अजून एक अतिरेकी जमात!

मलाही आश्चर्य वाटले. मग ९४ अमेंडमेट्स केल्या ते काय होते?

पाटकरांनीही होली काऊ हा सर्वसामान्य भारतीय ज्याच्याशी अपरिचित आहेत तो शब्द का वापरला कळत नाहीत. त्यातही माझ्या मते सॅक्रीड काऊ हा जास्त बरोबर आहे. होली काऊ आजकाल इतरच अर्थाने वापरलेला दिसतो.

:(

अवांतर : "चर्चा" यावर क्लिकले असता, अजून एक अतिरेकी जमात! : मुम्बईतील मिपाकर असे वाचले.....
;)
(मेलो.... ठारलो...... पळा आता....)

-सूर्यपुत्र.

आंबेडकरांनी त्या काळाला अनुरूप अशी घटना लिहिली होती.
त्यात बदल करायलाच हवेत.
फक्त ते केले की बहुजन समाजाची प्रगती थांबली असा अर्थ होत नाही.
पण वाद घातले नाहीत तर मग राजकारण कसं चालणार?

बाबासाहेबांचं योगदान हे "घटना समिती" का "मसुदा समिती"चे अध्यक्ष म्हणुन नक्कीच मोठे आहे.
त्यांनी एकट्यानी असं काहीही केलेलं नाही घटनेबाबत. कित्येकदा त्यांच्या नावाने बोटे मोडाणारेही हे विसरतात की घटना समितीत इतर सदस्य होते. घटना ही तत्कालीन संसदेने आणि लोकनियुक्त व्यवस्थेने स्वीकारलेली होती.
बाकी चालु द्यात.

--मनोबा

भारतियांची आंधळी व्यक्तीपूजा काही संपणार नाही हेच खरं...

०१. काही आठवड्यांपूर्वी आयबीएन-लोकमतवर अण्ण हजारेंची जाहिर / लाइव्ह मुलाखत झाली होती. त्यात एका प्रेक्षकाने दूरध्वनीवर असे विचारले की दलितांमधे असे पसरवले जात आहे की बाबासाहेबांनी लिहिलेल्या घटनेच्या बाहेर जाऊन तुम्ही काही मागत आहात इत्यादि... त्यावर अण्णांचे उत्तर तर अजूनच मजेशीर. "बाबासाहेबांनी लिहिलेली घटना बदलण्याचा आम्ही विचारदेखिल करू शकत नाही..." वगैरे...

०२. आजच एका इंग्रजी मासिकाच्या जुन्या अंकात वाचले : कॉम्रेड ज्योती बसू यांचे देहावसान झाल्यावर त्यांचे शरीर वैद्यकीय कारणासाठी वापरण्याकरता दान केले होते. तर ते ज्या वैद्यकिय महाविद्यालयाला देण्यास आले तेथील डॉक्टरांनी त्यांच्या पार्थिवाचे शैक्षणिक कारणाकरता विच्छेदन करण्यास नकार दिला. कारण हेच की, त्यांच्याबद्दल आम्हाला अपार श्रद्धा आहे आणि त्यामुळे आम्ही हे करू धजत नाही. तिथेच अजूनही काही कॉम्रेडांचे पार्थिव देह प्रक्रिया करून ठेवण्यात आल्याचाही संदर्भ त्या लेखात होता. वाचून गंमत वाटली.

बाबासाहेब नक्कीच मोठे होते. त्यांनी केलेलं कार्य केवळ एक दोन नव्हे तर लाखो लोकांचा उत्कर्ष साधून गेलं / साधत आहे / साधेल. पण म्हणून अशी आंधळी व्यक्तिपूजा त्याज्य आणि निषेधार्हच.

बाकी राजकारण वगैरे चालु द्या... त्यातूनही सुटका नाही हे ही आहेच.

व्यक्तिपुजा करायलाही हरकत नाही, पण निदान त्यांचे अनुकरण तरी पूर्णत: करा.

१. त्यांनी १६ / १८ तास कष्ट करून विदेशात उच्च शिक्षण घेतले.
२. त्यांचे छायाचित्र नीट पाहा, त्यात त्यांची मुद्रा प्रसन्न दिसतेय. चेहरा गुळगुळीत व स्वच्छ दाढी केलेली आहे. डोक्यावरील केस नीट विंचरून व्यवस्थित भांग पाडलेला. शर्टाच्या सर्व गुंड्या लावल्या असून त्यावर नेकटाय व कोटही परिधान केलाय.
३. मुद्देसूद व सौम्य आवाजात ते आपले बोलणे मांडत.

