||चंद्रवेळ||

प्राची अश्विनी's picture
प्राची अश्विनी in जे न देखे रवी...
9 May 2020 - 8:35 am

1 आकाशातून खिडकीत, खिडकीतून फोटोत उतरलेला चंद्र,
तुला WhatsApp वर पाठवला की मग कुठे माझी पौर्णिमा सुरू होते.
अन तुझा त्यावर reply आला की ती शारदीय होते.

2माहीत असतं, "छान, ओके किंवा तूच माझा चंद्र"
याहून दुसरा तुझा reply येणार नाही.
पण तरी मी खूष असते कारण मला कळतं
याहून अधिक तुला खरंच काही सुचणार नाही.

3 आठवतं? एका रात्री एअरपोर्टवरवरून तू मला कॉल केला होतास.
तू घरी पोचेपर्यंत आपण बोलत होतो. .
तेव्हा चंद्रसुद्धा खिडकीपाशी थांबून राहिला होता.

4 एकदा मोकळ्या आभाळाखाली समुद्रकिनारी
तुझ्या कुशीत चांदणी रात्र घालवायचीय.
खाली चमचमणारी वाळू, समोर चमचमता समुद्र
पांघरायला चांदणं... प्लीज? एकदाच?

5 कधी कधी वाटतं, आपल्या या नात्यात
मी तुला हट्टाने पकडून ठेवलंय, चांदण्यासारखं
जरा मूठ सैल केली की तू निघून जाशील.
मागं कसलीही खूण न ठेवता..

6न राहवून तुला काल खिडकीतल्या चंद्राचा फोटो पाठवला.
वाटलं, इतक्या दिवसांच्या अबोल्यानंतर तू काही तरी तर बोलशील..
आपल्यातलं अंतर मी केव्हाच स्विकारलेलं
खात्री होती की दुसऱ्या टोकाला तू नक्कीच असशील..

7 तुझा हात तर सोडून दिलाय, निग्रहाने,
मनाचा चकोर झालाय..
आपली चंद्रवेळ परतून येईल???

काहीच्या काही कविताफ्री स्टाइलमुक्त कविताकविताचारोळ्यामुक्तक

प्रतिक्रिया

मोगरा's picture

9 May 2020 - 8:38 am | मोगरा

छान

प्रचेतस's picture

9 May 2020 - 8:52 am | प्रचेतस

खूपच सुरेख.

मन्या ऽ's picture

9 May 2020 - 9:23 am | मन्या ऽ

मस्त लिहीलीये!

राघव's picture

10 May 2020 - 8:34 am | राघव

कडक लिहिलं आहेस मायो! पहिली चार तर अगदी टोचणारी झालीयेत. काय लिहिते ही..!!

[अचंबित] राघव

गणेशा's picture

10 May 2020 - 8:51 am | गणेशा

छानच..

लिहीत रहा.. वाचत आहे...

प्राची अश्विनी's picture

10 May 2020 - 10:49 am | प्राची अश्विनी

धन्यवाद सगळ्यांंना! :)

एकेका कडव्याचा प्रवास हिवाळ्यातल्या दीर्घ रात्रीप्रमाणे मनात रेंगाळत राहतो हे ह्या कवितेचं (किंवा स्फुटाचं) बलस्थान आहे.

प्राची अश्विनी's picture

12 May 2020 - 7:53 am | प्राची अश्विनी

धन्यवाद.
एसभाऊ, ब-याच दिवसांनी ?

हो ना. कशा आहात तुम्ही? काही गद्यसुद्धा लिहाल का? भारी लिहिता हेवेसांनल.

सस्नेह's picture

12 May 2020 - 7:05 am | सस्नेह

काव्य हे यमक- प्रास यात नसून कल्पनेत असतं हे पुन्हा एकवार जाणवलं !

OBAMA80's picture

12 May 2020 - 7:20 am | OBAMA80

पांघरायला चांदणं...जबरा...या ओळी सुचायला बहुतेक प्रेमात पडायला हव

मी तुला हट्टाने पकडून ठेवलंय, चांदण्यासारखं
जरा मूठ सैल केला की तू निघून जाशील.
मागं कसलीही खूण न ठेवता..हे फारच आवडल...

प्राची अश्विनी's picture

12 May 2020 - 7:54 am | प्राची अश्विनी

:)
रच्याकने, ते "केली" हवं, शुध्दलेखनात चूक झाली आहे माझी.

जव्हेरगंज's picture

12 May 2020 - 5:20 pm | जव्हेरगंज

आकडे का टाकलेत कळलं नाही. (रसभंग होतोय)
बाकी कविता नेहमीसारखी सुरेख..