साहित्य :- वीस-पंचवीस मोठे आवळे, एक वाटी मीठ, एक वाटी तेल, पाव वाटी मोहरीची डाळ, अर्धी वाटी मिरची पावडर, तीन टे.स्पुन जिरे, तीन टे. स्पुन ओवा, दोन टे. स्पुन पांदेलोण.
कॄती :- प्रथम आवळे चाळणीवर ठेवुन सात-आठ मिनिटे वाफ़वून घ्या, नंतर त्यातील बिया काढून टाका,
प्रत्येक आवळ्याच्या चार फ़ोडी हलक्या हाताने करा, नाहितर लगदा कराल, मोहरीची डाळ थोडावेळ उन्हात
ठेवावी, व नंतर त्याची पुड बनवा, पुड खुप बारीक नको. त्यात थोडे म्हणजे अर्धी वाटी पाणी घालुन ती चांगली फ़ेसुन घ्यावी.ओवा-जिरे न भाजता पूड बनवा,आता हे सगळे एकत्र करा. एक स्वच्छ बरणी घेउन त्यात् तळाला थोडे मीठ पसरवा, व त्यात सर्व एकत्र कालविलेले आवळे फ़ोडी सह भरा. तेल चांगले गरम करुन गार करा, त्यावर तेल घाला. ही बरणी रोज सकाळपासून दुपारपर्यंत उन्हात ठेवा ..आठ-दहा दिवस ठेवा.
आठ- दहा दिवसानंतर मस्त आवळा लोणचे तय्यार.
प्रतिक्रिया
12 Dec 2010 - 10:36 pm | पैसा
आताच तोंडाला पाणी सुटलंय. मी काल आवळे आणलेत. पण मोहरी फेसून पाकृ कुठे मिळत नव्हती. उद्या करतेच!
12 Dec 2010 - 10:39 pm | निवेदिता-ताई
कर ग उद्याच...आणी दे इकडे पाठवुन...चव घेउन सांगीन कसे झालेय ते..
13 Dec 2010 - 4:23 am | भानस
तोंपासु... :) लगेच करावेसे वाटतेय पण.... इतक्या स्नोमध्ये आता कुठून आणावे.... :(
फोटो दिला आहेस का गं बरोबर... ( का फक्त मलाच दिसत नाहीये?? )
14 Dec 2010 - 2:58 am | रुपी
डाळ फ़ेसुन घ्यावी म्हणजे नक्की काय? आणि मग पाण्यासहीत घालायची का लोणच्यात?
14 Dec 2010 - 10:31 am | निवेदिता-ताई
हो थोडे पाणी घेउन चांगली गुळगुळीत होईपर्यंत फ़ेसायची..मोहरी डाळ..त्यामूळेच चविष्ट होते लोणचे.
14 Dec 2010 - 9:47 am | आंसमा शख्स
लहानपणी फार खायचो.
एका मित्राच्या घरी मिळायचे म्हणून दर उन्हाळात त्यांच्या कडे सारखा जायचो.
आवडले आता करून पाहतो.
14 Dec 2010 - 11:16 am | परिकथेतील राजकुमार
फोटु ??
धाग्याचा निषेध !!
14 Dec 2010 - 9:02 pm | पैसा
पण मी कालच केलंय म्हणून अजून खार नाही सुटला.