साहित्यः
१. तयार गुलाबजाम - १० (३ बाजुला वगळावे)
२. चक्का - १ कप
३. २०० ग्राम क्रीम चीज (मिळालं तर उत्तम नाहितर पर्याय म्हणुन आपलं पनीर आहेच :D)
४. मॅंगो पल्प - १ कप (ताजा आमरस वापरण्याआधी मिक्सर मधे एकदा फिरवुन घेणे जेणेकरुन गुठळ्या राहणार नाहित)
५. १.५ वाटी मारी किंवा कुठल्याही डायजेस्टीव्ह बिस्किटांचा चुरा
६. २-३ टेस्पून कडेंन्स्ड मिल्क
७. साखर, मध, कडेंन्स्ड मिल्क किंवा गुलाबजामचाच पाक (रसाच्या गोडीप्रमाणे कमी-जास्त)
८. १ टेस्पून जिलेटीन पावडर (प्लेन किंवा मॅंगो फ्लेवर असलेली)
९. पिस्ता पूड - २ चमचे किंवा आपल्या आवडिचे ड्राय फ्रुट्स
१०. वितळवलेलं बटर - पाव वाटि
पाकृ:
१. दहि रात्रभर टांगुन त्याचा चक्का तयार करावा
२. मारी किंवा डायजेस्टीव्ह बिस्किटांच्या चुर्‍यात वितळवलेलं बटर/गुलाबजामचाच पाक घालुन नीट एकजीव करावे
३. जर स्प्रींगफोर्मचा केक टीन असेल तर त्यात ह्या चुर्‍याचा बेस दाबून तयार करावा. नसेल तर कुठल्याही बाऊल/भांडयात चमच्या च्या मदतीने बेस दाबून तयार करावा. तयार टीन / बाउल फ्रिजमध्ये १५ मिनिटे सेट होण्यासाठी ठेवावे
४. आता मिक्सींग बाऊलमध्ये क्रीमचीज, उरलेले ७ गुलाबजाम (हलकेच कुस्करुन), आंब्याचा रस, चक्का व साखर/मध, कडेंन्स्ड मिल्क किंवा गुलाबजामचा पाक घालून बीटरने फेटून घ्यावे किंवा डावेने एकजीव करावे
५. ३ टेस्पून पाणी मायक्रोव्हेवमध्ये १०-१५ सेकंद गरम करून घ्यावे व त्यात १ टेस्पून मँगो जिलेटीन पावडर घालून ती पूर्ण विरघळू द्यावी. आता हे जिलेटीन मिश्रित पाणी वरिल मिश्रणात घालून बीटरने बीट करुन घ्यावे व तयार टीन पुन्हा फ्रिजमध्ये १५ मिनिटे सेट होण्यासाठी ठेवावे
७. वगळलेले ३ गुलाबजाम मधुन अर्धे करावे
८. एक तासा-दिड तासाने सेट झालेल्या मिश्रणावर थोडया थोडया अंतरावर अर्धे गुलाबजाम गोलाकार लावावे व ६-७ तास फ्रिजमध्ये सेट होण्यासाठी ठेवावे. आवडत असल्यास आपण पुर्ण रिंगण अर्ध्या गुलाबजामने सजवु शकता. हवं असल्यास हार्ट शेपच्या स्टेन्सीलने मधोमध पिस्ता किंवा कोको पावडरचं ह्र्दय काढावं
९. केक पुर्ण सेट झाला कि स्प्रींगफोर्म केकटीनच्या कडेने हलकेच सुरी फिरवून त्याचे रिंगण काढावे
१०. प्रत्येक भागावर अर्धा गुलाबजाम येईल ह्या हिशोबात केक कापावा/तुकडे करावे
११. सर्व्ह करण्याआधी त्यावर:
अ. १ ते १.५ चमचा थंडगार आंब्याचा रस अर्ध्या गुलाबजामवरुन हलकेच सोडावा व एक चिमुटभर पिस्ता पुड भुरभुरावी किंवा
ब. आंब्याचे तुकडे, काजु-बदाम-पिस्त्याच्या कापांनी सर्व्ह करावे किंवा
क. मिश्र फळांचे तुकडे ठेवुन त्यावर एक चमचा मध हलकेच सोडावा किंवा
ड.चेरि फळाचे दोन अर्धे भाग करुन घ्यावेत. प्रत्येक अर्धा भाग हा अर्ध्या गुलाबजामवर ठेवावा व वरुन चिमुटभर पिस्ता पुड भुरभुरावी......पर्याय बरेच आहेत आपल्याला आवडेल/रुचेल तो करावा
प्रतिक्रिया
8 Apr 2013 - 12:04 pm | धनुअमिता
लगेच खावासा वाटतो आहे.
