पावसाची सर जशी बरसून गेली
वाटले की ती,अशी...जवळूृृृऽन गेली!
गुणगुणत होतीस का तू गझल माझी?
एक कोकीळा इथे गावून गेली!
नभ-नभाला देत होते आज टाळी
वीज अवकाशातुनी चमकून गेली!
आज पदरावर तुझ्या सजवू म्हणालो,
रात सारे चांदणे उचलून गेली!
गारव्याने भाव रोमांचीत झाले,
आठवांची गोधडी उसवून गेली!
—सत्यजित
प्रतिक्रिया
22 Jun 2020 - 6:24 am | प्राची अश्विनी
आहा! क्या बात!
22 Jun 2020 - 8:35 am | प्रमोद देर्देकर
वा कविश्वर वा मस्त कविता.
केव्हा तरी पहाटे सारखा तसाच साज आणि तीच चालही छान बसतेय की.
23 Jun 2020 - 12:10 am | सत्यजित...
कविदास म्हणा सर हवं तर,कवीश्वर वगैरे काही नाही हो मी.
भरभरुन दाद दिलीत त्याबद्दल मनःपूर्वक धन्यवाद!
22 Jun 2020 - 10:44 pm | वीणा३
सुरेख !!!
23 Jun 2020 - 12:04 am | सत्यजित...
धन्यवाद प्राची,वीणा.
23 Jun 2020 - 8:57 am | प्राची अश्विनी
रच्याकने, तो "जवळूsन" भारीच्च गोड आहे.:)
24 Jun 2020 - 12:04 am | सत्यजित...
'गज़ल'चा अर्थच 'बातचीत करणे'.
गज़ल वाचताना अनेकदा,शब्द कवीस अपेक्षित असतील तसेच्या तसे आपणास ध्वनीत होतातच असे नाही!
मला अपेक्षित असल्याप्रमाणेच आपण तो वाचला आहे!
आपल्यातील रसिकास अभिवादन!
23 Jun 2020 - 12:17 am | रातराणी
सुरेख!!
23 Jun 2020 - 12:30 am | सत्यजित...
धन्यवाद!
23 Jun 2020 - 8:51 am | सस्नेह
मस्तच !
नेहमीप्रमाणे...
24 Jun 2020 - 12:05 am | सत्यजित...
सस्नेह धन्यवाद!
24 Jun 2020 - 4:30 am | रुपी
सुरेख!!
24 Jun 2020 - 7:39 am | कुमार१
आवडली .
24 Jun 2020 - 9:13 am | सत्यजित...
रुपी,कुमार धन्यवाद!