बीटची बर्फ़ी

साहित्य : २ मोठे बीट, खवा अर्धा पावशेर, साखर १ मोठी वाटी,वेलदोड्याची पुड १ मोठा चमचा,बारीक तुकडे केलेले काजु अर्धी वाटी, १ चमचा तुप, बर्फ़ी वर लावायला चांदीचा वर्ख.
From RecipeeFrom RecipeeFrom RecipeeFrom RecipeeFrom Recipee

कृती :- प्रथम बीटची साले काढुन घेउन ते किसुन घ्यावे. किसलेले बीट मिक्सरमधुन बारीक करुन घ्यावे. मिक्सरवरुन बारीक केलेले बीट जाड बुडाच्या कढईत कोरडे होईपर्यंत परतुन घ्यावे. कोरडे झालेले बीट एका डीश मधे काढुन घेउन त्याच कढईत खवा परतायला घ्यावा.खवा चांगला लाल होइपर्यंत भाजावा. खवा लालसर झाल्यावर त्यात आधी परतुन घेतलेले बीट घालुन त्यातच साखर घालावी आणि मिश्रण एकजीव करुन परत घट्ट होइपर्यंत परतावे.हे मिश्रण घट्ट होत आले की त्यात वेलदोड्याची पुड आणि काजु घालावेत. मिश्रणाचा थापता येइल असा गोळा तयार झाला की तो तुप लावुन ठेवलेल्या डीश मधे घेउन वर प्लॅस्टीकचा कागद ठेऊन एकसारखे थापावे... थोडे कोमट झाले की त्याच्या वड्या पाडाव्यात आणि त्यावर चांदीचा वर्ख लावुन लावुन त्या वड्या डीश मधे काढुन सर्व्ह कराव्यात.From RecipeeFrom Recipee

टीप :- आपण असेही या वड्या करु शकतो. कोरडा झालेला बीट आणि खवा एकत्र करुन परत चांगले परतुन घ्यावे. घट्ट होइपर्यंत. आणि गार झाल्यावर त्यात पिठीसाखर घालावी जसे आपण बेसनाच्या लाडवाला घालतो तसे आणि वड्या थापाव्यात.