8 Apr 2013 - 12:09 pm | अधिराज
अहाहा! निव्वळ अप्रतिम!!
8 Apr 2013 - 12:16 pm | nishant
मँगो ,गुलाबजाम आणि चीज तीन्हि आवडिचे पदार्थ :D केक १००% भन्नाट लागणार!
8 Apr 2013 - 12:18 pm | सूड
खाण्यावर जो काही ताबा आणलाय तो सोडायला भाग पाडणार राव तुम्ही अशा रेशिप्या टाकून. बाकी ते जिलेटिन कम्पल्सरी आहे का ?
8 Apr 2013 - 1:54 pm | स्पा
संयम सूड संयम :)
8 Apr 2013 - 3:14 pm | दिपक.कुवेत
कारण त्यामुळे केक बाईन्ड/घट्ट व्हायला मदत होते.
8 Apr 2013 - 3:40 pm | सूड
जिलेटिन इथे कुठे मिळेल? कुणी सांगू शकेल काय?
8 Apr 2013 - 3:49 pm | नन्दादीप
ते जिलेटीन वगैरे समुद्र मार्गे मागवता येत म्हणे.... जास्त वपरू नका हो, जीव जायचा एखाद्याचा... ;)
8 Apr 2013 - 4:40 pm | सूड
>>जास्त वपरू नका हो, जीव जायचा एखाद्याचा...
ज्याचा जीव घ्यायचा असेल अशाच माणसाला खायला घालावं, नंतर देवाक काळजी. ;)
8 Apr 2013 - 4:51 pm | सानिकास्वप्निल
मँगो चीजकेक असाच आवडीचा त्यात गुलाबजाम म्हणजे जबराट
पाकृ एकदम सिनफुल्ल :)
@ सुड कुठल्याही सुपर मार्केटमध्ये मिळतं
जिलेटीन नाही मिळाले तर व्हेजी जेल मिळतं का बघा शाकाहरी लोकांसाठी चांगला पर्याय आहे व्हेजी-जेल.
8 Apr 2013 - 5:45 pm | सूड
इथं पुण्यातल्या सुपर मार्केटात शोधायला हवं या वीकांतास !!
8 Apr 2013 - 6:06 pm | पैसा
नै मिळाले तर तुझ्या चुलतबहिणीला ऑस्ट्रेलियातून पाठवायला सांग!
8 Apr 2013 - 7:16 pm | ५० फक्त
होय होय, सुड माझ्यासाठी पण ३ मिटर मागव लाल कलरचं, एक शर्ट शिवावा म्हंतो जिलेटिनचा.
8 Apr 2013 - 7:48 pm | जेनी...
=)) =))
कित्ती दिवसांनी मोकळं मोकळ हसले बै =))
५० फक्त तुम्ही म्हण्जे अगदी ' हे ' आहात बगा =))
8 Apr 2013 - 11:23 pm | सूड
ब्रम्हास्त्र असं सारखं सारखं वापरलं तर त्याचं महत्त्व काय उरणार पैकाकू ;) त्यामुळे गप्प बसायचे ठरविले आहे.
8 Apr 2013 - 12:22 pm | अक्षया
गुलाबजाम,मॅंगो आणि चीज. सही कॉम्बीनेशन.
