आप्पे

आप्पे बनवण्यासाठी साहित्य:- ३ कप तांदुळ,१ कप उडीद डाळ, १ /२ कप खवलेला नारळ, चवीनुसार मीठ.

कृती:-

तांदुळ आणि डाळ वेगवेगळे ५-६ तास भिजत घालावेत.नंतर पाणी काढुन टाकुन मिक्सरमधुन वाटुन घ्यावे.{ तयार झालेले पीठ ५-६ तासचे झाकुन ठेवले तर आप्पे जस्त हलके होतात. लगेच करयचे असले तरि हरकत नाहि.} तयार झालेले पिठ एका पातेल्यात काढुन घेऊन त्यात खवलेला नारळ आणि चविनुसार मीठ घालुन एकजिव होई पर्यंत ढवळावे. आप्पे पात्राला थोडेसे तेल लावुन गॅसवर ठेवावे.
From APPE">

आप्पेपात्र थोडेसे गरम झाले की त्यात चमच्याने पीठ घालावे.
From APPE">

आता उलटवुन थोडेसे तेल सोडुन पुन्हा भाजुन घ्यावेत.

From APPE">

चटणीसाठी साहित्य:- खवलेला नारळ२ वाट्या, २-३ हिरव्या मिरच्या, १/२ वाटी बारीक चिरलेली कोथिंबीर,१लहान तुकडा आल, २-३चमचे साखर, चविनुसार मीठ,१/२ लिंबाचा रस.

कृती:- खवलेला नारळ, मिरच्या, कोथिंबीर, आलं, मीठ साखर, सर्व एकत्र करुन मिक्सर मधे वाटावे. नंतर त्यात लिंबाचा रस घालुन पुन्हा एकदा मिक्सरमधुन फिरवुन घ्यावे. झाली चटणी तयार.

अशा प्रकारे आप्पे तयार करुन नारळाच्या चटणी बरोबर गरम गरमच खायला द्यावेत.

From APPE">

(एक व्यवहार्य सुचना- आजकाल तयार ओले पिठ मिळते. ते आणुन लगेचच आप्पे करता येतात.)

[स्वाती दिनेशला प्रॉमीस केल्यामुळे "व्यवहार्य सुचना" टाकली आहे]