आज नानाआजोबा आले. तालुक्याला असत्यात.
आज्जीचे कायतरी भाऊ हायेत ते.
आजोबा आले की आई मला काम सांगणार.
पल्याडच्या गल्लीतल्या वाण्याच्या दुकानातनं कापी आणायची.
हे आजोबा च्या पीत न्हाईत, कापी पितेत.
“आजोबा, तुमी चा का न्हाई घेत? काय हुईल का तुमाला? ” म्या उगं इचारलं.
“ बाळ अंजली, बापूजींनी सांगितलं देशासाठी थोडा त्याग करा. तेंव्हापासून चहा सोडला.” आजोबा म्हन्ले.
भौतेक ते गांधी जैंतीवाले बापूजी असत्याल.
कदी मीठ घ्या म्हन्तेत, कदी चा सोडा.
आजोबा चा सोडले, तेचा बापूजींना काय उपेग?
असंल कायतरी. जौंदे.
हेंनी चा सोडला, कापी पकाडली.
येक सोडलं की दुसरं कायतरी पकडायचं.
म्या असं काय केलं की आज्जी म्हन्ते “धरसोड”.
---
(अवांतर - शशक स्पर्धेतल्या कथा आता वाचणार आहे.)
प्रतिक्रिया
15 Oct 2015 - 7:36 pm | मधुरा देशपांडे
खूप दिवसांनी आली आन्जी. नेहमीप्रमाणेच गोड, निरागस आन्जीची कथा आवडली.
15 Oct 2015 - 11:56 pm | अत्रुप्त आत्मा
+१
15 Oct 2015 - 7:36 pm | मदनबाण
:)
मदनबाण.....
आजची स्वाक्षरी :- Babla's Disco Dandia Theme (India, 1982) :- Babla
15 Oct 2015 - 7:41 pm | जेपी
चांगली आहे.
पुर्वीची कापी आठवली.
15 Oct 2015 - 7:42 pm | बहुगुणी
ही शशकही आवडली.
15 Oct 2015 - 7:50 pm | मित्रहो
आज्जीची गोष्ट बऱ्याच दिवसानंतर आली
15 Oct 2015 - 7:53 pm | खेडूत
:)
15 Oct 2015 - 7:57 pm | टवाळ कार्टा
मस्त :)
15 Oct 2015 - 7:58 pm | प्यारे१
आन्जी आली आन्जी आली.
कुडं गेलती बे हुम्ब????
15 Oct 2015 - 7:59 pm | मांत्रिक
:)
15 Oct 2015 - 8:01 pm | नूतन सावंत
छान आहे,आवडली.
15 Oct 2015 - 8:03 pm | डॉ सुहास म्हात्रे
:) नेहमीप्रमाणेच मस्तं !
आंजी म्होट्टी झाली की समजंल तिला. उलटसुलट करून त्याचं समर्थन करता आलं की त्याला “धरसोड” म्हणत नाहीत :)
15 Oct 2015 - 8:06 pm | एस
आंजी परतल्याचं पाहून आनंद झाला.
16 Oct 2015 - 10:19 am | पलाश
+१०.
15 Oct 2015 - 8:14 pm | दिवाकर कुलकर्णी
छान स्टाइल
15 Oct 2015 - 10:55 pm | चांदणे संदीप
बऱ्याच दिवसांनी आन्जीला पाहून छान वाटले!
अजूनही तिची निरीक्षणं चालू आहेत!
आतिवासताई, खूप आवडली ही शतशब्दकथा!
धन्यवाद!
Sandy
15 Oct 2015 - 10:56 pm | चांदणे संदीप
बऱ्याच दिवसांनी आन्जीला पाहून छान वाटले!
अजूनही तिची निरीक्षणं चालू आहेत!
आतिवासताई, खूप आवडली ही शतशब्दकथा!
धन्यवाद!
Sandy
15 Oct 2015 - 11:34 pm | रातराणी
मस्त! आंजी स्मार्टए!
16 Oct 2015 - 12:04 am | स्रुजा
आन्जी आली, आन्जी रॉक्स !
16 Oct 2015 - 12:51 am | उगा काहितरीच
आजोबा बहुतेक बकरीचं दुध पीत असावेत, तेही काळ्या !
16 Oct 2015 - 1:54 am | सच्चिदानंद
मस्त शतशब्द कथा हो.. :)
16 Oct 2015 - 2:28 am | तर्राट जोकर
लय मस्त...