दिसायलाच इतका छान आहे चवीला असणारच. :)
8 Apr 2013 - 12:49 pm | गणपा
सांभाळुन दिपकराव.
अशी पाककृती देताना आधी एखादा डिस्क्लेमर टाकत जा राव, एखादा डायबेटीस पेशंट नुसता फोटो पाहुनच गचकेल.
:)
गोडखाऊ नसलो तरी पाककृती जीवघेणी आहे खरी. :)
8 Apr 2013 - 1:06 pm | नन्दादीप
खल्ल्ल्लास.........................
8 Apr 2013 - 1:22 pm | प्रचेतस
काय जबरा प्रेझेन्टेशन आहे राव.
लाजवाब !!!
8 Apr 2013 - 1:42 pm | हरिप्रिया_
अप्रतिम!!!
तोंपासु
8 Apr 2013 - 1:43 pm | पिंगू
जबरी केक आहे..
8 Apr 2013 - 2:11 pm | सुहास झेले
क ह र !!!
:) :)
8 Apr 2013 - 2:27 pm | Mrunalini
खुप सुंदर.. मस्त दिसतोय केक अगदी... टेम्पटिंग :D
8 Apr 2013 - 2:59 pm | किसन शिंदे
ज ब रा ट!!
8 Apr 2013 - 3:27 pm | अत्रुप्त आत्मा
जीव गेला...हाल हाल झाले...ठ्ठार जाहलो
आए...हाय... एखाद्या सुंदर ललनेच्या पहाता क्षणिच प्रेमात पडावं,तसं होतय फोटु कडे पाहुन... :)
8 Apr 2013 - 3:53 pm | सविता००१
काय वाइट्ट माणूस आहे हा........ इतके सुंदर आणि चविष्ट पदार्थ करतो तरी कधी?????????????
अप्रतिम, लाजवाब :)
8 Apr 2013 - 3:56 pm | आदूबाळ
नको...नको... दीपकराव काय छळ मांडलाय...
इथे त्याजायला आंबे आणि गुलाबजाम दोन्ही मिळत नाही :(
8 Apr 2013 - 5:03 pm | सन्जोप राव
मस्त पाककृती. आवडली.
जिलेटिन जनावरांच्या, विशेषतः डुकराच्या हाडांपासून आणि कातडीपासून तयार करतात असे वाचून आहे. तेंव्हा शाकाहारी मंडळींनी जरा सांभाळून...
8 Apr 2013 - 5:08 pm | दिपक.कुवेत
तुमची माहिती अगदि बरोबर आहे. हल्ली शाकाहारी जिलेटिन 'कॅरेगनीयन' (उच्चार चुकला असेल तर माफि असावी) मिळतं किंवा माझ्या मते जिलेटिनला पर्याय म्हनून 'अगार-अगार' पण वापरु शकतो
8 Apr 2013 - 5:20 pm | पैसा
त्याचे घटक पाहता चव पण भारी असेल असे वाटते!
8 Apr 2013 - 5:40 pm | यशोधरा
अरे ह्या काकांना पाककृत्या आणि फोटो टाकण्यापासून बॅन करा रे!
8 Apr 2013 - 5:57 pm | शिद
काय बोलणार??? बादलीभर लाळ जमा झाली आहे तोंडात...
8 Apr 2013 - 6:24 pm | जेनी...
दीपु काका डाएटिंग वर असणार्‍यानी ह्यात काय काय नाय टाकायच ???
काकु ची किती मज्जाय .... :-/
8 Apr 2013 - 7:24 pm | दिपक.कुवेत
डाएटिंग वर असणार्‍यानी हे नुस्त पहायचं आणि खाल्ल्याचं समाधान मानायच....हाय काय नाय काय :D
8 Apr 2013 - 7:49 pm | जेनी...
:-/ :-/
8 Apr 2013 - 7:27 pm | रेवती
आईग्ग! भारी!
8 Apr 2013 - 7:38 pm | प्यारे१
शारिरीक, मानसिक, बौद्धिक, आर्थिक छळ .
