धागा चालेना, धागा पळेना... धागा संथ चाली, काही केल्या पेटेना

मिपावर नवीन धागा लिहिण्यासाठी...

१. "लेखन करा" या पर्यायावर क्लिक करा. ("नवीन लेखन" नाही... तो मिपावर नवीनच प्रसिद्ध झालेले लेख दाखवतो.)

२. पुढे आलेल्या पानावर धाग्यांच्या प्रकारांची यादी दिसेल, त्यातून हव्या असलेल्या धाग्याच्या प्रकारावर क्लिक करा.

३. त्यानंतर पुढे आलेल्या पानावरील एडिटबॉक्समध्ये धाग्याचा मजकूर लिहा व (असल्यास) चित्रे टाका. चित्रे टाकण्यासाठीची प्रक्रिया येथे सापडेल.

४. लेखाच्या वर असलेल्या, सर्वात वरच्या टेक्स्टबॉक्समध्ये लेखाचे शीर्षक लिहा.

५. लेखाच्या प्रकाराप्रमाणे, (लेखाच्या वर असलेल्या टेक्स्टबॉक्समध्ये) त्याचे वर्गिकरण लिहा किंवा (लेखाच्या खाली असलेल्या टेक्स्टबॉक्समध्ये) त्याचा लेखनप्रकार आणि लेखनविषय निवडा.

६. लेखाच्या खाली असलेला "पूर्वपरिक्षण" पर्याय वापरून तात्पुरत्या प्रसिद्ध होणार्‍या लेखाचे (जो फक्त तुम्हालाच दिसतो) परिक्षण करा. जरूर असल्यास मजकूर/चित्रांत योग्य ते बदल (संपादन) करा आणि परत पूर्वपरिक्षण करा. लेख प्रकाशित करण्याअगोदर, हे तुम्ही कितीही वेळा करू शकता.

७. प्रकाशित केलेल्या लेखात तुम्हाला बदल (संपादन) करता येणार नाही. म्हणून, लेख समाधानकारक झाला आहे अशी खात्री झाल्यावरच "पूर्वपरिक्षण" पर्यायाच्या लगतच असलेला "प्रकाशित करा" हा पर्याय वापरा.

विशेष सूचना :

अर्धवट लिहिलेला मजकूर साठवण्याची सोय मिपावर नाही. त्यामुळे...

१. अनेक बैठकींत लेख लिहित असल्यास, अर्धवट लिहिलेला मजकूर एमएस वर्ड किंवा तत्सम मजकूर (टेक्स्ट) साठविणारे अ‍ॅप्लिकेशन वापरून स्वतंत्रपणे साठवून ठेवा. परत मिपावर आल्यावर तो मजकूर मिपावर कॉपी करून लेखाचा पुढचा मजकूर लिहायला सुरुवात करा.

२. किंवा, मजकूर लिहायला दुसरे एखादे सोईस्कर अ‍ॅप्लिकेशन वापरून पूर्ण केलेला लेख मिपावर कॉपी करून तो प्रसिद्ध करा.