चिकन आचारी कबाब

मी slovakia ला आल्यावर केलेली सगळ्यात पहिली recipe.

साहित्य :

बोनलेस चिकन - ५०० ग्रॅम
ढोबळी मिरची - १/२
कांदा - १/२
दही - ३ चमचे
आले लसुन पेस्ट - १ चमचा
लाल तिखट - १ चमचा
गरम मसाला - १/२ चमचा
काळी मिरी पावडर - १/२ चमचा
आचारी मसाला (बेडेकर चा तयार लोणच्याचा मसाला वापरला तरी चालेल) - १ चमचा
बटर - २ चमचे
मिठ चवीनुसार
चाट मसाला चवीनुसार
कबाब भाजण्यासाठी वापरतात, त्या सळ्या किंवा लाकडाच्या sticks

कॄति :

१. चिकनचे मध्यम आकाराचे तुकडे करुन घ्यावेत. त्याच प्रमाणे ढोबळी मिरची व कांद्याचे मोठे तुकडे करावे.
२. चिकनला दही, आले लसुन पेस्ट , लाल तिखट, गरम मसाला , काळी मिरी पावडर , आचारी मसाला व मिठ लावुन १-२ तास marinate करावे. ह्या मधेच कांदा व ढोबळी मिरची टाकुन marinate करावे.
३. oven २५० degree celcius वर १० min preheat करावा.
४. सळ्यांना थोडे बटर लावावे.
५. प्रत्येक सळई मधे ढोबळी मिरची, चिकन आणि कांदा ह्या क्रमाने लावावे.
६. ह्या सळ्या oven मधे ठेवुन २५० degree celcius वर १० min ठेवाव्यात.
७. १० min नंतर oven मधुन काढुन बटर लावावे आणि परत oven मधे ठेवावे.
८. ५-७ min नंतर कबाब तयार होतील.
९. serve करताना वरून चाट मसाला लावावा.

टिप :

१. शाकाहारी लोकांनी ह्या मधे चिकन एवजी पनीर किंवा मश्रुम वापरावे.
२. हे कबाब oven किंवा grill मधे करु शकतो.