अतिब्येक्कार(जडगाव-मलकापूरवाल्यांना माहिती आहे शब्द) पाकृ.
- असंयमित प्यारे ;)
8 Apr 2013 - 7:50 pm | अनन्न्या
तोंपासु............
9 Apr 2013 - 12:43 am | अभ्या..
लैच गोड
9 Apr 2013 - 8:02 am | मदनबाण
भारी प्रकार दिसतो... :)
(केक प्रेमी) :)
9 Apr 2013 - 8:11 am | धमाल मुलगा
ओ दिपकशेठ,
माझ्यासाठी कुवेतमध्ये एखादी नोकरी असेल तर सांगा ना! लग्गेच येतो. :D
तेव्हढीच अंमळ तब्येत सुधारावी म्हणतो.
ए आपट्या...चल रे, येतो का कुवेतला? दिपकशेठकडंच राहू..सा म्हैन्यात फुल्ल बॉड्डी शॉड्डी बनून जाईल. :D
9 Apr 2013 - 10:03 am | स्पंदना
देवा! हा धम्या बॉडी शॉडी बनवायला स्पाला घेउन चाललाय.
ये! फोटु बघितला नाहिस काय चेपुवर? आता काय गरज नाही स्पाला.
9 Apr 2013 - 12:35 pm | स्पा
=))
=))
9 Apr 2013 - 12:39 pm | स्पा
चला अमी एका पायावर रेड्डी हौत
9 Apr 2013 - 1:46 pm | अत्रुप्त आत्मा
@ए आपट्या...चल रे, येतो का कुवेतला? दिपकशेठकडंच राहू..सा म्हैन्यात फुल्ल बॉड्डी शॉड्डी बनून जाईल. >>> धमुशेट,अहो त्यांना गरज नाही,हल्ली ते दुधाचे पदार्थ/तुपातल्या मिठाया भरपुर भक्षण करताहेत.अशी डोंबिवलीच्या बाजुनी खबर आलिये. =))
9 Apr 2013 - 10:05 am | स्पंदना
दिपक राव जरा जपुन मान्स गारद बिरद तर होणार नाहीत ना हे बघुन फोटो टाकत जावा!
च्या मारी हे भारीय! बाकिच्यांना फोटो टाका टाका म्हणाव लागतय तर इथे नको नको म्हणाव लागतय.
9 Apr 2013 - 11:03 am | सुमीत भातखंडे
फोटू पाहूनच तंद्री लागली
लय भारी
9 Apr 2013 - 11:10 am | साऊ
खुप गोड होइल ना हा केक?
की कमी गोड ठेवायचा?
एकुण फार छान दिसतो आहे.
9 Apr 2013 - 12:10 pm | दिपक.कुवेत
@ धमाल मुला: अरे तु कशाला मीच येतो तिकडे. तुझ्याबरोबर अजुन बरेच जणांच्या तब्येती सुधारु :D
@ साऊ: एवढा गोड नाहि होत. गोडपणा थोडा थोडा करुन वाढव म्हणजे अंदाज येईल आणि अती गोड नाहि होणार
9 Apr 2013 - 1:10 pm | कच्ची कैरी
मँगो चीझकेक आणि गुलाबजमुन खतरा कॉम्बिनेशन !!!
10 Apr 2013 - 2:40 pm | जयवी
अरे कसले भारी पदार्थ करतोस रे...... !!
कातिल दिसतोय केक :)
नक्की करुन बघणार.
10 Apr 2013 - 2:57 pm | श्रिया
तुमच्या एक से बढकर एक रेसिपी बघून प्रतिक्रीया देण्यासाठी शब्दच सुचत नाही.
11 Apr 2013 - 9:55 pm | अत्रन्गि पाउस
ह्याला पाककृती म्हणता येत नाहीये...
'अनन्वित अत्याचार' असे म्हणावे लागते आहे...
14 Apr 2013 - 9:05 pm | कवितानागेश
हाय कॅलरी.. :(
मस्स्स्स्त ;)