Skip to main content

वाटले की ती,अशी...जवळूृृृऽन गेली!

लेखक सत्यजित... यांनी रविवार, 21/06/2020 23:16 या दिवशी प्रकाशित केले.

पावसाची सर जशी बरसून गेली
वाटले की ती,अशी...जवळूृृृऽन गेली!

गुणगुणत होतीस का तू गझल माझी?
एक कोकीळा इथे गावून गेली!

नभ-नभाला देत होते आज टाळी
वीज अवकाशातुनी चमकून गेली!

आज पदरावर तुझ्या सजवू म्हणालो,
रात सारे चांदणे उचलून गेली!

गारव्याने भाव रोमांचीत झाले,
आठवांची गोधडी उसवून गेली!

—सत्यजित

काव्यरस
gajhal
gazal
पाऊस
मराठी गझल
शांतरस
लेखनविषय:
वाचने 10914
प्रतिक्रिया 14

प्रतिक्रिया

सत्यजित... मंगळवार, 23/06/2020 00:10

कविदास म्हणा सर हवं तर,कवीश्वर वगैरे काही नाही हो मी.
भरभरुन दाद दिलीत त्याबद्दल मनःपूर्वक धन्यवाद!

सत्यजित... बुधवार, 24/06/2020 00:04

'गज़ल'चा अर्थच 'बातचीत करणे'.
गज़ल वाचताना अनेकदा,शब्द कवीस अपेक्षित असतील तसेच्या तसे आपणास ध्वनीत होतातच असे नाही!
मला अपेक्षित असल्याप्रमाणेच आपण तो वाचला आहे!
आपल्यातील रसिकास अभिवादन!