगळे कुकरमध्ये शिजेल का?

तोंपासू...

तोंपासू पाक्रू
आजच करुन बघतो. रविवार आहे.

छान दिसते आहे पाककृती. नक्कीच चविष्ट असणारच.

फक्त मला वाटतं जे आख्खे गरम मसाले दिले आहेत (जे नंतर मिक्सरमधून वाटून घ्यायचे आहेत) तेच मसाले कमी अधिक प्रमाणात बाजारच्या आणि घरच्या गरम मसाल्यात असतात. तेंव्हा ते मसाले (बाजारी आणि घरचे पावडर मसाले) वेगळे मिसळण्यापेक्षा आख्ख्या गरम मसाल्याचेच प्रमाण वाढवून घेतल्यास ताजा वाटलेला मसाला पदार्थाला अधिक चांगली चव देईल असे वाटते.

वेगवेगळ्या तिखटांच्या रंगात, तिखटपणात आणि चवीत फरक असतो. त्यामुळे आपल्या वापरातील तिखटाचे हे सर्व गुणधर्म आपल्याला माहित असल्याने पाककृतीत दिल्याप्रमाणे तिखटाचे प्रमाण घेण्यापेक्षा आपल्या घरच्या तिखटाच्या अनुभवानुसार प्रमाण जुळवून घ्यावे.

मृ, तुझे सुंदर सादरीकरण बघुन गेले गं!मस्त फोटो.भांडी आणि तो चमचा तर बेस्टच आहे! या पाकृत माझ्यासारख्याना ती छान छान भांडी पहाणे एवढाच पर्याय!!

जबरी :)

आवडल..
तेवढ टोमॅटो सोडल तर सेम टु सेम बनवने आवडत. :-)

चिकनच्या ऐवजी बटाटे चालतील काय? मी चिकन खात नै म्हून इचारलं.

असं चान चान सजवलेलं आसेल तर आम्ही खायचं सोडून बघतच बसु. :)

सादरीकरण व पाकृ आवडली +१
सध्या भारतवारीत रोज ताव मारत असल्यामुळे कमी जळजळ होत आहे ;)

निगुतीने लिहिलेली पाकृ आणि सुंदर सादरीकरण!

ह्या बै आल्या का पुन्हा जीव जळवायला....छान.
कुणीतरि सांगा ह्याना मार्गशिर्ष चालु आहे म्हणावे.....उम्म ! आमी नाय ज्जा !!!

आम्ही काय घास्फुस वाले नाही त्यामुळे नो बटाटा, नो सोया, नो पनीर नो गवार भेंडी इत्यादी टाकिंग इसमें.

यापेक्षा अधिक जीवघेणे काय असू शकेल? तो लालेलाल रस्सा, ते रश्शामध्ये दिमाखात डुंबणारे लुसलुशीत चिकन, तो एखाद्या लावण्यवतीच्या पाणीदार नेत्रांप्रमाणे आकर्षक भासणारा नाजूक तवंग, प्रमाणबद्ध दिसणारी ती भाताची मूद, केलॉग कॉर्नफ्लेक्सच्या जाहिरातीतील नायिकेच्या नितळ कमरेप्रमाणे मऊ-मुलायम भासणारी ती शुभ्र-मखमली पोळी...

एखादी शनिवारची संध्याकाळ रमणीय, मनोरम, अविस्मरणीय व्हावी ती अशा जेवणाने. गरमागरम पोळीचा कुस्करा करून त्यात हा रस्सा ओतावा. लुसलुशीत चिकनचे तुकडे त्यात कुस्करावे; लिंबू पिळावे आणि ताज्या कांद्याच्या फोडी तयार ठेवाव्यात. हळूहळू गप्पा मारत मारत भोजनाचा मनमुराद आस्वाद घ्यावा. अधून-मधून आवडत्या पेयाचे घुटके असल्यास सोने पे सुहागा, दूध मे शक्कर...पेय काहीही असू शकेल. एखादी उंची वाईन, स्कॉच, एखादे रम्यरंगीत कॉकटेल, लिंबूमिश्रित वायाळ व्होडका, ज्यूस...आवडीप्रमाणे. मला असे जेवत असतांनाच आवडीच्या पेयाचा आस्वाद घ्यायला आवडतो. आधी भसाभसा पेय (कुठलेही) प्यायचे, बकाबका शेव-चकल्या, कबाब-बिबाब हादडायचे (जे पितात त्यांच्या बशीतले) आणि मग सगळी भूक मेल्यावर कसेबसे जेवण खायचे हा प्रकार फारच गुत्तासम वाटतो. कट टू रम्य शनिवार संध्याकाळ...अगदी मंद संगीत चालू आहे. गप्पांचा फड जमलेला आहे. "तुमच्याकडे पीएमची एक्स्पीरीयन्स लेव्हल काय आहे? डॉट नेटचे प्रोजेक्ट्स असतात का? जावाचे? पीएमपीला व्हॅल्यू आहे का? नवीन अँड्रॉईड पाहिला का? आयफोन ६ पाहिला का? तुमच्याकडे एफएसाय व्हर्टिकल कसं आहे? आणि एसेपी हॉरिझाँटल आहे का?" असल्या गप्पा नसल्या तर अधिक बरे! अशी ही निवांत संध्याकाळ रात्री १२-१ पर्यंत रंगावी आणि कलकत्ता पान चघळत असतांना पानाच्या स्वादासारखी तिखट-गोड होऊन जावी...

