From माधुर्य
साहित्य:- मटार एक वाटी, बटाटा एक मध्यम,एक कांदा,मिरची-लसूण -आले पेस्ट एक चमचा, कढीपत्ता,मीठ, साखर एक चमचा, मैदा एक वाटी, तळणीसाठी तेल.
कॄती:- प्रथम मैदयात एक चमचा कडकडीत मोहन घालून व किचिंत मिठ घालून घट्ट मळून ठेवा.
कांदा बारीक चिरावा, मटार वाफ़वून घ्यावा,बटाटा उकडून घ्या,फ़ोड्णी करून त्यात कढीपत्ता टाका,आले-लसूण-मिरची पेस्ट घाला,कांदा घाला चांगला परतून घ्या नंतर त्यात वाफ़वलेले मटार,बटाटा फ़ोडी घाला , चवीनूसार मिठ,साखर घाला, थोडी कोथींबीर बारीक चिरुन घाला.हे झाले सारण तयार.
आता भिजवलेल्या पिठातील थोडे पिठ घेउन त्याची पारी लाटून घ्या , त्याचे दोन भाग करा, प्रत्येक भागात सारण भरुन त्याचे सामोसे बनवा,कड्क तेल तापवून त्यात तळून घ्या..गरम सर्व्ह करा. यात चिंचेचे गोड पाणी ही घालून खातात.
प्रतिक्रिया
23 Sep 2010 - 8:54 pm | मेघवेडा
हायला निवेदितातै फॉर्मात हायेत! :D
लै लै भारी!
23 Sep 2010 - 8:55 pm | पैसा
करून बघायला हवेत. बरोबर चटणी कसली चांगली लागेल?
23 Sep 2010 - 9:03 pm | मेघवेडा
सामोसे नारळाच्या, खजुराच्या, चिंचगुळाच्या, तीळाच्या, कारळ्याच्या, जवसाच्या, भोपळ्याच्या, भोपळीच्या अशा कुठल्याही चटणीसोबत उत्तम लागतात अशी आमची 'श्रद्धा' आहे!
- (सामोसेप्रेमी) मेघवेडा.
23 Sep 2010 - 9:10 pm | पैसा
("देवा तू पाव" च्या चालीवर) असे च म्हणते.
23 Sep 2010 - 10:20 pm | इंटरनेटस्नेही
असेच म्हणतो.
(रोज किमान ३ समोसे खाणारा)
23 Sep 2010 - 10:52 pm | पक्या
ह्म्म.
सामोशाच्या मूळच्या रेसिपीमध्ये कांदा नसतो.
पण बाकी इतर आवृत्त्यांमध्ये सारणासाठी पालक , पनीर , खिमा, इतर मिक्स भाज्या वगैरे घालतात त्यावेळी कांदा घालत असावेत.
पण मूळ मटार , बटाटा हे सारण वापरुन केलेल्या सामोशात कांदा मी अजूनपर्यंत पाहिला नाही.
23 Sep 2010 - 11:13 pm | पिवळा डांबिस
मूळ मटार , बटाटा हे सारण वापरुन केलेल्या सामोशात कांदा मी अजूनपर्यंत पाहिला नाही.
सहमत!
आणि अस्सल समोश्याच्या सारणात कढीपत्ता घातलेलाही माझ्या पहाण्यात आलेला नाही...
24 Sep 2010 - 1:41 am | मितान
मला अजिब्बात प्रसन्न न होणारा पदार्थ ! ( खाताना नाही; बनवताना )
खूपदा समोशांची पपडी चाट बनवून खावी लागली आहे :(
आता तुझ्या पद्धतीने पण करून बघेन..
24 Sep 2010 - 7:28 am | निवेदिता-ताई
कढीपत्ता आणी कांदा घालून तर पहा.......काय मस्त चव येते ते ?????
24 Sep 2010 - 8:19 am | चिंतामणी
वेगळ्या सारणाचा सामोसा खाउन बघायला आवडेल नक्की.
(सामोश्यातील टिपीकल सारणाचा कंटाळा आला होता).
24 Sep 2010 - 10:23 am | सदाची पहुणी
सारणामढ्ये जाडसर लवन्ग आणी बडीषेप घालुन बघा.
24 Sep 2010 - 11:37 am | काजुकतली
येस्स्स्स.. पंच फोडण (मोहरी,जिरे, मेथी, बडिशोप, कलोंजी) घालुन भाजी केली तर मस्त लागेल एकदम...
कोणीतरी वेज समोसा - आत पोहे भरलेला पट्टी समोसा - त्याचीही रेसिपी टाका ना.... परवाच ठाण्याला राजमाताचा खाल्ला....
24 Sep 2010 - 12:16 pm | परिकथेतील राजकुमार
छे काय हे ? चटावरचे श्राद्ध उरकल्यागत पाकृ उरकली आहे. थोडे विस्तारानी, सारणाचे फोटु वगैरे टाकुन अजुन खुलवली का नाही ? सामोसा हा जेवढा आवडीने खायचा विषय आहे तेवढाच आवडीने वाचायचा देखील ;)
**फोटु आंतरजालावरुन ढापलेले आहेत.
24 Sep 2010 - 1:22 pm | निवेदिता-ताई
धन्यवाद...........
27 Sep 2010 - 3:29 pm | स्वैर परी
नमसकार ! बाकि सगले थिक दिस्तेय, पन ती पारि लातुन मग समोस्याचा शेप कसा देतात हे कुनितरि सान्गावे!
4 Oct 2010 - 12:04 pm | सविता००१
नमस्कार. मी पहिल्यान्दाच लिहिते आहे. याच सारणात थोडिशी बडीशेप, गरम मसाला आणि धणे घातले की पन्जाबी सामोसा होतो.
शिवाय कडकडीत तेलात न तळता तेल तापले की मन्द आचेवर सावकाश तळावेत. याला वेळ लागतो पण अतीशय खुसखुशित होतात.