साहित्य :
चुरमुरे, फरसाण (३:१ प्रमाणात असावे)
बारीक शेव -खारेदाणे - तिखट बुंदी (आवडत असल्यास), कांदा बारीक चिरून, टोमॅटो बारीक चिरून, चिरलेली कोथिंबीर, चिरलेली कैरी, तिखट, चिंचेचे पाणी (चिंचेचा कोळ + गूळ + तिखट + मीठ), मिरचीचा ठेचा (थोडासा), पुदिन्याची चटणी (पर्यायी)
सोबत कडक पुरी :-)
एक मोठे पसरट भांडे घ्यावे. त्यात चुरमुर्‍यांत फरसाण, चिरलेला कांदा, टोमॅटो, कोथिंबीर, कैरी, चिंचेचे पाणी, ठेचा इ. साहित्य घालून हाताने चांगले मिसळावे. [हाताने/ चमच्याने घोटणे तुमच्यावर....पण जेवढे चांगले, खटखट मिसळाल तेवढी चांगली चव!] देताना वरून पुन्हा कोथिंबीर, कांदा, टोमॅटो, शेव पेरावी, कडक पुरी खोचावी व द्यावे.
-- अरुंधती
http://iravatik.blogspot.com/
प्रतिक्रिया
4 Apr 2010 - 9:53 pm | शुचि
हा हा मस्त शैली लिखाणाची. खटखट मिसळा काय अन कडक पुरी खोचा काय :)
म्हटलं अरुचा लेख आहे पैसा (= वेळ) वसूलच मंगताय आणि वैसाइच हुआ!!
~~~~~~~~~~~~~~~~~~~~~~~~~~~~~~~~~~~~~~~~~~~~~
I fly when you persue me, But when you shy I woo thee
Explain it to me , can't you,Why I must ever want to want you.
4 Apr 2010 - 10:38 pm | नितिन थत्ते
मस्त. पाणी सुटले तोंडाला.
भेळ चांगली होण्यासाठी आमच्या (निरीक्षणातून आणि अनुभवातून बनलेल्या)टिप्स...
१. कांदा भेळकरण्याच्या किमान २ तास आधी चिरावा. म्हणजे त्याचा उग्रपणा कमी होतो.
२. मोठ्या पातेल्यात (२-३ लिटर) एकच प्लेटच्या भेळेइतके जिन्नस घेऊन ढवळावे. म्हणजे चिंचेचे पाणी, चटणी वगैरे सगळीकडे सारखे लागते. (पसरट भांड्यात/परातीत नीट ढवळता येत नाही. सांडासांड फार होते.) भेळवाला नेहमी पातेल्यात भेळ बनवतो हे सर्वांनी पाहिलेच असेल. :)
३. चुरमुरे वार्‍याने उडणार नाहीत इतपत ओले होण्याइतके चिंचेचे पाणी आणि चटणी घालावी.
नितिन थत्ते
(शु सुधारक संपादकांना सूचना : माझ्या लेखनात शुद्धलेखनाच्या चुका आढळल्यास ते दुरुस्त केले जावे. माझी हरकत नाही. मात्र ते दुरुस्त केल्या जाऊ नये)
4 Apr 2010 - 10:41 pm | शुचि
सांडासांड फार होते =))
~~~~~~~~~~~~~~~~~~~~~~~~~~~~~~~~~~~~~~~~~~~~~
I fly when you persue me, But when you shy I woo thee
Explain it to me , can't you,Why I must ever want to want you.
4 Apr 2010 - 11:33 pm | बिपिन कार्यकर्ते
नितिन, कधी बसुया रे?
बिपिन कार्यकर्ते
4 Apr 2010 - 11:57 pm | नितिन थत्ते
भेळ खायला? =))
नितिन थत्ते
(शु सुधारक संपादकांना सूचना : माझ्या लेखनात शुद्धलेखनाच्या चुका आढळल्यास ते दुरुस्त केले जावे. माझी हरकत नाही. मात्र ते दुरुस्त केल्या जाऊ नये)
6 Apr 2010 - 7:58 pm | चतुरंग
चतुरंग
4 Apr 2010 - 10:43 pm | jaypal
आवडत अस्ल्यास बटाटा आणि चाटमसाल/आमचुर वापरता येइल.