गंमत म्हणजे त्यांच्याशी संबंधित (जयंती / पुण्यतिथी / परिवर्तन दिन) उत्सवांमध्ये जे लोक मिरवणूकांत नाचत असतात त्यांच्यापैकी अनेक जण
१. अर्धशिक्षित / अशिक्षित असतात.
२. शर्टाच्या दोन चार गुंड्या तुटलेल्या अवस्थेत किंवा शर्ट नसून केवळ बनियन (गडद रंगाचा), दाढी अस्ताव्यस्त वाढलेली, केस विस्कटलेले व भांग तर दिसतच नाही (भलतीच भांग चढलेली असते).
३. कर्कश्श आवाजात ओरडत, मुन्नीच्या गाण्यावर गात ठेका धरत कसेही नाचत असतात.

ही व्यक्तिपूजा म्हणायची का? यापेक्षा मोठा अपमान तो दुसरा कोणता?

त्यांची खरंच व्यक्तिपूजा करायची असेल तर असे अजून शेकड्याने, हजाराने बाबासाहेब घडवा. केवळ त्यांचा समाजच नव्हे तर देशही प्रगतिपथावर जाईल.

अजून एक अतिरेकी जमात!

म्हणजे यापूर्वीपासून कमितकमी एक तरी अतिरेकी जमात अस्तित्वात आहे असा तुमचा म्हणायचा अर्थ दिसतो. म्हणून -१

बाकी डॉ.आंबेडकरांना मी मानत असलो तरी राज्यघटनेत दुरूस्ती किंवा ती पूर्णपणे बदलून नवी राज्यपध्दती स्विकारणे यात आंबेडकरांच्या मोठेपणाचा अपमान होतो असे मला व्यक्तिश: अजिबात वाटत नाही.स्वत: आंबेडकर व्यक्तिपूजेच्या विरोधात होते आणि त्यांच्याच नावाने माजविलेले व्यक्तिपूजेचे स्तोम ही खरोखरच दुर्दैवी गोष्ट आहे.मोठ्या नेत्यांचा सर्वात मोठा पराभव त्यांचे अनुयायीच करतात हेच खरे!! आणि तुमचे हे मत मान्य म्हणून +१

घटना वा कायदे बदलून सुध्दा या देशात काही बदल होणार नाही. लोकांची मानसिकता बदलायला पाहिजे. लहानपणीच प्रत्येक मुलाला, समंजस नागरिक बनण्याच्या दृष्टीने शिकवण दिली पाहिजे तर निदान पुढच्या पिढीनंतर काही बदल दिसू लागतील.

हा विष्णू शिंदे म्हणजे फार प्रसिद्ध माणूस आहे, त्याच्यामागे फार मोठी शक्ती आहे असे नाही पण असले प्रकार वाढत आहेत हे घातक आहे. आणि अर्थातच आंबेडकरांना मानणारा (निवडणुकीच्या दृष्टीने) एक महत्त्वाचा अल्पसंख्य गट असल्यामुळे त्याविरुद्ध बोलण्याची कुठल्या राजकीय पक्षाची हिंमत होणार नाही.
व्यक्तीपुजेचा फायदा राजकारण्यांसाठी फार लाभाचा होतो... आणि मिळेल ती संधी ते (राजकारणी) कधी सोडणार नाहीत...
आता एक ताजेच उदाहरण पहा ना :--- दादर स्थानकाचे नाव बदलण्याचा प्रयत्न !
दादरला बॉब्मस्फोट घडु नये यासाठी मात्र हेच राजकारणी काही "निर्णायक" पावले उचलणार नाहीत... कारण त्यांना नामांतराचे राजकारण खेळण्यात रस आहे...जनतेचे रक्षण हा मुद्दा गौण झाला.
राज्यभर छत्रपती शिवाजी महाराजांचे पुतळे उभे आहेत्...त्याच राज्यात बलात्कार/दरोडे/घरफोड्या यांची कमी नाही. :(
असो... हिंदुस्थानी जनता जो पर्यंत विकासाच्या आधारावर मतदान करायला शिकत नाही तो पर्यंत हे सर्व असेच चालत राहणार ! :(

जाता जाता :--- सध्या "आरक्षण" हा चित्रपट प्रदर्शन करण्यास विरोध होत आहे. या विषयावर लवकरच वर्तमानपत्र/वृत्त वाहिन्या भरभरुन माहिती देतील.

घटना पूर्ण बदलयाची झाली तर घटना समितीचा अध्यक्ष कोणाला करवा ?
१) दिग्विजय सिंग
२) कपिल सिब्बल
३) राहूल गांधी
.....यावर कौल फोडाव असं म्हणतोय