येक नमुना ऐसा भी: बाप मेल्यावर काहीतरी सोडायचे, म्हणून येका कारट्याने त्याला अजिबात आवडत नसलेली वांग्याची भाजी खायची सोडली....
16 Oct 2015 - 3:02 am | सौन्दर्य
कथा छान लिहिलेय. आवडली.
16 Oct 2015 - 7:13 am | चतुरंग
आंजी पुन्हा एकदा अवखळपणा करु लागली! :)
16 Oct 2015 - 7:54 am | मनीषा
अंजी स्मार्ट आहे ,
तिचा प्रश्नं योग्यं आहे.
अवांतर : कॉफीवाल्यांचं चहाशी इतकं काय वाकडं अस्तं देव जाणे.
17 Oct 2015 - 10:41 am | आतिवास
अवांतराशी सहमत. "मी कॉफी घेत नाही" असं चहा पिणारी व्यक्ती म्हणताना मी कधी ऐकलं नाही हे लक्षात आलं. पण कॉफीवाले मात्र अनेकदा चहा न घेणारे असतात.
16 Oct 2015 - 8:16 am | मुक्त विहारि
आन्जी रॉक्स....
16 Oct 2015 - 8:59 am | अभिजितमोहोळकर
आंजी इज ब्याक!!!
16 Oct 2015 - 10:26 am | अजया
अांजी आली का! भारी लक्ष हिचं.डोक्यात चक्र सुरूच असतंय बयेच्या!
16 Oct 2015 - 10:34 am | सस्नेह
छोट्याशा आंजीच्या इवल्याशा कथा !
...फार दिवसांनी वाचायला मिळाली.
16 Oct 2015 - 10:44 am | नाव आडनाव
कापी
माझे आजोबा आठवले. ते काफी म्हणायचे. तेंव्हा काफीची वडी मिळायची. आजोबा घरी आले तर काफी दुकानातून मी आणायचो.
मस्त लिहिता तुम्ही.
16 Oct 2015 - 10:48 am | पिशी अबोली
आंजीला भारी बाई उचापती.. चक्रं आपली चालू डोक्यात.. :D
16 Oct 2015 - 11:05 am | नाखु
आणि समाजात
च एकच नाव आहे पॉलीसी ( जी स्थलकाल सापेक्ष बदलता येते).
उदा विवाहीतांना लग्नागोदर अगदी नजरेसमोर नको असलेली वांग्याची भाजी लग्नानंतर प्रिय(?) वाटू शकते.
कथा आवडली.
पुलेप्र
16 Oct 2015 - 11:21 am | पद्मावति
ही ही ही...आंजी खूप आवडली. क्यूट आहे एकदम.
16 Oct 2015 - 11:24 am | ज्ञानोबाचे पैजार
अंजी रॉक्स
पैजाराबुवा,
16 Oct 2015 - 11:47 am | जातवेद
:)
16 Oct 2015 - 12:01 pm | द-बाहुबली
:) मार्मीक. बाकी जे आंजीला कळतं ते आज्ज्याला कळलं नाही... ह्या आज्यासारख्या प्रवृत्तीच्या लोकांनीच आपल्या देशाची खरी वाट लावली.
16 Oct 2015 - 12:05 pm | अनिता ठाकूर
लहान मुलीचं निरागस भावविश्व तुम्ही अगदी नेमक्या शब्दांत मांडता.खूप छान!!
16 Oct 2015 - 2:09 pm | नीलमोहर
:)
16 Oct 2015 - 3:01 pm | बिपिन कार्यकर्ते
ए आंजाक्का!!!!!!!!!!!! :)
16 Oct 2015 - 7:03 pm | रेवती
भारी शशक. आंजी नेहमीप्रमाणेच गोड आहे.
16 Oct 2015 - 7:20 pm | प्राची अश्विनी
क्या बात ! एकदम आवडेश !
16 Oct 2015 - 9:11 pm | दिवाकर कुलकर्णी
जादा दौलत होतं असल्यास
सोडलेला बार धरलाच धरलाच पाहिजे
सोडलेला गुटका आणून पुन्हा
कैफासाठी बार भरलाच पाहिजे
16 Oct 2015 - 9:38 pm | पैसा
मस्त आहे!
17 Oct 2015 - 10:37 am | आतिवास
सर्व वाचकांचे आणि प्रतिसाददात्यांचे आभार.
18 Oct 2015 - 12:08 pm | एक एकटा एकटाच
चांगलीय
18 Oct 2015 - 7:05 pm | अभिजीत अवलिया
चांगली आहे.