***************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/
4 Apr 2010 - 10:54 pm | अरुंधती
शुचि, नितीन, जयपाल धन्यवाद!
नितीन : टिप्स एकदम १ नंबर! :-) पातेल्यातली भेळ येकदम बेष्ट! पुण्यात आम्ही पुष्करिणी भेळवाल्या काकांना अशी भेळ बनवताना त्या पातेल्याकडे (व त्यातल्या भेळेकडे) जिभल्या चाटत पाहिलंय.
जयपाल : बटाटा उकडलेला असावा ;-) हा हा हा! चाटमसाला व आमचूर... आवडत असल्यास, येस्स...पण मग चिंचेच्या पाण्याचे, कैरीचे व टोमॅटोचे प्रमाण थोडे कमी करावे लागेल. एकदम दात आंबण्याइतकी आंबट नको भेळ!
अरुंधती
http://iravatik.blogspot.com/
5 Apr 2010 - 7:51 am | प्राजु
भेळ भेळ भेळ!!!
:)
- (सर्वव्यापी)प्राजक्ता
http://www.praaju.net/
5 Apr 2010 - 1:50 pm | परिकथेतील राजकुमार
छ्या !! आता संध्याकाळी एक भेळ खायलाचा पाहिजे, त्याशिवाय आत्मा शांत / तृप्त होणार नाही !
कोल्हापुर / सांगली ह्याभागात भडंगाचे चिरमुरे वापरुन जी भेळ बनवतात ती पण उच्चच !
पुढच्या कट्ट्याचा चकणा श्री. थत्तेच घेउन येतील ;)
©º°¨¨°º© परा ©º°¨¨°º©
आमचे राज्य
5 Apr 2010 - 2:04 pm | नितिन थत्ते
चालेल.
नितिन थत्ते
(शु सुधारक संपादकांना सूचना : माझ्या लेखनात शुद्धलेखनाच्या चुका आढळल्यास ते दुरुस्त केले जावे. माझी हरकत नाही. मात्र ते दुरुस्त केल्या जाऊ नये)
5 Apr 2010 - 2:36 pm | डावखुरा
लालच आह लप्लप........
केव्हाही चालते.......
तोंडाला पाणी सुटलेय राव!!!!
"राजे!"
6 Apr 2010 - 7:45 pm | संदीप चित्रे
भेळ म्हणजे माझा अक्षरशः जीव की प्राण आहे ग अरूंधती !
आता उन्हाळा सुरू होतोय म्हणजे जास्तीत जास्त वेळा भेळ खायचे योग येणार ! अर्थात आम्ही इथल्या ऐन हिवाळ्यातही भेळ खातोच म्हणा :)
6 Apr 2010 - 8:02 pm | चतुरंग
तोंडाला पाणी सुटले!! =P~ =P~
नगरचा अंबिका भेळवाला भेळेत थोडी कचोरी कुस्करुन टाकतो! वा, काय फर्मास चव येते म्हणून सांगू!! साला आत्ताच्या आत्ता जावं असं वाटायला लागलंय!
(अंबिकाभेळप्रेमी)चतुरंग
8 Apr 2010 - 1:12 am | सुचेल तसं
अगदी अगदी!!! प्रभाकरवाल्याची पण भारी असते.......
10 Sep 2010 - 6:23 pm | विलासराव
मस्त चटकदार झालेली दिसतेय भेळ.
नगरचा अंबिका भेळवाला : काय बोलु आता. चतुरंगजी चाललाच आहात तर आपलीही एक भेळ सांगा. मी आलोच.
8 Apr 2010 - 12:19 am | खादाड_बोका
भेळ...ईथे अमेरीकेत कुठे ??
8> 8> 8> 8>
मला तर स्वप्नातही भुक लागते....
8 Apr 2010 - 1:10 am | सुचेल तसं
बादलीभर पाणी सुटलं तोंडाला!!!!
माझ्याकडूनही एक टीपः भेळेत मटकी घातली कि अतिशय सुंदर लागते भेळ.....
10 Sep 2010 - 4:31 pm | Arun Powar
भेळेचे बरेच प्रकार करून पाहिलेत घरी, पण मला कोल्हापुरातल्या "राजाभाऊ भेळ"चीच चव जास्त आवडते.