खत्तरनाक डिश.
काय दिसतेय ते अप्रतिम. चवीला तसेच अप्रतिम असणार. भारीच.

चिकन करी छानच दिसते आहे.
तांडुळाची भाकरी सुद्धा ...

अप्रतिम सादरीकरण....

अप्रतिम!!!!

वाचून "च्यायला एवढं सोपं आहे होय?" असे वाटते, पण तो सोपेपणा आभासी आहे हेच खरे.

प्रथमच चिकन करी करून बघितली ..दिलेल्या कृतीप्रमाणे उत्तम झाली फक्त टोम्याटो घेतले नाहीत ...शाकाहारी असून देखील बायकोला खूप आनंद झाला ...एक वेळ स्वयंपाकाला सुट्टी मिळाली म्हणून :)

अप्रतिम!!!! *OK*

शेवटचा फोटो अप्रतिम आला आहे. *good*

पाकृ एकदम सोपी आहे. मी करून पाहिली.
धन्यवाद Mrunalini
मी केलेले बदल:
चिकन ऐवजी दम आलू घेतले.
हे छोटे बटाटे तासभर दही, धणे पावडर, तिखट , मीठ आणि किसलेले आले याच्या मिश्रणात बुडवून ठेवले (सालीसकट).
शिवाय कांदा आणि टोमॅटो वाटण करण्याआधी परतून घेतले.

खुप सोपी पध्दत आहे.पण चिकन शिजवण्यासाठी किती वेळ ठेवावे??

मृणालिनी,
हो, नाही म्हणताना वर्षभरापेक्षाही जास्त काळाने ही रेसिपी आज करून पाहिली. बर्‍याच चुका केल्या व पुढील वेळी त्या न करण्याच्या नोंदी करून ठेवल्या. वन जार वाटण सोपे आहे पण तेल सुटेपर्यंत परतताना नानी, दादी आमच्याच नव्हे तर शेजार्‍यांच्याही आठवल्या. मग नवर्‍याने मदत केली. त्यानेच चिकन ड्रमस्टिक्स स्कीन काढून तयार केल्या. परतण्याचा पेशन्स संपण्याच्या क्षणी वाटणाला तेल सुटलेय असे मानले. ते खरेच सुटले होते पण मी तेल आधी कमी घातल्याने ते कमी दिसत होते. मग त्यात ड्रमस्टिक्स घालून नवर्‍याने बरीच परतापरती केली. पाच मिनिटे झाकून शिजवले तरी पाणी काही सुटेना. मग वरून थोडे अ‍ॅडवले. त्यास उकळी फुटेना. मग ते प्रेशर पॅनमध्ये ट्रान्सफर केले. आणखी अर्धी वाटी पाणी घालून तीन शिट्ट्या आणल्या. कुकरच्या विश्रांतीनंतर तो उघडला. सर्व प्रकरण व्यवस्थित शिजले होते. त्यात मीठ घालायचे विसरले होते, तिखट कमी पडले होते. तू दिलेले प्रमाण अगदी बरोबर आहे. मग नवर्‍याने तिथेही मदत केली. बेसिक इनग्रेडियंटसमध्येच विसराविसरी झाली होती त्यामुळे वरून कोथिंबीर भुरभुरवणे वगैरे स्वप्नातच राहिले. आता पुढीलवेळी सुधारणा करण्यात येईल.
तेल जास्त घालणे,
लाल तिखट जास्त घालणे,
मीट मसाला दुकानातून आणून ठेवणे (व तो घालणे),
मीठ घालणे,
आणखी पाणी चालले असते, ते घालणे.

धन्यवाद.