विकांताची खादाडी : राजस्थानी भेंडी आणी एक बोनस !!

डिसक्लेमर : वरील शिर्षकाचा आमचे मित्र 'भेन्डी बाजार' ऊर्फ 'प्रसन्न'चा काहीही संबध नाही,तसेच प्रसन्न आणी प्रसनदा ह्यांचाही अजुनतरी मिपासदस्य असण्याखेरीज काहीही संबध नाही.
प्रेरणा : भेटली कधी तर माझा नमस्कार सांगा.
साहित्य : कणेकरांचे आणी शिरवाळकरांचे...आपल हे ...सॉरी..भेंड्या.
कढई
पातेल
बेसन पीठ
तेल
ई.ई.ई.

कृती :
सर्वात पहिले भेंड्या धुवुन घ्या.

मग त्या कापा.चिरताना खाली दिलेल्या प्रमाणे कापायच्या आहेत. आतील बिया काढुन घ्यायच्या,नंतर त्याची ही वेगळी पाकृ करता येते, पण ह्या पाकृत त्याची काही गरज नाही. ऊच्चभ्रु भाषेत अश्या प्रकारचा जो 'काप' आहे,त्याला'ज्युलियन्स' म्हणतात.(बर ज्युलिएट म्हणत नाहीत.)

चला आता मांत्रिक आय मीन तांत्रीकदृष्ट्या अतिशय महत्वाचा भाग. एकदा त्या चिरुन झाल्या की थोडा वेळ जाऊ द्या, जर भेंड्या एकदम डार्क ग्रीन असतील तर साधारण त्याला तासभर तरी हवा लागली पाहिजे(मला ह्या भेंड्या पार हिरवा ऑईलपेंट लावल्या टाईप भेटल्या होत्या बाजारात , त्यामुळे मी चांगला दिड-तास घालवला ,असो), काय गम्मत आहे बघा भेंडी तामीळ्नाड, पदार्थ राजस्थानी, बनविणारा मराठी ,बनवतोय कर्नाटकात,दिवस भारताचा स्वातंत्र्य-दिन!!
त्यानंतर , भेंडी एखाद्या पातेल्यात घेऊन,भेंड्यावर 'सुक्क्या' बेसनपिठाचा मारा करा. होय सुक्क बेसनपीठ , भेंड्याना ते बेसनपीठ लागल पाहिजे पण जास्त नाही.त्यामुळे मिश्रण चांगल हलवुन घ्या.
भेंड्या काढुन एखाद्या पेपरवर पसरवुन घ्या , माझ्या कडे पेपर नव्हता (प्लास्टिक होत.)

त्यानंतर त्या भेंड्या, चागंल्या खरपुर तळुन घ्या . गॅस मंद आजेवर असेल तर चांगल्या कुरकुरीत होतात.

तेलातुन काढुन घ्या.झाल्यानंतर एखाद्या स्वच्छ पातेल्यात काढुन घ्या. गरम असताना त्यामध्ये, काळी मिरी पावडर, लाल मिरची पावडर व मीठ चवीनुसार टाकुन एक जिनसी होईपर्यंत हलवुन घ्या. मस्त कुरकुरीत भेडी तय्यार ! विषेश : हिच पाकृ , भेंडी-फ्राय, सुनहरी भेंडी म्हणुनही प्रसिध्द आहे. सर्वात बेस्ट व्हेज चकना म्हणुनही ह्या पाकृचा वापर करता येतो.
टीप : अशाच प्रकारे आपण मासे ही बनवु शकतो. फक्त बेसनपिठाच्या एवजी कॉर्न-फ्लोवर वापरायच.

बोनस : अंड्याच फोडुन कालवण ..
साहित्य :
गावरान अंडे (ईंग्लीश घेतली तरी चालतील पण त्याला अंड्याच्या ह्या प्रकारात चव येत नाही)
कांदे
टमाटे
लाल मिरची पुड
लसुन-आले पेस्ट
मीठ
कडीपत्ता- कोथंबिर
ई.ई.

कृती :

कढईत ,कांदे ,लाल होईपर्यत,तळुन घ्या.
त्यात टमाटे टाका, एकजिनसी होईपर्यत हलवुन घ्या .
मग लाल मिरची पुड, लसुन आले पेस्ट टाका, पुन्हा एक जिनसी होईपर्यंत हलवुन घ्या.
मग कडीपत्ता टाका.
हे सर्व झाल्यावर पाणी घाला.
मिश्रणाला ऊकळी आली की मग त्यात अंडे टाका.(फोडुन टाकुन द्यायचेत,अंडे फेटायचे किंवा मिश्रण हलवायचे नाही)
आता वरुन मीठ आणी कोथंबिर टाका. थोडस पानी ही टाका
आता हे मिश्रण साधारण , मंद आचेवर , साधारण सहा मिनीटे ऊकळु द्या, झाकण ठेवायचे नाही.

त्यानंतर मी काही फुलके केले आणी दुपारचा भाताला जिरे-मोहरी,मिरची टाकुन परतवुन घेतला.

या मंडळी जेवायला !!

जाता जाता : आमचा मोबाईल कॅमेरा केवळ १.५ एम्.पी.चा आहे,भांडेही जरा कमीच आहेत.,कृपया संभाळुन घेणे.