राजकीय पुढाऱ्यांची गाजलेली (विनोदी) विधाने

दादा कोंडके या माणसाविषयी थोडाफार आदर आहे. पण त्याची शिवसेनेच्या प्रचाराच्या वेळची केलेली भाषणे फारच खालच्या लेवलची होती. कोल्हापुर येथे भाषणात "बाळासाहेबांना पकडणार म्हणजे त्यांचे काय पकडणार?" असे बोलण्यापर्यंत मजल गेली होती. (नंतर लगेच "संपुर्ण बाळासाहेब तुम्हाला कधीच सापडणार नाही" असे बोलून टाळ्या घेण्याचा प्रयत्न केला होता). अर्थात दादांच्या या भाषणाला कोल्हापुरकरांनी हशा दिला आणि टाळ्या वाजवल्या याचे जास्त वाईट वाटले.

एकदा शंकरराव चव्हाण यांच्याविषयी दादांनी असे उद्गार काढले होते. "शंकरराव आणि त्यांच्या पत्नी आतमध्ये आहेत आणि त्यांच्या पत्नी XXXX पहात आहेत". त्या काळात ना.धो. ताम्हनकराचा मानसपुत्रावर आलेली गिरीश घाणेकर दिग्दर्शित एक सिरीयल खूपच प्रसिद्ध होती. XXXX च्या जागी दादांनी त्या सिरीयलचे नाव घेतले होते त्यामुळे भलताच अर्थ निघत होता. अशा त्यांच्या बोलण्यावर शंकररावांनी टिका केली असता खुद्द बाळासाहेबानी दादांची खरडपट्टी काढली होती.