साहित्यः
१. मक्याचं पीठ - १ बाउल
२. बीया काढुन बारीक चीरलेले टोमॅटो - १ बाउल
३. पेस्ट - १ बाउल (पेस्ट साठि १ मध्यम कांदा, ३ पाकळ्या लसुण, पेरभर आलं आणि २ हिरव्या मिरच्या)
४. साजुक तुप - २ मोठे चमचे
५. गव्हाचं पीठ - १ बाउल
६. मुठभर बारीक चीरलेली कोंथिंबीर
७. बारीक किसलेलं गाजर - १ बाउल
८. चवीनुसार मीठ
९. तिक्कर भाजण्यासाठि साजुक तुप किंवा बटर
कृती:
१. एका बाउल मधे मक्याचं आणि गव्हाचं पीठ एकत्र करुन त्यात साजुक तुप घालुन सारखं करा. तुप सर्व पिठाला लागेल असं बघा. असं केल्याने तिक्कर आतुन खुसखुशीत होतो
२. आता त्यात अनुक्रमे बारीक चीरलेले टोमॅटो, वाटलेली पेस्ट, कोंथिंबीर, गाजर आणि चवीनुसार मीठ घालुन गोळा मळा. शक्यतो पाण्याची गरज भासत नाहि. टोमॅटो आणि वाटलेल्या पेस्ट्चा अंगभुत ओलावा पीठ मळण्यास पुरेसा होतो
३. पोळपाटावर पीठ पसरुन थालीपीठ थापतो त्या प्रमाणे तिक्कर थापा. स्टिलचं उलथण्यानी अलगद काढुन नॉन स्टिक तव्यावर साजुक तुप / बटर घालुन दोन्हि बाजुनी खरपुस भाजा
४. गरमागरम तिक्कर आवडत्या चटणी, सॉस, लोणचं किंवा चहासोबत सर्व करा. हे तिक्कर थालीपीठा प्रमाणे चहात बुडवुन मस्त लागतात (हो हो...निदान मला तरी थालीपीठ चहात बुडवुन खायला आवडतं *smile*
टिपः
१. ह्यात वेगवेगळ्या भाज्या घालुन वेगवेगळ्या प्रकारे तिक्कर करता येईल. उदा. बारीक चीरलेल्या कांद्याची पात + पालक घालुनहि छान लागेल
प्रतिक्रिया
22 Jul 2014 - 12:12 pm | Mrunalini
वाव... मला खुप आवडला हा प्रकार. आज संध्याकाळीच करुन बघते. आणि हो, फोटो सुद्धा अप्रतिम. :)
22 Jul 2014 - 12:13 pm | प्रचेतस
ह्म्म
जेवायच्या वेळेलाच असले प्रकार टाका आणि जळवा.
22 Jul 2014 - 12:14 pm | प्रभाकर पेठकर
अरे व्वा! राजस्थानी थालीपिठ करून पाहिलेच पाहिजे.
मला हे लोणच्या बरोबरच, दहि किंवा/आणि लोण्याबरोबर जास्त आवडेल.
22 Jul 2014 - 1:15 pm | मनिष
मलाही दही आणि लोणच्याबरोबर आवडेल. पाहिजे तर बरोबर गरमा-गरम कॉफी वगैरे! :P
22 Jul 2014 - 4:24 pm | दिपक.कुवेत
काका लोण्याबरोबर तर कशाचीच सर येणार नाहि. गर्मागरम तिक्करवर लोण्याचा गोळा....अहाहा चित्र डोळ्यासमोर उभं राहिलं
22 Jul 2014 - 12:15 pm | स्वाती दिनेश
राजस्थानी थालिपीठ आवडले,
स्वाती
22 Jul 2014 - 12:17 pm | किसन शिंदे
झक्कास प्रकार दिसतोय, आपल्या तिखट भाकर्यांच्या जवळपास जाणारा..
