गाण्यास पावसाच्या झोकात चाल दे
थेंबास ओघळाया हलकेच गाल दे!
नभ वेढतील जेंव्हा बाहू सभोवती
क्षितिजांस रंगवाया हळवा गुलाल दे!
होतील बघ सुरंगी लाजून गाल हे
भेटीत पावसाच्या हाती मशाल दे!
भिजल्या तनू-तनूवर येईल शिर्शीरी
स्पर्शांतल्या सरींना ऐनेमहाल दे!
शिणतीलही जराश्या गजर्यातल्या कळ्या
तेंव्हा उश्यास माझ्या दुमडून शाल दे!
—सत्यजित
प्रतिक्रिया
1 Jun 2020 - 7:21 pm | गणेशा
नभ वेढतील जेंव्हा बाहू सभोवतीक्षितिजांस रंगवाया हळवा गुलाल दे!
भिजल्या तनू-तनूवर येईल शिर्शीरी
स्पर्शांतल्या सरींना ऐनेमहाल दे!
वाह.. निव्वळ अप्रतिम
2 Jun 2020 - 1:46 am | वीणा३
थेंबास ओघळाया हलकेच गाल दे!
वा वा, खूप छान.
2 Jun 2020 - 9:45 am | मन्या ऽ
वाह! क्या बात है!
2 Jun 2020 - 9:46 am | आंबट चिंच
आवडली
2 Jun 2020 - 10:19 am | रातराणी
भारी!!
2 Jun 2020 - 12:14 pm | सस्नेह
सुंदर !
2 Jun 2020 - 5:43 pm | अनन्त्_यात्री
सुंदर !
2 Jun 2020 - 5:54 pm | चांदणे संदीप
आवडली रचना.
सं - दी - प
3 Jun 2020 - 11:53 am | चांदणे संदीप
पाऊस दाटलेला, माझ्या घरावरी हा... ह्या सांज गारवा अल्बमधल्या गाण्याची चाल याही रचनेला फिट्ट बसतेय.
मस्त वाटतेय गुणगुणायला. :)
सं - दी - प
3 Jun 2020 - 1:13 am | मोगरा
होतील बघ सुरंगी लाजून गाल हे
भेटीत पावसाच्या हाती मशाल दे!
मस्त
3 Jun 2020 - 11:41 am | प्रा.डॉ.दिलीप बिरुटे
क्या बात है. रचना एकदम खास, आवडली.
-दिलीप बिरुटे
4 Jun 2020 - 7:30 pm | अनुस्वार
चिंब भिजलो वाचून. व्वा!
5 Jun 2020 - 3:33 am | कौस्तुभ भोसले
आवडली
5 Jun 2020 - 7:52 am | सत्यजित...
वर्षभराहून अधीक वेळ लेखन-विश्रांतीनंतर पोस्टलेलं हे नवखंच लेखन!
आपण सर्वानी भरपूर दाद दिली,त्याबद्दल आपणा सर्वांचे मनःपूर्वक आभार!
7 Jun 2020 - 4:25 pm | अत्रुप्त आत्मा
कुर्निसात !
8 Jun 2020 - 2:34 am | सत्यजित...
मनःपूर्वक धन्यवाद!
11 Jun 2020 - 10:14 pm | प्राची अश्विनी
वाह! ब-याच कालानंतर वाचायला मिळाली तुमची कविता!
18 Jun 2020 - 12:27 pm | सत्यजित...
धन्यवाद प्राची!