खजुर - सफरचंद खीर

नमस्कार मंडळी !!

खरं तर ह्या खीरीची रेसेपी मी पुढल्या आठवढ्याकरिता ठेवली होती पण केल्यावर ती चवीला ईतकि छान झाली कि तुमच्याशी शेअर केल्याशिवाय रहावलं नाहि. दिलेलं साहित्य पाह्ता उद्या संकष्टि चतुर्थि चा उपास सोडण्याकरिता करायला हरकत नाहि.

बघता काय मग...घ्या देवाचं नाव आणि करा सुरवात!

साहित्यः
१. रसरशीत लाल सफरचंद - ३
२. खजुर - १०
३. तुप - २ चमचे
४. केशर - चीमुटभर
५. साखर - आवडिप्रमाणे कमी/जास्त
६. दुध - १ लिटर
७. बारिक चीरलेले बदाम/पीस्ते

कृती:
१. एका जाड बुडाच्या पातेल्यात मध्यम आचेवर दुध आटवायला ठेवा. एक उकळि आली कि आवडिप्रमाणे साखर घालुन मधे मधे ढवळत रहा म्हणजे दुध खाली लागणार नाहि. दुध एकदम बासुंदि किंवा रबडि टाईप आटवायचं नाहिए म्हणुन साधारण घट्टसर झालं कि गॅस बंद करा आणि गार करत ठेवा.

२. केशर हलकसं परतुन गार करा. वाटित वरिल आटवलेलं गरम दुध घेउन त्यात केशर घालुन ठेवा. केशर परतल्याने त्याचा रंग अजुन खुलुन येतो

३. खजुराच्या बीया काढुन कुकर मधे एक ४-५ शीट्या काढा. वाफ जीरली कि मिक्सर मधे थोड्या दुधात मुलायम वाटुन घ्या.

४. पाण्याला उकळि आली कि बदाम/पिस्ते त्यात टाका. एक साधारण ३-४ मि. गॅस बंद करा. गरम पाणि निथळा आणि लगेच गार पाण्यात टाका. असे केल्याने त्यांची पुढची शीजायची क्रिया थांबते. आता डाळिंब्या सोलतो त्या प्रमाणे त्यांची सालं काढा आणि त्याचे बारिक काप करुन घ्या.

५. आता हि सगळि तयारि झाली कि सफरचंद सोला आणि किसुन घ्या म्हणजे किस (सफरचंदाचा :))) काळा पडणार नाहि

६. एका नॉनस्टिक पॅन / कढईत तुप गरम झालं कि त्यात सफरचंदाचा किस परता. आता ईथे दोन पर्याय आहेत. १. दुध जर नुसतं आटवलं तर ह्या किसात साखर घालु शकता किंवा २. दुधात जर साखर असेल तर परत ईथे साखर घालायची आवश्यकता नाहि.

७. किस सतत परता म्हणजे खाली लागणार नाहि. एक ४-५ मि. त्याचा रंग बदलेल आणि मिश्रणाचा गोळा होईल. मी आटवलेलंच दुध थोडं घालुन किस छान परतला. गरम किस लगेच दुधात मिसळु नका कदाचीत दुध फाटेल

८. आता सगळं गार झालं कि एक एक करुन सर्व दुधात मिसळा....१. केशर मिश्रित दुध, २. खजुर प्युरि, ३.सफरचंदाचा किस आणि ४. बारिक चीरलेले बदाम/पीस्ते

९. एक ४-५ तासानी खीर थंड झाली कि वरुन बारिक चीरलेले बदाम/पीस्ते/खजुराचे काप घालुन सर्व करा

१०. जर खीर गरम हवी असेल तर सगळं एकत्र केलं कि गॅसवर हलकसं गरम करा; उकळि आणु नका

११. पण हि खीर थंडगारच जास्त छान लागते. आवड्त असल्यास वेलची पुड टाकावी :)