गोळाबेरीज

गोळाबेरीज पु लं च्या जीवनावर /व्यक्तिरेखांवर आधारीत काहीतरी कलाकॄती (नाट्य/चित्रपट) बनवण्याचा आणखी एक फसलेला प्रयत्न. पु लं चे शब्द इतके चपखल आहेत की एकाही शब्दाला इकडचे तिकडे करता येण शक्य नसत. आणि पटकथेसाठी असं थोडसं करावं लागलं की ऐकताना खटकतं. आणि त्याहून कठिण म्हणजे त्याच्यासारखा आवाज काढणे. अलूरकर/ दूरदर्शन यांच्यामुळे पु. लं चा आवाज इतका डोक्यात बसालाय की दुसर् या कुणाच्याही तोंडून तो ऐकवत नाही. अगदी दिलीप प्रभावळकर सारख्या दिग्ग्जालाही अन्तु बर्व्याच्या जवळपासदेखिल फिरकता आलं नाही. प्रभावळकरांनी आवाजात हेल काढून अन्तु बर्व्याला रत्नागिरी ऐवजी सिन्धुदुर्गात नेले. बाकी व्यक्तिरेखांची अशी सरमिसळ आहे की त्या अजिबात सुसूत्रता नाही. स्थळे अशी निवडली आहेत की फक्त कीव कराविशी वाटते. सर्वात जास्त वाट लावली आहे ती "इथेच टाका तम्बू" या आयट्म साँग ने.. घरी येउन पु. लं. चे कथाकथन ऐकुनच नॉर्मल ला येउ शकलो. :-) थोडक्यात म्हणजे "जमत नाही तर कशाला उगाच उंन्टाच्या शेपटीच्या बुड्ख्याच मुका घ्यायच म्हणतो मी sssss"