22 Jul 2014 - 12:37 pm | पोटे
करणार
22 Jul 2014 - 1:06 pm | अत्रुप्त आत्मा
@हे तिक्कर थालीपीठा प्रमाणे चहात बुडवुन मस्त लागतात>>> फोटो पाहूनच खात्री पटली होती..आणि अत्ता दुपारच्याला (आजच्या पावसाळी वातावरणात..) हे मिळावं अशी लै लै विच्छा होते आहे!
22 Jul 2014 - 1:11 pm | एस
आज एकादशी असल्यामुळे आम्ही आजच्या दिवस तूर्तास साबुदाणा वडे आणि चटणी इतकुश्याच अन्नावर जिवंत रहायचे ठरवलेले आहे. म्हणून धागा वाचला तरी वाचला नाही असे समजून पास करत आहे. ;-)
22 Jul 2014 - 1:16 pm | स्पंदना
मस्त! तिक्कर!
करुन पहाते. टिफीनला एक नविन प्रकार!
22 Jul 2014 - 1:28 pm | कवितानागेश
मस्त दिसतायत. :)
22 Jul 2014 - 1:45 pm | सुहास झेले
सहीच... करून बघणार नक्कीच :)
22 Jul 2014 - 1:53 pm | आयुर्हित
खासच आहे ही पाकॄ! फोटो ही छान आलेत.
घटकही उत्त्म आहेत खाण्यासाठी.
धन्यवाद.
तिक्कर हा शब्द प्रथमच ऐकतो आहे. राजस्थानात नेमक्या कोणत्या प्रांतात होतो हा पदार्थ?
कारण मेवाड, मेवात आणि मारवाड मध्ये असतांना नाही ऐकला/खाल्ला कधी! त्यामूळे उत्सुकता आहेच.
(दिल्ली/पंजाबातही "सरसोंदा साग और मकईदी रोटी" हमखास बनतो.)
22 Jul 2014 - 4:26 pm | दिपक.कुवेत
हा राजस्थान मधल्या नक्कि असा कुठल्या प्रांताचा पदार्थ आहे माहित नाहि. खैर छोडो हम सिर्फ आम खाते है.....क्युं?
22 Jul 2014 - 2:10 pm | कंजूस
आता पावसाळ्यात खमंग पदार्थाँचा पाऊस पडतोय मिपावर .दिपक मला चहात थालीपिठ ही कल्पना आवडली ,शिवाय दही आणि लोणचे (कच्छी)ची पारंपारिक पध्दत आवडतेच .कुरमा बाटी जशी पाच डाळींच्या वरणात बुडवून खातात तसेही करायला हरकत नाही कारण यांत गहू आणि मकापिठ आहे ,डाळींची पिठं नाहीत .
चहात बुडवायची रीत :
एक तिक्कर एका बशीसारख्या खोलगट डिशमध्ये ठेवायचे .सुरीने वड्या कापतो तसे लहान तुकडे करायचे .चहा यावर ओतायचा .भिजले की एक एक तुकडा चमच्याने उचलायचा .चीज सैनविजला असे खाता येते .
दिपकराव आता राजस्थानी हल्लाबोल होणार काय ?रोज एक पदार्थ दिलात तरी वर्षात संपायचे नाहीत .
22 Jul 2014 - 4:30 pm | दिपक.कुवेत
मोडुनच चहात बुडवुन खायचा. बशीत ठेवुन त्यावर चहा ओतला तर लगदा होईल मग मजा जाईल त्यातली. तुकडा बुडवुन खाल्ला कि लगेच एक घोट चहा प्यायचा....अहाहा मजा येते.
22 Jul 2014 - 5:15 pm | अत्रुप्त आत्मा
@तुकडा बुडवुन खाल्ला कि लगेच एक घोट चहा प्यायचा....अहाहा मजा येते.>>>
त्यात ते शिळं झालं की अजुन! *good*
22 Jul 2014 - 2:15 pm | शाली
छानच!
