मुगाची खिचडी आणि फोडणी

रामराम मन्ड्ळी.

मिपा वरील हे माझे पहिलेच लेखन. मिपची आणि माझी गाठ आन्तरजालावरती मिसळची पाकक्रुती शोधताना पडली. मिपा वरील अनेक पाकक्रुती पाहून या कट्याच्या प्रेमात पडलो. हिन्दुस्थानात लग्न होइपर्यन्त खाणवळीत पोट भरत होतो लग्न झाल्यावर बायकोच्या हातचे आयते पदार्थ गिळत होतो.

साइटनिमित्त देशाच्या बाहेर पडलो आणि खायचे वान्धे झाले. मग बोंबलत आन्तरजालावर पाकक्रुती शोधत हिण्डू लागलो. प्रवास शेवटी मिपा वर येउन थबकला आणि आम्हि इथेच वस्ति करयचे ठरवले. विश्वास ठेवा, मी प्रथम आठवडाभर मिपावर फक्त पाकक्रुतीच आहेत असे समजत होतो. नन्तर येथिल विविधता पाहुन इथला सदस्य होण्याचा निर्णय घेतला.

मिपाचा सदस्य झालो तेव्हा नविन भप्कर प्रकरण चालु झाले आणि मी या परिवारचा सदस्य बनु शकेन का? असा प्रश्न पडला आणि मी थांबलो. तरी मिपावर रोजच पडिक आसयचो.

शेवटी सगळ्या शंका मिटल्या. असो. जरी मिपावरिल बल्लवचार्यांच्या क्रुपेमुळे थोडफार स्वयंपाक जमत असला तरी सुरवातीच्या दिवसांमधे मुगाच्या खिचडीने माझ्या पोटला आसरा दिला.

सहित्य :
खिचडीसाठी
तान्दुळ ३ वाटी
मुगाची डाळ १ वाटी
हळद चिमुट्भर
मिठ
फोडणीसाठी
तेल २ चमचे
लसूण २-३ पाकळ्या
मोहरी १ टीस्पून
जिरे १ टीस्पून
हिन्ग चिमुट्भर
कढीपत्ता ५-६ पाने
मिरची पुड मानवेल तशी

क्रुती :
१. डाळ व तान्दुळ धुवून घ्यावेत.
२. यात साधारणपणे ८ वाटी पाणी टकावे. चवीनूसार मीठ आणि चिमुट्भर हळद टाकून बिनधास्तपणे कुकर लावुन द्यावा. ३. कुकरची एक शीटी झाल्यावर गॅस बन्द करून टाका व थन्ड व्हायची वाट पहा.
४. एका छोट्या कढई मधे तेल गरम करा. तेल गरम झाल्यावर यात मोहरी टाका. मोहरीचा तडतडण्याचा आवाज आला कि त्यात हिन्ग आणि जिरे टाका.
५. आता या तेलात लसूण आणि कढीपत्ता टाका. लसूण थोडा लालसर होत आला कि त्यात मिरची पुड टाका, मिश्रण ढवळा आणि गॅस बन्द करा. फोडणी तय्यार.
६. आता प्लेट्मधे खिचडी घ्या आणि त्यावर थोडीशी फोडणी टाका. मिक्स करा.
७. सोबत भाजलेला पापड आणि लोणचे घ्या आणि ताव मारा.

अवान्तरः
१. मला साधारपणे मऊ खिचडी आवडते म्हणुन मी जास्त पाणी घालतो.
२. शिजवताना या खिचडीमधे मोड आलेले चणे (छोले नाही) घातले कि खिचडीची चव अफाट वाढते.