[खुलासा] एकोळी धागे

एकोळी धाग्यांऐवजी ख्.फ. चा वापर संयुक्तिक नाही का?
कित्येक धागे हे खफ वर जास्त योग्य वाटले असते.

धागा हा शब्दांच्या संख्येने मोजला जावा हे मलाही पटत नाही. तस्मात या बाबतीत धागाकर्त्याशी सहमत.

अर्थात मोजून चार शब्दातही खूप काही सांगता येतं आणि वाचणार्‍याचे खूप विचार जागे करता येतात.

आणि चार पाने लिहूनही त्यात अंशभरही मुद्दा नसू शकतो.

तेव्हा काय लिहिलंय हे महत्वाचं. नुसती लांबी नव्हे.

"एकोळी धागे टाकू नयेत" अशा कन्व्हेन्शनचा याचा मूळ उद्देश नक्कीच तथ्यपूर्ण आहे. उगीच स्पॅम म्हणून "काय म्हणता?", "कसं काय?" अशा अर्थाचे हजारो धागे येऊन फोरमचा मूळ हेतू धोक्यात येऊ नये म्हणून जनरली असं म्हटलं जातं.

फायनल मत देताना मात्र जे लिहिलंय (सो कॉल्ड बरं, वाईट..) त्याने वाचणार्‍याच्या मनात काय निर्माण होतं त्यावर अवलंबून द्यावं.. फक्त शब्दसंख्येवर नव्हे.

.........................

उदा: नोकरीचा शेवटचा दिवस.
----
माझ्या सहकर्मचारी मित्रांनो,

आज माझा या कंपनीतला शेवटचा कामाचा दिवस आहे. या दहा वर्षांत मी इथे खूप काही शिकलो. माझ्या सहकार्‍यांकडून आणि वरिष्ठांकडून वेळोवेळी सहकार्य आणि कौतुकाची थाप मिळाली.

जसे गोड तसेच कडू अनुभव येणारच. या सर्वांतूनच मी शिकत.....

इ इ इ इ...

.............................

या सर्वांपेक्षा जास्त इम्पॅक्टः

"गुडबाय. मित्रांनो. (पूर्णविराम)"

एवढ्या एका ओळीनेही येऊ शकतो. ही एक ओळ जास्त थॉट प्रव्होकिंग आणि बोलकी ठरते. त्या व्यक्तीच्या दहा वर्षांची श्रीशिल्लक दाखवते.

असो.

माझ्या निरीक्षणानुसार मिपासंस्कृतित जर तुम्ही एखादी लिन्क देत असाल तर तिथे काय लिहिले आहे ह्याबद्दल व धागाकर्त्याचे स्वतःचे मत वगैरे देणे आवश्यक आहे असे वाटते.
एकोळी वा दोनोळी धाग्याच्या नावाखाली काही लिन्कस द्यायच्या आणि तिथे जाऊन काय ते वाचा आणि इथे आपले मत नोंदवा असे वाचकांना म्हणणे म्हणजे एखाद्या लग्नात जायचे जेवायला दुसर्याच कुठल्यातरी हॉटेलात आणि हात धुवायल परत कार्यालयात असा प्रकार झाला.
लिन्क्स द्यायच्या नावाखाली उद्या कोणीही दहा बारा वर्तमानपत्रांच्या लिन्क्स देईल आणि अमुक अमुक बातमी वाचा आणि त्याच्याबद्दल तुमचे मत इथे लिहा अश्या आशयाचा धागा काढला तर चालणार आहे का?
मुळात बरेच जण मिपावर येतात ते इथले अस्सल लेखन/प्रतिक्रिया वाचायला तिथे जर कुणी असा फक्त लिन्क्स असणारा धागा वाचायला उघडला तर "जोशी दुसरीकडे राहतात उगाच इथे चौकशी करु नये" टाईप अपमान झाल्याचा फिल येतो.

धागे कसे का असेनात चालतात ..
पण तुमचे मत द्या असे म्हणुन स्वताचे मत न देणार्या माणसांचा मला राग आहे.
बाकी
एका ओळीत .. दोन ओळीत किंवा शंभर ओळीत काय आहे हे महत्वाचे.

अहो पण त्या एकोळी धाग्यात तुमचे मत काय? अन केवळ दुसर्‍या लिंका द्यायला हे काही सर्च इंजीन नाही.
म्हणूनच एकोळी धागा जर काढायचाच असेल तर तुमचे मतही व्यक्त करत चला म्हणजे तो निश्वितच एकोळी धागा होणार नाही, काका.

मिपा हे फेसबुक नाही आणि चर्चा या स्टेटस अपडेट्स पेक्षा वेगळ्या असतात.

चर्चा करायची असेल तर त्या चर्चेला स्वतःचे मत काय आहे ते नोंदवून मगच सुरुवात करावी. लिंक देऊन त्यामध्ये मांडलेले मत आपले असेल तर ते तसे तरी नमूद करावे.
मिपा हे मराठी लोकांसाठी व्यक्त करण्याचे व्यासपिठ असले तरीही कोणाही धागाकर्त्याने या व्यासपीठावर येऊन.. घ्या लिंक आणि करा चर्चा.. असा अ‍ॅटूट्यूड ठेवणे योग्य नाही.
तेव्हा.. मिपाचा उपयोग योग्य रितिने चर्चा करण्यासाठी करावा ही विनंती.