आन्जी: शतशब्दकथा: पैला नंबर

आतिवास's picture
आतिवास in जनातलं, मनातलं
9 Mar 2013 - 12:32 pm

आमच्या म्हाडिक गुर्जींना बाळ झालं. म्हंजे त्यांच्या बायकोला वो.

गोरी मिटट पोरगी. मी कडे घेतलं की खिदळायची.
आमी सर्वे मऊ हून जायचो.
नादच झाला तिला कडेवर घेऊन हिंडायचा. कुटंकाबी जावा.

म्हाडिक बै सारखी वरडाय लागली, “आन्ज्ये, अगं घे की पोरीला ...”
अंक्या म्हणला, आता तुजा पैला नंबर पक्का.

पण मला कटाळा यायला.
सारखी बबली माझ्यासंगं.

कुणी मला खेळायला बी घेईना.
झाडावर चढता यीना, पळता यीना, मारामारी तर बंदच.
हात बी दुखायला लागला. बबली जड लई.

एक दिस कुणाचं ध्यान नाही ते बगितलं.
जोरात चिमटा काढला बबलीला.
रडली लई. खच्चून.

आता अजाबात येत न्हाई ती माझ्याकडं.

पैला नंबर गेला म्हणा.
जाउंदे.

(केवळ शंभर शब्दांत - शीर्षक सोडून शंभर शब्द- अनुभव मांडण्याचा हा प्रयोग.)

कथासमाजअनुभव

प्रतिक्रिया

तुमचा अभिषेक's picture

9 Mar 2013 - 1:27 pm | तुमचा अभिषेक

शंभर नंबरी लिहिलंय. :)

आदूबाळ's picture

9 Mar 2013 - 2:11 pm | आदूबाळ

जमलंय!

पैसा's picture

9 Mar 2013 - 2:44 pm | पैसा

मस्त आहे!

इनिगोय's picture

10 Mar 2013 - 2:41 am | इनिगोय

मस्त प्रकार आहे हा!

बिपिन कार्यकर्ते's picture

10 Mar 2013 - 5:20 am | बिपिन कार्यकर्ते

जबरी!

शुचि's picture

10 Mar 2013 - 6:45 am | शुचि

आवडले.

कवितानागेश's picture

10 Mar 2013 - 6:49 pm | कवितानागेश

मस्तय.

हम्म्म ... असं 'मऊ दिसलं, कि कोपराने खणणारे' लोकं असतात खरे .
पण तिचा पैला नंबर गेला ते वाईट झालं , बरं नाही वाटलं.:(

शंभर शब्दात खूपच प्रभावी लेखन.

साती's picture

11 Mar 2013 - 8:01 am | साती

भारी लिहीलेय.

आतिवास's picture

11 Mar 2013 - 12:26 pm | आतिवास

सर्व प्रतिसादकांचे आणि वाचकांचे आभार.

बॅटमॅन's picture

11 Mar 2013 - 12:52 pm | बॅटमॅन

लयच भारी!!!

किसन शिंदे's picture

12 Mar 2013 - 1:46 am | किसन शिंदे

हाहाहा!

मस्तच लिवलंय.

स्पंदना's picture

15 Mar 2013 - 7:28 am | स्पंदना

खरचं छान लिहिलय.

प्राकृत's picture

15 Mar 2013 - 12:42 pm | प्राकृत

छान जमलय :) :)

आतिवास's picture

16 Mar 2013 - 10:38 am | आतिवास

नव्या वाचकांचे आणि प्रतिसादकांचे आभार.

चिगो's picture

16 Mar 2013 - 10:40 pm | चिगो

लै भारी, बाॅस.. बबलीपेक्षाही भारी..:-) शतशब्दकथा आवडली.

आतिवास's picture

16 Mar 2013 - 11:11 pm | आतिवास

चिगो,'शतशब्दकथा'हा एक चांगला शब्द सुचवलात तुम्ही.
आभार.
आता इथून पुढं तुम्ही दिलेला शब्द वापरेन.

जेनी...'s picture

16 Mar 2013 - 11:10 pm | जेनी...

आवडेश .... चिकणं लिवलय ;)

यसवायजी's picture

16 Mar 2013 - 11:46 pm | यसवायजी

आवडलं लई... खच्चून.

पुण्याची दीपी's picture

6 Aug 2015 - 7:33 am | पुण्याची दीपी

+१