चहात बुडऊन थालीपीठ?
22 Jul 2014 - 2:15 pm | शाली
छानच!
चहात बुडऊन थालीपीठ?
22 Jul 2014 - 4:31 pm | दिपक.कुवेत
विचित्र वाटलं तरी एकदा खाउन बघ.
22 Jul 2014 - 2:16 pm | मधुरा देशपांडे
मस्त दिसतंय. सगळं साहित्य आहेच घरी. आजचा बेत फिक्स.
22 Jul 2014 - 2:23 pm | अक्षया
छान दिसतय..नक्की करुन बघेन :)
22 Jul 2014 - 2:35 pm | इशा१२३
मस्तच पदार्थ दिसतोय...सोपा आणि मुलांना नक्की आवडेल असा.करुन बघेन.
22 Jul 2014 - 2:42 pm | मुक्त विहारि
करुन बघेन.
22 Jul 2014 - 2:43 pm | सूड
रेशिपी मस्त!!
चहा थालीपीट म्हटल्याबरोबर दोन weird प्रकार आठवले. शेजारची एक ताई चहासोबत भात खात असे. मूळचा एमपीचा असलेल्या एका कलिगने आमरस-भात साजूक तूपासोबत खायला सुचवलं होतं ते आठवलं. ;)
22 Jul 2014 - 4:36 pm | दिपक.कुवेत
शेवटि पसंद अपनी अपनी. माझी मावशी तर फोडणीभातावर दुध घालुन खाते. वर जे म्हणाला आहेस तसा आमरस-भात साजूक तूपासोबत खाला आहे. आवडला होता *ok*
22 Jul 2014 - 4:46 pm | सूड
>>शेवटि पसंद अपनी अपनी.
सहमत.
22 Jul 2014 - 4:30 pm | रेवती
अरे वा! पहिल्यांदाच ऐकतीये, बघतीये हा पदार्थ! फोटू छान आलेत.
22 Jul 2014 - 5:15 pm | अनन्न्या
मस्त लागेल असे वाटतेय, करून पहाते.
22 Jul 2014 - 5:28 pm | ऋषिकेश
दिसतंय छान पण चव इमॅजिन करता येत नाहिये.
अर्थात इमॅजिन करण्यापेक्षा करूनच बघतो :)
आभार!
22 Jul 2014 - 6:26 pm | सानिकास्वप्निल
ए मस्तचं रे दिपक, तिक्कर करुन बघावेसे वाटत आहे :)
मस्तं पाकृ +१
22 Jul 2014 - 6:29 pm | पिंगू
देशी तिखट बिस्किट म्हणून चहात बुडवून खायला आवडेल..
22 Jul 2014 - 8:01 pm | छबूतै
मस्त! आता करुन बघने आले.
22 Jul 2014 - 8:08 pm | डॉ सुहास म्हात्रे
काय आमचे वजन वाढवायचा विडा उचलाय की काय? आँ? ;)
22 Jul 2014 - 8:59 pm | प्यारे१
आडौली राजस्थानी थालिपीठे!
23 Jul 2014 - 8:18 am | त्रिवेणी
धन्यवाद दीपक
आज तिखट आणि सोपी पाककृती टाकल्याबद्दल. रविवारी मक्याचे पीठ आणल्यावर करून पाहीन. तसेच आम्हा वयोवृद्ध लोकांना जमतील अशा रेसीपी आल्या की करून बघता येतात.
1 Aug 2014 - 11:00 pm | पैसा
नवी पाकृ. मक्याच्या पिठामुळे कडक होत नाहीत ना मक्याच्या रोट्यांसारख्या?
3 Aug 2014 - 5:56 pm | दिपक.कुवेत
म्हटलं ना आपल्या थालीपीठाचा राजस्थानी प्रकार....एकदम खुसखुशीत