बाळासाहेब....

बातम्यांवरुन असं दिसतं, की बाळासाहेबांना श्वसनाचा त्रास आहे, आता हा श्वसनाचा त्रास कशामुळे होतो हे माहिती नाही. वाढलेलं वय आणि अन्य कारणेही असतील. याच वर्षी मे महिन्यातही बाळासाहेबांनी लिलावतीत उपचार घेतला आहे. बाळासाहेबांची प्रकृती आता सुधारत आहे, बाळासाहेब लवकरच ठणठणीत बरे होतील. बाळासाहेबांना उदंड आयुष्य लाभावं अशी प्रार्थना आहेच.

बाळासाहेब किती लोकप्रिय आहेत त्याची झलक दिसत आहे. सामना म्हणतो- दि न्यूयार्क टाइम्स, बीबीसी, पाकिस्तानी वृत्तपत्रांनी बाळासाहेबांच्या प्रकृतीविषयी सातत्याने माहिती दिली आहे.

रक्ताने पत्र लिहिणे, होमहवन करणे, उपवास करणे, देवांना नवस करणे, देवी-मंदिरात आरत्या, मशिदीत पार्थना, तळागाळातील माणसापासून ते राजकीय दिग्गज-सिनेष्टार, उद्योगपतींच्या भेटी, वगैरे ही बाळासाहेबांवर असलेली श्रद्धा आणि लोकप्रियतेची पावतीच आहे, यात काही वाद नाही.

-दिलीप बिरुटे

योग्य उत्तरे देउनही त्यांना शिव्या घालणे थांबेल अशी वेडी आशा बाळगायला तुम्ही कुठून शिकलात विमेकाका?

विरोध करणार्याला आपण कितीही खरे सांगीतले,तरी त्याचे समाधान होत नाही.
त्याचा हेतु फक्त विरोधासाठी विरोध असतो.

काही कामे अशी असतात की बाह्यदर्शनी त्यांचे महत्त्व दिसून येत नाही पण समाजासाठी व देशासाठी त्यांचे महत्त्व नक्कीच असते.

त्यापैकी सर्वात महत्त्वाचे म्हणजे जात व पैसा या दोन गोष्टी न बघता त्यांनी अनेक तरुणांना घडवले, त्यांच्यातील नेतृत्वगुण विकसीत केले.

माणसाच्या जातीपेक्षा त्याच्या योग्यतेला किंमत देणारा व मोठ्या प्रमाणात यशस्वी झालेला पक्ष म्हणजे शिवसेना.

कुठलेही संकट असो वा अपघात, शिवसैनिक अर्ध्या रात्रीही मदत करायला सज्ज असतात. माध्यमांतून नेहमी असे चित्र उभे केले जाते की शिवसेनेचे कार्य केवळ मुंबईतच आहे पण गेल्या तीन दशकांपासून महाराष्ट्राच्या कानाकोपऱ्यात ते कार्य जोमाने सुरू आहे.

९५ साली युती सत्तेमध्ये आल्यावर अनेक लोकोपयोगी व राज्याच्या दीर्घकालीन हिताच्या अनेक योजना यशस्वीपणे राबविण्यात आल्या त्यापैकी अनेक योजनांमागे बाळासाहेबांची प्रेरणा व दूरदृष्टी होती. मुंबई - पुणे द्रुतगती महामार्गासाठी १९९१ सालीच तत्कालीन मुख्यमंत्र्याकडे (श्री शरद पवार) बाळासाहेबांनी प्रस्ताव मांडला होता ज्यावर अंमल झाला नाही. पण युतीच्या काळातच तो प्रकल्प जोमाने राबवण्यात आला.

अन सर्वात महत्त्वाचे म्हणजे देशहिताकरिता वाजपेयींसारख्यांचे पंतप्रधानपदी राहणे आवश्यक होते. त्यासाठी देशातील अनेक प्रादेशिक पक्ष ब्लॅकमेलिंग करत असत व आपापल्या राज्याकडे अवाजवी निधी वळवून घेत असत. बाळासाहेबांनी उदार मनाने बिनशर्त पाठिंबा दिला होता. देशहितासाठी महाराष्ट्राने मोठ्या भावाची भूमिका निभावत त्याग केला. त्यामागे बाळासाहेबांचेच खंबीर नेतृत्व होते. राज्यहितापेक्षा राष्ट्राहिताचा विचार करणारे नेते म्हणजे बाळासाहेब.

विश्वनाथ मेहेंदळे - Sat, 17/11/2012 - 14:11
नवीन

Times of India च्या संकेत स्थळावर बाळासाहेबांबद्दल कुठलीही बातमी असेल तर खाली अनेकांनी शिव्यांची लाखोली वाहिलेली असते. त्यात एक प्रश्न नेहमी विचारतात हे लोक, की या माणसाने मुंबईसाठी, महाराष्ट्रासाठी किंवा मराठी माणसासाठी नेमके काय केले? एकेकाळचा सेनेचा मतदार असूनसुद्धा समोरच्याच्या तोंडात मारल्यासारखे उत्तर मला देता येत नाही. कुणी इथे सांगू शकेल काय?

वि.मे. ....कालच्या बाळासाहेबांच्या अंत्ययात्रेला, अंत्यदर्शनाला २० लाखाहून जास्त जनता उपस्थित होती...
एखाद्याच महात्म्याचा मृत्यू हा पंचत्वात विलीन होण्याचा एक सोहळा असतो. आणि त्याच्या अंत्यविधीला 'न भूतो न भविष्यति'...अशी गर्दी होणं.. हे हजारो वर्षातून एकदाच होतं...

बहुतेक टा.ऑ.ई. च्या टीकाकारांना काल सणसणीत उत्तर मिळालं असेल!!!.....