मासे १३) वाकटी

लागणारे साहित्य:
४-५ वाकट्या
हिंग, हळद,
१ चमचा मसाला
चविपुरते मिठ
४-५ लसुण पाकळ्या ठेचुन
तळण्यासाठी तेल.

क्रमवार पाककृती:
प्रथम वाकटीचा बाजुचा छोटा पिसारा ओढून काढायचा. मग त्याचे डोके व शेपुट काढुन तुकडे करायचे व स्वच्छ धुवायचे.

तेल वगळून वरील सर्व जिन्नस एकत्र करायचे व तव्यावर मिडीयम गॅस वर वाकट्या शॅलो फ्राय करायच्या. जास्त वेळ शिजउ नये त्यामुळे कडक होतात. जर कडक आवडत असतील तर शिजवलेत तर चालेल.

अधिक टिपा:
वाकट्या तळूनच चांगल्या लागतात. ह्याचे शक्यतो कालवण करत नाहीत. ह्या मोठ्या झाल्या की ह्यांचे बले होतात. तेही तळूनच चांगले लागतात. पावसाळ्यात वाकट्या अगदी ताज्या आणि भरपुर प्रमाणात येतात.